Kërkesa e Prokurorisë, PD largohet nga Kuvendi: S'bëhemi pjesë e kësaj farse

Deputetët e Partisë Demokratike janë larguar nga salla e Kuvendit duke mos marrë pjesë në votimin mbi kërkesën e Prokurorisë së Përgjithshme për arrestimin e deputetëve Mark Frroku dhe Tom Doshi. Edi Paloka, Kryetar i grupit Parlamentar të PD-së, theksoi se kjo parti mbështet kërkesat e prokuororisë, por nuk mund të bëhet pjesë e farsës.

“Dua të them dy fjalë lidhur me qëndrimin e grupit të partisë demokratike.
Prej mëse dy javësh shqiptarët janë bërë spektatorë të një ngjarje sa skandaloze aq edhe të frikshme. Skandaloze se Kreu i Kuvendit është akuzuar për vrasje nga një deputet i mazhorancës, e frikshme se shqiptarët mësuan se për 6 muaj kupola e shtetit e fshehu dhe manipuloi këtë ngjarje, dhe sot tenton ende të manipulohet kjo ngjarje.

Vetëm një provë e rëndë që akuzonte shtetin se kishte ushtruar presinion në qelitë e shtetit, kjo provë nuk na u dha edhe të gjykojmë qartazi për këtë ngjarje. Deputetët e PD së nuk kanë nevojë për imunitet, ky parlament nuk ka nevojë për imunitet dhe duke i qëndruar këtij parimi vota jonë është po, por s’mund të bëhemi pjesë e kësaj farse, ne nuk do të marrim pjesë në këtë farsë për ti qëndruar sa më larg kësaj ndyrësie, tha Paloka, ndërsa deputetët demokratë u larguan nga salla e Kuvendit.

Më herët, deputeti socialist Armando Subashi paraqiti para Kuvendit vendimin e marrë nga anëtarët e mazhorancës në Këshillin e Imunitetit për miratimin e kërkesës së Prokurorisë.

“Seanca e djeshme ishte publike, procedura si u zhvillua e qartë për të gjithë. Pas dëgjimit të palëve, Këshilli bërë diskutimin e vet me dyer të mbyllura. U morr vendim konsensual me divergjenca të vogla.

Konkluzionet janë të shprehura edhe në Raport. Në gjithë diskutimet u vu theksi se me ndryshimet që i janë bërë Kushtetutës kemi një koncept të ri për imunitetin e deputetëve dhe zyrtarëve të lartë.

Në Këshillin e Rregullores, Imunitetit dhe Mandateve, mbizotëroi mendimi që edhe ky këshill edhe vetë Parlamenti të mos jetë pengesë pasi nuk janë ata që vendosin për arrestimin e deputetëve, por është Gjykata e Lartë ajo vendos përfundimisht.

Nga kjo pikëpamje i hapëm rrugën Kërkesës së Prokurorisë”, tha Arbando Subashi.

Ndërsa Eduard Halimi paraqiti qëndrimin e anëtarëve të opozitës në këtë Këshill. Deputeti Halimi deklaroi se Prokuroria pranoi se ekziston një video kërcënuese që ka sjell më pas edhe ndryshimin e dëshmisë së Durim Bamit. Po sipas Halimit, kjo video nuk është bërë publike për Këshillin pasi deputetët e mazhorancës refuzuan të hartonin kërkesën.

“Është një nga seancat më të vështira.

Sytë e qytetarëve janë drejtuar për të parë çfarë do të bëhet me kërkesat e Prokurorisë. Dje u pranua nga të gjithë se ekziston një video ku rezulton që ky dëshmitar kishte ndryshuar dëshminë e vet nën kërcënimin e jetës.

Prokuroria ka pranuar që kjo video ekziston, por do ta dorëzonte me kërkesë të Këshillit. Por kjo u kërkesë u pengua nga deputetët e mazhorancës. Por ajo video nuk u kundërshtua nga askush”, tha Halimi.  /gj.k/

Mark Frroku: Mos i hapni rrugë një precedenti të rrezikshëm. Doshi: Nuk jam i shqetësuar, pres arrestimin

11:45 Politika

Balla: Berisha ka nisur punën e re, zëdhënës i Durim Bamit

11:49 Politika

DEBATET e plota në Kuvend/ Meta: PD ka marrë në mbrojtje një falsifikator. Paloka: Heqjen e imunitetit të Metës e bëjmë me qetësi e dashuri

11:30 Politika

Rama acarohet me Dulen pse i jep fjalën Berishës: Kjo nuk është shtëpi e oficerëve, s'jemi në Kopshtin Zoologjik këtu

11:05 Politika

PD vendos të mos marrë pjesë në votimin për heqjen e imunitetit të Doshit dhe Frrokut

10:02 Politika

Berisha i mer të mirëqena akuzat e Tom Doshit: Xhelati i Metës kërcënoi Bamin me jetën e djalit

09:54 Politika

INTERVISTA/ Koço Kokëdhima: Kanabisi do legalizohet në Shqipëri, por do jetë vonë dhe pa fitime për ne. S'kam gisht në arrestimin e Gjikës

09:15 Politika

SMS-të drejtuar gazetares: “Unë të dua fort. Vdes për ty dhe po vuaj shumë. Nuk më zë gjumi pa të shkruar një mesazh”

09:06 Politika

Këshilli i sygjeron Kuvendit t'i hapë rrugë arrestimit të Doshit e Frrokut. PD dhe PS, raporte të ndara

00:40 Politika

DEBATET E PLOTA/ Doshi plas faktet "rrënqethëse": Bamit i kërcënuan fëmijët me jetë

21:07 Politika