Te fundit
Armenia shpall listën, edhe Mkhitaryan ndaj Shqipërisë
20 Mars 2015, 20:26Sport
TEMA
Federata Armene e Futbollit shpalli listën e 24 futbollistëve të grumbulluar për ndeshjen elimintarore të 29 Marsit me Shqipërinë në Elbasan Arena.
Asnjë surprizë në zgjedhjet e trajnerit Bernard Challandes pasi të gjithë futbollistët e rëndësishëm që ka në dispozicion Armenia do të udhëtojnë drejt Shqipërisë të premten e ardhshme, raporton Sport News.
Në një sfidë shumë të rëndësishme për të dyja kombëtaret, përfaqësuesja armene do të mund të mbështetet te lojtarët e saj më të mirë, ku bie në sy ylli i ekipit Henrikh Mkhitarayn. 26-vjecari nuk ka shfaqur formën e tij më të mirë gjatë kësaj periudhe me Borussian e Dortmundit megjithatë do të jetë ai lojtari tek i cili do ta bazojë lojën e skuadrës së tij trajneri zviceran Bernard Challandes edhe në sfidën e 29 Marsit përballë përfaqësueses kuqezi.
Nuk mungon në listën e të grumbulluarve as sulmuesi i Spartakut të Moskës, Yura Movsisyan i cili në 28 ndeshje me përfaqësuesen armene ka realizuar 9 gola. Edhe përballë Shqipërisë kapiten i skuadrës do të jetë portieri i Dinamos së Moskës Roman Berezovsky, ndërsa emra të tjerë të njohur në listën e trajnerit Challandes janë edhe ata të mesfushorëve Gevorg Ghaazaryan, Marcos Pizzelli dhe Artem Symonyan ky i fundit luan në Zvicër te Zyrihu sëbashku me Burim Kukelin dhe Armando Sadikun.
Pas tre ndeshjesh të zhvilluara në grupin I kualifikues të Euro 2016, Armenia ka grumbulluar vetëm 1 pikë dhe një fitore e kuqezinjëve tanë në sfidën e 29 Marsit mund ta nxirrte përfundimisht nga gara për një vend në europianin francez formacionin e drejtuar nga Bernard Challandes dhe nga ana tjetër do të shtonte shanset e Shqipërisë për kualifikimin historik në fazën finale të një kompeticioni madhor.
4 komente në “Armenia shpall listën, edhe Mkhitaryan ndaj Shqipërisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ndeshje ta themi si m.bregu ndAn shapin nga sheqeri….shpresojme qe puna e te gjithve ti shperbleje me nje rezultat pozitiv.3-1 parashikoj
Nuk pranojme disfate FITORE FITORE çuna .
Nese do luajme me bindjen se jemi ekip me i mire se ata, kemi per tu turperuar keq, por nese e konsiderojme vehten nje ekip me i vogel dhe bejme gjithcka me mend ne koke, nuk ka arsye te mos shpresojme per nje rezultat pozitiv. Por kurdohere te mos harrojme mbrojtjen.
Po qe se do te kemi taktike difensive duke shfrytezuar vetem kundersulmet e kemi te humbur ndeshjen,lojtareve do tu shtohet ankthi dhe nervat dhe kjo eshte negative,gol do te hame dhe gol nuk do te bejme.
Armenet nuk kane c’te humbin.
70%-barazim
67%-fitore e taneve
33%-fitore e Armeneve
Nje ndeshje futbolli nuk fitohet vetem duke qene patriot dhe kuq e zi.