Mesazhe dërguar Aleksis Cipras nga Tirana

Pas fitores së marksistit Aleksis Cipras në Greqi, liderët politikë shqiptar i kanë nisur një sërë mesazhe urimi.

Edi Rama:

Fitorja juaj në zgjedhjet e fundit në Greqi është një sukses i vendosmërisë suaj për të pritur të vinit i vetëm në pushtet. Por, Zoti ta dha dhe ty një LSI, krejt të kundërt, duke bërë bashkë në një koalicion antifashistët me fashistët.

Ilir Meta:

Gëzuar vëlla dhe suksese më tej. Gëzuar dhe aleatëve të tu. Nuk ka rëndësi që kanë pak vota, rëndësi ka që i kanë futur në punë.

Sali Berisha:

Ju përshëndes për sinqeritetin që keni. Marksistët tanë janë maskuar në njëqind forma duke u ndarë në të gjitha partitë. Ju patët durimin dhe qëndruat bashkë dhe fituat. Përpara!

Lulzim Basha:

Urime për fitoren në zgjedhjet e fundit në Greqi. Do ta kesh të vështirë, pasi katër klasikët e marksizmit kanë vdekur. Unë e kam gjallë dhe mezi ja dal.

Shpëtim Idrizi:

Gëzuar Aleksis, djalë i Çamërisë. Dhe një herë që fitoi një çam në Greqi, u gëzuam kot, se shkove bëre koalicion me ata që kanë zbuar çamët, nacionalistët e Zervës. Sidoqoftë, ka ardhur dita që pakica greke në Shqipëri të mos njohë Vangjel Dulen, por partinë tonë. Ne jemi grekë të vërtetë, të ardhur këtu. Ata janë vendalinj.

Vangjel Dule:

Urime vëlla Aleksis. E bëre gabim atë punën e kryepeshkopit, që refuzove betimin. Ne si parti nuk bëjmë asnjë hap pa u konsultuar me kryepeshkopin tonë këtu. Ç’është e vërteta, është më i zgjuar se ai në Athinë, dhe e mbron më mirë çështjen tonë kombëtare, se sa ai. E di që i ke bezdi këto muhabetet nacionaliste, ndaj ndërrova dhe Bollanon, dhe vura një më të butë. Të tjerat t’i shpjegoj nga afër. Mos harro pensionet, se jemi hallexhinj.

Genc Pollo:

Në cilësinë e njeriut që merret me marrëdhëniet ndërkombëtare në PD, të uroj gëzuar dhe suksese. Unë rrjedh nga një familje që kam mbështetur gjithmonë revolucionet greke. Gjyshi u ka prirë revolucionarëve vorio-epirotas në vitin 1914, dhe për këtë shkak u persekutua më pas, derisa babai u detyrua të bëhej prapë komunist e të shpëtonim nga persekutimi. Uroj që idealet e gjyshit tim të rrjedhin në gjakun tuaj.

Anastas Angjeli:

Më vjen keq që nuk të uroj dot publikisht, se më përgjojnë këta të FMN çfarë shkruaj, por ta dish që ke një mik për kokë në Tiranë. Jemi të dy nga një anë. Dhe unë çam ortodoks jam, po këtu më thonë grek, andej më thonë shqiptar. Lëmsh u bë kjo punë. Por dije që më ke në krah. Më fal që s’të dërgoj dot telegram në gazeta.

Kunati mbledh raportimet për protestën e makinave

19:54 Antena

Kunati merr masat për protestën e makinave

18:59 Antena

Kunati konsultohet për qëndrimin ndaj Muzeut të Shtëpisë me Gjethe

18:59 Antena

Shpërndahet literatura për testimin e mjekëve

19:02 Antena

Kunati njihet me këshillat e Tritanit për zgjedhjet në Greqi

19:01 Antena

Zbulohet sekreti i makinave luksoze të Ermal Hoxhës

19:10 Antena

Kunati, qarkore kundër dorëzimit të librezave të dritave

21:14 Antena

Letër Dragoit nga gjyshi Enver

20:22 Antena

Kunati bën gati arsyetimet për milionat e Zenit

18:14 Antena

Pjesë nga seanca gjyqësore ndaj Ermalit

21:22 Antena