Te fundit
ISIS pohon se ka ekzekutuar me prerje koke pengun amerikan Peter Kassig
16 Nëntor 2014, 13:44Bota
TEMA
Grupi ultra radikal Shteti Islamik (ISIS) mori përsipër, në një video të publikuar sot në disa site xhihadiste, ekzekutimin me prerje të kokës të pengut amerikan Peter Kassig, i rrëmyer në vitin 2013 në Siri.
ISIS-i, që ka marrë përsipër që prej gushtit ekzekutimin e katër pengjeve perëndimorë, publikoi një video ku tregohet një njeri i maskuar, në të hyrë të një tende, ku pohon se i ka prerë kokën Peter Kassig-ut. Videoja ende nuk është autentifikuar.
“Është Peter Edward Kassig, një qytetar amerikan, i vendit tuaj”, pohon njeriu i maskuar me theks britanik, që e lidh këtë ekzekutim me dërgimin e këshilltarëve amerikanë për të ndihmuar trupat irakiane në luftën e tyre kundër ISIS-it.
Në të njëjtën video prej rreth 15 minuta, luftëtarët e ISIS-it tregohen ndërsa i presin kokën rreth 15 personave të tjerë të paraqitur si ushtarë të regjimit sirian të Bachar al Assad-it.
Peter Kassig, 26 vjeç, një ish-ushtar në Irak, ishte konvertuar në fenë islame dhe kishte themeluar në vitin 2012 një organizatë humanitare, “Special Emergency Response and Assistance” (Sera), pasi ishte larguar nga ushtria amerikane.
ISIS-i, i akuzuar nga OKB-ja për krime kundër Njerëzimit, është përgjegjës për veprime të tmerrshme në territoret e gjera të pushtuara në Siri dhe në Irak, kryesisht për ekzekutime, përdhunime dhe spastrim etnik.
2 komente në “ISIS pohon se ka ekzekutuar me prerje koke pengun amerikan Peter Kassig”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pune korrakesh,varu ”piktorin”………..
Koka ben dhe koka peson. Konvertimi ne fene islame ate ka si shperblim — konvertohesh me koke dhe shperblehesh… pa koke.