Bllokimi i lejeve të ndërtimit/ Kushtetuesja rrëzon vendimin e KKT

Gjykata Kushtetuese ka vendosur të shfuqizojë vendimin e Këshillit Kombëtar të Territorit, që bllokonte lejet e ndërtimit në të gjithë vendin, deri në zgjedhjet e ardhshme vendore, duke e cilësuar si anti-kushtetues.

Në këtë mënyrë drejtuesve vendor u rikthehet e drejta të shqyrtojnë dhe të japin leje ndërtimi për njësinë administrative të tyre.

Trupi gjykues ka vendosur ta pranojë pjesërisht kërkesën e Shoqatës së Bashkive të Shqipërisë, duke shfuqizuar përkatësisht dispozitën që u hiqte të drejtën vendorëve mbi dhënien e lejeve të ndërtimit.

Vendimi i KKT, në atë kohë u cilësua nga vendorët si cënim dhe asfiksim i drejtpërdrejtë i autonomisë së pushtetit lokal. Më 22 gusht 2014, Këshilli kombëtar i Territorit i kryesuar nga kryeministri Edi Rama vendosi pezullimin e të gjitha lejeve të ndërtimit dhe planeve urbanistike deri pas zgjedhjeve vendore që do të mbaheshin këtë vit.

Ky vendim sipas kryeministrit parandalonte rrënimin e mëtejshëm të territorit, ndërsa shtoi se lejet e dhëna deri më sot nuk do pezullohen, por do të verifikohet ligjshmëria e tyre.

Kryeministri deklaronte në atë kohë se “do të pezullohet dhënia e lejeve të reja zhvillimore dhe do të pezullohen planet e detajuara vendore nga të gjitha autoritet vendore deri në konstituimin e organeve përfaqësuese dhe ekzekutive të qeverisjes vendore në zgjedhjet e 2015.

“Kemi raste flagrante të dhënies së qindra lejeve brenda 2-3 muajt e fundit para dhe gjatë fushatës, që kanë sjellë plagë të panumërta. Mjafton të shikojmë gjithë vijën e bregdetit dhe të bëjmë përputhjen e atyre shëmtirave që shohim për të kuptuar se pjesa më e madhe e shëmtimit erdhi si rezultat i dorëlëshimit të periudhës para dhe gjatë zgjedhjeve”./gj.k/

Zgjedhjet Vendore/ KiE: gati t’iu vëzhgojmë në 61 bashkitë

16:17 Politika

Ilir Hyseni, kreu i organizatës së trafikut të drogës. Ermal Hoxha ishte financuesi

19:58 Politika

Rekrutimet në FA, Kodheli: 250 vende të reja në ushtri

19:04 Politika

Basha-Lu: Mbështesim cdo vendim apo veprim të SHBA

18:06 Politika

INTERVISTA/ Qato: Fatura e kompensimit të ish-pronarëve kalon buxhetin e shtetit të një viti

17:49 Politika

Shtyhet sërish rivarrosja e Isa Boletinit

17:15 Politika

Rriten deri 70% shitjet e apartamenteve, për të shmangur taksën 15%

17:03 Politika

Ristani: Aksioni i djeshëm, falë policive partnereve. Të arrestuarit kanë financuar fushatën e PS-së

15:39 Politika

23 vjetori i FRESSH/ Bogdani: Të rinjtë kanë braktisur Ramën

15:11 Politika

Tiranë, 24-vjeçari rreh pedagogen e Shkencave Sociale

14:44 Politika