Te fundit
Vdekje gjatë xhirimeve të filmit "Silence", Martin Scorsese në zi
29 Janar 2015, 20:02Kulturë
TEMA
Regjisori i famshëm Martin Scorsese ka mbetur i shokuar dhe në trishtim të thellë, pas një aksidenti fatal në skenën e xhirimit të filmit të tij të ri “Silence”
Një person u vra dhe dy të tjerë u plagosën kur një tavan shemb mbi punëtorët e ndërtimit tajvanez, gjatë para-xhirimeve në Chinese Culture dhe Movie Center.
Kontraktorët e pavarur ishin punësuar për të “bërë të sigurt” ndërtesën, që ishte konsiderua si e paqëndrueshme. Gjatë këtij procesi ka ndodhur dhe aksidenti, sipas zëdhënëses së filmit.
” Të gjithë jemi të tronditur dhe në dhimbje të thellë. Shprehim ngushëllimet tona të sinqerta për familjet e personit që vdiq dhe të atyre që u plagosën“, thuhej në deklaratën e bërë.
Liam Neeson, Adam Driver dhe Andrew Garfield janë yjet që do të luajnë në dramën historike mbi jezuitët portugezë të përndjekur në zonat e izoluara të Japonisë së shekullit të 17-të.
Filmi është një përshtatje e romanit me të njëjtin emër i autorit japonez Shusaku Endo, botuar në vitin 1966./j.h
Lini një Përgjigje
Më të lexuarat
24 oret e fundit
Javen e fundit
Blog Tema
