Papa Françesku, i katërti në histori që viziton Turqinë. Kërkon ndihmë për refugjatët sirianë

Papa Françesku është Papa i katër në histori  që zhvillon një vizitë në shtetin Turk, i cili dominohet nga besimtarët mysliman. Papa ka zbritur të premten në kryeqytetin Ankara ku është pritur  në aeroport nga ministri i Punëve të Jashtme, Mehmet Cavusoglu dhe ku më pas  do  takohet edhe me presidentin islamo-konservator turk, Recep Tayyip Erdogan në pallatin e ri presidencial.

Qindra njerëz kishin dalë në rrugët e Ankarasë për të përshëndetur vizitën e Papës.  Nga Ankaraja, Papa Françesku u shpreh se duhet të bëhet më shumë për refugjatët që vijnë nga Siria dhe nga Iraku.

Papa dënoi rëndë ekstremizmin fetar, teksa citoi se lufta në Lindjen e Mesme kishte qenë për një kohë të gjatë një arenë e luftrave vëllavrasëse.

Udhëtim tre-ditor  i Papës në  Turqi  vjen pasi Turqia priti 1.6 milionë refugjatë në kufirin e saj jugor, pasi shteti islamik ka konfiskuar pjesë të  të mëdha të Sirisë dhe Irakut fqinj.

Në fjalën e tij në një konferencë për shtyp, Papa bëri thirrje për  “një dialog  i cili mund të thellojë mirëkuptimin dhe vlerësimin ndërmjet besimeve fetare”.

Pozita historike e Turqisë si një pikë takimi e feve dhe kulturave  e bën këtë vend të përkryer për të përhapur  përhapur mesazhin e dialogut dhe bashkëjetesës ndërfetare.

“Është thelbësore që të gjithë qytetarët , myslimanë, hebrenj dhe të krishterë  të kuptojnë se përpara ligjit gëzojnë të njëjtat të drejta dhe se duhet të respektojnë të njëjtat detyra,” tha Papa.

Ai shtoi se fanatizmi dhe fondamentalizmi si dhe frika irracionale  të cilat nxisin  keqkuptime dhe diskriminim, duhet të kundërshtohen nga të gjithë besimtarët e të gjitha feve.

Duke iu kthyer konfliktit në Siri dhe Irak, Papa tha se komuniteti ndërkombëtar ka përgjegjësi morale të asistojë Turqinë, e cila po përballet me valën e emigrantëve, në mënyrë që ajo të mund të kujdeset në mënyrë sa më të denjë për ta.

“Ne nuk mund të mbetemi indiferentë ndaj çështjeve  që shkaktojnë këto tragjedi”,- tha Papa.

Papa Françesku dënoi dhunimin e ligjeve humanitare më bazike  nga ekstremistët dhe persekutimin e kristianëve dhe minoriteteteve të tjera.

Vizita 3 ditore e Papës në Turqi është duke u mbikqyrur nga forcat të shumta sigurie./j.h

Çfarë mund t’iu mësojë Norvegjia vendeve të tjera?

18:45 Bota

Angela Merkel: Rusia po kërcënon paqen në Evropë

15:11 Bota

Obama: E dashuroj Meryl Streep, burri i saj e gruaja ime s’mund të bëjnë gjë për këtë

13:36 Bota

FOTOT/ E gjithë SHBA në protesta pas pafajësisë së policit që vrau të riun me ngjyrë

10:30 Bota

Papa Françesku në Parlamentin Europian: Europa e plakur dhe e drobitur. Kritikon politikat ndaj emigrantëve

19:39 Bota

I riu i dërgon letër Papa Françeskut për abuzimet seksuale, arrestohen katër priftërinj në Granada

17:31 Bota

Shefi i Pentagonit, Chuck Hagel dorëhiqet nën presionin e Obamës

18:55 Bota

Ish-burri i 19-vjeçares që u shpëtua nga e ëma: Aisha, jetë të lumtur duke gatuar për ISIS

16:27 Bota

FOTOT/ "Arti nazist" në Muzeun e Bernës, hebrenjtë kërcënojnë se do e hedhin në gjyq

12:19 Bota

Anti-mafia italiane arreston 40 persona të klanit Ndrangehta

15:10 Bota