Hyn në fuqi paketa fiskale, taksat e reja që do të aplikohen

Paketa fiskale për vitin 2015 ka hyrë në fuqi nga data 1 janar. Sipas qeverisë, me këtë paketë janë ulur 15 taksa që ndikojnë në nxitjen e prodhimit që lehtësojnë sipërmarrës dhe fermerë, taksa nxisin eksportet dhe çlirojnë frymëmarrjen e vendit.

Nga 1 janari, tatimi mbi të ardhurat personale (TAP) u be 15% nga 10% që ishte deri 31 dhjetor 2014. Përjashtim nga kjo rritje bëjnë të ardhurat bruto nga paga apo shpërblimet nga marrëdhëniet e punësimit për individët. Ndërkaq, fondi i pensionit vullnetar i administruar nga shoqëria administruese e fondeve të pensionit vullnetar, përjashtohet nga ky tatim. Shtatë mijë anëtarët e fondeve private të pensioneve do të përfitojnë nga kjo masë, pasi kontributi i paguar për pensionin nuk do të tatohet. Pas këtij ndryshimi, dividendët, interesat nga huat, depozitat bankare ose kontrata të ngjashme, të ardhurat nga e drejta e autorit ose pronësia intelektuale, të ardhurat nga lojërat e fatit, si dhe të gjitha shpërblimet apo të ardhurat e tjera, tatohen me 15 për qind. Një rritje të ndjeshme pritet të ketë në transaksionet e pronave të patundshme. Sipas ndryshimit , “Kalimi i të drejtës së pronësisë mbi pasuritë e paluajtshme, tokë ndërtesa, tatohet me 15 për qind të fitimeve të realizuara”.

Nga 1 janari, do të zbatohet përjashtimi nga Tatimi mbi Vlerën e Shtuar i primeve të shkruara për produktet e jojetës, (duke sjellë trajtimin e tyre fiskal sipas direktivës europiane), masë kjo me një efekt 500 milionë lekë minus nga të ardhurat prej TVSH-së, ndërsa vendoset një taksë e re kombëtare, prej 3% mbi to. Efekti në të ardhurat e buxhetit të shtetit për vitin 2015 do të jetë rreth 220 milionë lekë. Efekti neto në të ardhurat nga këto dy taksa do të jetë negativ, me rreth 280 milionë lekë, por vlerësohet që këto ndryshime të jenë faktor nxitës për shtimin e aktivitetit të shërbimit të sigurimeve, që ende vuan nga standarde të ulëta, krahasuar me BE-në dhe fqinjët.

Kostot e mirëmbajtjes së infrastrukturës së rrugëve dhe efektet që shkakton përdorimi i karburanteve në mjedis janë argumentet që dha qeveria për rritjen e taksës së naftës. Rritja e miratuar është 10 lekë/litër i taksës së qarkullimit, ose nga 17 lekë/litër në 27 lekë/litër.

Gjithashtu hynë në fuqi ndryshimet e tarifave doganore, të cilat paraqesin një lehtësim për industrinë, bujqësinë e blegtorinë dhe industrinë e miellit dhe bukës. Ndryshimet kryesore janë: ulja e tarifës doganore për naftën bruto prej 10% në 0%; bërja 0% e tarifës doganore për miellin e grurit, që aktualisht është 10%; bërja 0% e tarifës doganore për importin e produkteve që shërbejnë si lëndë të para për industrinë apo blegtorinë (si p.sh. gruri, ushqimi për kafshët, zogjtë njëditorë, derrat nën 30 kg, viçat nën 160 kg); bërja 0% e tarifës doganore për materialin biologjik, që aktualisht është 10%; bërja 10% e tarifës për gomat e reja pneumatike, që aktualisht është 15%. /gj.k/

Turizmi/ Gjermeni: Për Shqipërinë ka shumë paragjykime. Ja sfidat për 2015

10:50 Ekonomia

Avaritë në sistemin elektro-energjitik/ OSHEE: 3 mijë punonjës në terren për rikthimin e energjisë

20:36 Ekonomia

Çmimi i energjisë/ Rama: 210 mijë familje do të kompensohen me 650 lekë/muaj

11:33 Ekonomia

Pensioni social, Qeveria miraton kriteret dhe procedurat

17:24 Ekonomia

Rusia gati t'i heqë embargon Shqipërisë

15:46 Ekonomia

Mungesa e energjisë/OSHEE: jashtë funksioni disa nënstacione dhe linja furnizimi

12:39 Ekonomia

Vetëvarja në burgun e Rrogozhinës, reagon OSHEE: PD po përdor ngjarjen për përfitime vetjake

13:21 Ekonomia

Unifikimi i çmimit të energjisë, ekspertët: Shëndosh financat e sistemit

17:10 Ekonomia

Zyrtare/ ERE rrit çmimin e energjisë, bëhet 9.5 lekë/ kWh

14:43 Ekonomia

Tarifa e re për energjinë/ 9.5 lek/kwh e paracaktuar, suprizë vetëm tarifa e energjisë për biznesin

10:23 Ekonomia