Llalla-Van Leeuw: Belgjika hetim shqiptarëve të akuzuar për krime edhe në territorin shqiptar

Prokurori i Përgjithshëm Adriatik Llalla zhvilloi një takim me Prokurorin Federal të  Mbretërisë së Belgjikës Frédéric Van Leeuw, ku u diskutua për thellimin e mëtejshëm të luftës së përbashkët kundër krimit të organizuar.

Kryeprokurori Llalla i shprehu homologut të tij gatishmërinë e plotë të prokurorisë shqiptare për të zhvilluar hetime në territorin e Shqipërisë për çdo qytetar shqiptar që dyshohet ose është i akuzuar nga autoritetet belge për përfshirje në trafiqe të paligjshme dhe kriminalitet të organizuar.

Duke e pasur të qartë se numri i emigrantëve shqiptarë në Belgjikë është relativisht i madh, Llalla, theksoi se “ekzistojnë mundësitë reale që shtetas të ndryshëm shqiptarë të jenë të përfshirë në krimin e organizuar dhe që mbajnë lidhje me vendin e origjinës, sidomos në tentativat për të pastruar produktet e veprave penale, pra të ardhurat e krijuara nga veprimtaria e paligjshme”. 

Në këtë këndvështrim, të dy bashkëbiseduesit shprehën qëndrim të njëjtë se goditja kundër grupeve dhe organizatave të përfshira në krim të organizuar, ka sukses nëse goditen në aspektin financiar të tyre.

“Krimi i organizuar ka si karakteristikë të tij synimin e përhershëm të përfshihet në ekonominë legale. Për këtë arsye, është shumë i nevojshëm të rritet volumi i shkëmbimi të informacionit ndërmjet strukturave hetimore për të frenuar shtrirjen e aktivitetit kriminal në veprimtari të ligjshme financiare”, u shpreh Llalla.

Prokurori federal i Belgjikës, Leeuw, vlerësoi nivelin e deritanishëm të bashkëpunimit, duke theksuar shpejtësinë e reagimit të Prokurorisë së Përgjithshme të Shqipërisë për hetime në kuadër të komisioneve rogatore, të cilat janë ekipe të përbashkëta hetimore, të ngritura mes dy vendeve për çështje konkrete.

Në këtë kuadër, Van Leeuw, solli si shembull konkret një aksion të përbashkët të kohëve të fundit, në të cilin nëpërmjet bashkëpunimit me autoritetet hetimore shqiptare, u arrit të goditej në Belgjikë një grup i strukturuar kriminal që merrej me vjedhje, i përbërë nga shtetas shqiptarë, të cilët të ardhurat i dërgonin pranë të afërmëve të tyre në Shqipëri. /gj.k/

Hakmarrja për ndërprerjen e energjisë, tritol zyrave të OSHEE-së në Fushë Krujë

10:06 Kronika

Kamëz/ Tritol ndërtesës dy katëshe përballë komisariatit, që ishte sulmuar dhe dy javë më parë

21:52 Kronika

Policia parandalon një vrasje në Dibër/ Në pranga 3 autorët, porositësi në kërkim

18:44 Kronika

ILDKP kallzon penalisht një gjyqtar dhe një prokuror, hartuan kontrata fiktive të falsifikuara

14:34 Kronika

Tuneli i Krrabës/ KLSH kallzon penalisht ish-zv/Drejtorin e ARSH, shkaktoi një dëm në buxhet prej 1.24 milionë USD

13:45 Kronika

Seanca ndaj Arben Frrokut, ish-gardisti arrestohet në sallën e gjyqit ndërsa dëshmonte

11:03 Kronika

Julian Sinanaj: Për ekzekutimin e një biznesmeni mora 35 mijë euro, por isha i dehur kur e vrava

09:39 Kronika

Ekstradohet drejt Beogradit 38- vjeçari i dënuar nga drejtësia serbe

16:51 Kronika

Shuhet në një aksident në aksin Kukës-Morinë familja kosovare me 3 anëtarë

16:13 Kronika

Ndalohen 87 sirianë klandestinë në 3 operacione

10:12 Kronika