FMN mbërrin të hënën në Tiranë, bisedime pë buxhetin dhe energjinë/ Mete: Do rinisi shlyerja e detyrimeve ndaj biznesit brenda muajit

Misioni i Fondit Monetar Ndërkombëtar do të mbërrijë të hënën në Tiranë, për të vijuar bisedimet me qeverinë, që u lanë përgjysmë në muajin shtator.

Dy janë temat kryesore ku do të përqëndrohen negociatat dypalëshe, së pari, buxheti i shtetit, një draft që të hënën pritet të miratohet në parim nga parlamenti në seancë plenare dhe më pas të rikthehet në komisionet parlamentare për diskutimin nen për nen, gjatë të cilave mund të bëhen edhe ndryshimet e mundshme.

Por bisedimet e qeverisë me FMN-në do të përqëndrohen edhe në realizimin e kritereve të performancës, që do të mundësojnë lëvrimin e këstit të prapambetur të kredisë së FMN-së dhe këstit të radhës, disbursimi i të cilave pritet të bëhet brenda dhjetorit të këtij viti.

Pjesë e diskutimeve pritet të jetë edhe situata në sektorin energjetik, ku brenda dhjetorit, Enti Rregullator i Energjisë do të marrë vendimin për tarifat e reja që do të hyjnë në fuqi nga 1 janari.

Zv.ministri i Financave Ervin Mete ka pranuar se me FMN-në do të vijë për një sërë çështjesh por ka anashkaluar lëvrimin e këstit të radhës.

“Po vjen një mision i radhës i FMN, ne kemi pasur misione të shpeshta, qoftë asistence, qoftë konsultimesh me ta. Do të thosha që marrëdhëniet janë shumë të mira. Sigurisht ka debate për një sërë çështjesh, por ne dakortësojmë për vendimet kryesore”, u shpreh Mete.

Zv.ministri ka premtuar se brenda këtij muaji do të filloj shlyerja e detyrimeve të prapambetura   për bizneset.

“Ajo që është e rëndësishme të thuhet, dhe mund të përbëjë lajm është që pagesa e detyrimeve të prapambetura të pjesës tjetër që ishte parashikuar të paguhej brenda këtij viti, do të fillojë brenda këtij muaji.

Pra deri tani janë paguar 260 milionë dollarë. Nga fundi i këtij muaji deri në në fund të vitit parashikohet të paguajnë edhe 90 milionë dollarë, 9 mld lekë, pjesë e 350 milionë dollarëve detyrime të prapambetura që ishte parashikuar të paguanim për këtë vit”, tha Mete.

Afati për të marrë këstin e trete të kredisë referuar marrëveshjes ishte 22 tetori, por FMN-ja sqaroi se shtyrja e afatit nuk përbën problem ndërkohë që lëvrimi i këstit të radhës do të bëhet pas publikimit të raportit të vlerësimit të ekonomisë prej këtij institucioni. /gj.k/

Përse nafta shitet në tregun shqiptar më lirë se sa duhet të ishte?

20:58 Ekonomia

Aksioni kundër vjedhësve të energjisë/ Gjermeni: 150 milionë euro do të thotë ndërtimi i 80 mijë banesave

18:37 Ekonomia

Moska dyshon se Shqipëria kontrabandon frutat

10:28 Ekonomia

713 milionë lekët e vjedhur nga BSH përfshihen në zërin e shpenzimeve

17:58 Ekonomia

Edhe OSHEE dorëzon në ERE kërkesën për rritjen e çmimit të energjisë

15:52 Ekonomia

Buxheti 2015/Cani: Defiçiti buxhetor parashikohet të zbresë në 4 % e PBB, ndërsa borxhi public në 70.6 %

12:24 Ekonomia

Harito në Komisionin e Integrimit për buxhetin e 2015/ Në administratë punonjës pa diplomë ose pa arsimin përkatës

11:11 Ekonomia

The New York Times: Shqipëria, ndër 5 vendet ish-komuniste që krijoi një ekonomi kapitaliste të suksesshme

10:53 Ekonomia

Formula e pensionit, si të blini deri në 21 vite punë me 2 milionë lekë të vjetra

10:05 Ekonomia

Deputetët e LSI-së akuzojnë qeverinë se ka harruar veriun

15:49 Ekonomia