Te fundit
Shlyerja e borxheve ndaj OSHEE/ Cela: 1122 familje kanë bërë pagesat e plota
7 Dhjetor 2014, 16:37Kronika
TEMA
Administratori i Operatorit të Shpërndarjes së Energjisë Elektrike (OSHEE) Ardian Çela bëri të ditur se operacioni kundër vjedhjes së energjisë vazhdon në të gjithë vendin.
Ndërsa sportelet e OSHEE-së po punojnë me orare të zgjatura për të përballuar fluksin e qytetarëve që kërkojnë të paguajnë debitë e tyre, duke përfituar nga skema e re e shlyerjes së faturave.
Administratori i OSHEE-së tha se deri më sot janë finalizuar 4131 aktmarrëveshje me qytetarët, ndërsa 1122 familje kanë bërë pagesën e plotë të debisë, duke përfituar 80% ulje të kamatëvonesave.
Ndërsa mospagimi i faturave të energjisë elektrike u ka kushtuar vendin e punës 234 punonjësve të OSHEE-së, të cilët rezultojnë debitorë prej vitesh, tha Çela.
Në vijim të aksionit për ndërprerjen e lidhjeve të paligjshme dhe arrestimit të përgjegjësve, ditën e djeshme ka nisur edhe shkarkimi nga puna i punonjësve të administratës që rezultojnë debitorë. I pari dikaster që mori masa konkrete ndaj punonjësve që nuk kishin shlyer detyrimet ishte Ministria e Drejtësisë.
Plot 131 punonjës të Policisë së Burgjeve u liruan dje nga detyra për shkak se nuk kishin paguar energjinë për periudha deri në 13 vjet.
1 komente në “Shlyerja e borxheve ndaj OSHEE/ Cela: 1122 familje kanë bërë pagesat e plota”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po pse te hiqen direkt nga Puna , verjauni si detyrim ti paguajn me kiste,tani atyre i ishte krijuar tereni per te perfituar dicka, dhe ashtu bene.Po fundja sesht vetem Faji atyre, po i gjithe sistemit, lerini Familjaret te ushqejne Femijet e tyre,,,,, kjo esht e tepruar,,,,.