OSBE për dosjet: Mbështesim ligjin “Veliaj", drafti Doda antikushtetues

Prezenca e Organizatës për Sigurinë dhe Bashkëpunimin Europian (OSBE) në Tiranë, ka depozituar në Kuvend komentet e veta lidhur me dy projektligjet e propozuara për hapjen e dosjeve, duke mbështetur variantin e ligjit “Veliaj” të propozuar nga qeveria. Sipas OSBE-së, projektligji i qeverisë është në përputhje me dispozitat kushtetuese dhe se “besojmë se kjo është një nga mënyrat për të trajtuar trashëgiminë e regjimit të mëparshëm totalitar”.

“Projektligji ‘Për të drejtën e informimit për dokumentet e ish Sigurimit të Shtetit të Republikës Popullore Socialiste të Shqipërisë’, propozuar nga Këshilli i Ministrave, nuk gre shqetësime sa i përket përputhshmërisë së tij me dispozitat kushtetuese”, shkruhet në dokumentin e OSBE-së drejtuar Kuvendit.

Nga ana tjetër, OSBE thotë se projektligji i depozituar nga deputetët Mesila Doda dhe Shpëtim Idrizi nuk përmbush standardet ndërkombëtare dhe kombëtare për çështjen e lustracionit. “Pas një shikimi të kujdesshëm të projektligjit, duket se paragrafët kyç lidhur me procedurën e lustracionit, projektligji ofron të njëjtat mjete dhe procedura si ligji nr. 10034, i datës 15/01/2009 ‘Për pastërtinë e figurës së funksionarëve të lartë të administratës publike dhe të të zgjedhurve’. Ky ligj, sidoqoftë, u shpall si antikushtetues dhe u shfuqizua nga Gjykata Kushtetuese me vendimin e shtatorit 2010”, thuhet në komentet e OSBE.

Gjithashtu, sipas OSBE, dispozitat e projektligjit Doda-Idrizi “nuk përcaktojnë një afat kohor lidhur me kohëzgjatjen e masës së lustracionit. Kjo nuk është në përputhje me Udhëzimet e KiE-së…” si dhe “ai nuk parashikon një mekanizëm të përshtatshëm, që vërteton fajin në baza individuale, ashtu siç rekomandohet nga Rezoluta e KiE-së… Dispozitat e projektligjit lidhur me pozicionet e zgjedhura nuk janë në përputhje me Udhëzimet e KiE-së”./j.h

Komploti për vrasje, farsë/ Tahiri: Doshi më tha se atentati ishte organizuar nga shoferi i Mediut, A.Kuliçaj, prokurori Eugen Beci, Agim Rama, mbështetur nga Adriatik Llalla (VIDEO)

15:13 Sociale

Nis shtyrtimi i ligjit të dosjeve / Veliaj: Asnjë kompleks për t’u përballur hapur me dosjet, alternativa e opozitës antikushtetuese

13:20 Sociale

Kisha Ortodokse proteston për prishjen e rrethimit të katedrales “Ringjallja e Krishtit”

11:36 Sociale

FOTO LAJM/ Nga një kasolle, me shtëpi dinjitoze

10:17 Sociale

INVESTIGIMI/ Gjithë problemet e diplomacisë shqiptare

18:20 Sociale

Rama-Veliaj në Vlorë, pensionet e reja mbi 30 mijë lekë, në korrik do rriten me 2 për qind

13:56 Sociale

Beqaj: 16 milionë euro për transformimin rrënjësot të QSUT

13:21 Sociale

VIDEO/ Momenti shokues kur polica vret një të pastrehë

11:57 Sociale

INTERVISTA/ Albanologu Mateo Mandala: Hapja e dosjeve do ndihmojë në njohjen e së kaluarës

11:54 Sociale

Nishani mbështet studentët: Të vazhdojnë grevën. Do t'i kërkoj prokurorisë nisjen e hetimeve

11:22 Sociale