Koalicioni me PS/ PDIU paraqet kandidatët e saj për 21 Qershorin

PDIU ka prezantuar kandidatët e saj në tre bashki, në të cilat do të ketë mbështetjen e koalicionit të drejtuar nga Partia Socialiste.

Sipas Vjollca Brahos, kandidatët e PDIU do të jenë për Konispolin, Rrogozhinën dhe Peqinin, ndërsa vijojnë negociatat edhe për bashkinë e Patosit.

“Partia Drejtësi, Integrim dhe Unitet ka zhvilluar konsultime intensive në strukturat e saj dhe në bashkësitë vendore, ku PDIU ka një peshë specifike elektorale.

Ashtu sikurse jeni në dijeni, ne jemi dakorduar me forcën më të madhe të koalicionit, Partinë Socialiste, për të dalë me 61 kandidatura të përbashkëta në të gjithë vendin.

Ne kemi rënë dakord të bashkojmë energjitë, vizionin, programet dhe fuqinë njerëzore për t’i dhënë frymëmarrje pushtetit vendor dhe për të rritur mirëqënien ekonomike dhe sociale të gjithë qytetarëve shqiptarë nga Konispoli në Vermosh.

Konsultimet e kryera gjatë këtyre javëve kanë pasur në thelb propozimin e kandidaturave, të cilat do të administrojnë bashkitë e reja, në shërbim të qytetarëve.

Në fund të këtij procesi, kam kënaqësinë, që në emër të kryesisë së PDIU-së, grupit parlamentar dhe strukturave të tjera drejtuese, t’ju prezantojë kandidatët që Partia Drejtësi, Integrim dhe Unitet do të propozojë në tryezën e aleatëve:

1.  Mimoza Arapi për Bashkinë Konispol. Znj. Arapi ka drejtuar me sukses bashkinë në katër vitet e fundit. Si kryetare e Forumit të Gruas, jam e bindur që një femër, nënë dhe mësuese, energjike dhe vizionare do ta kthejë Konispolin, në një vatër të re të jugut të vendit.

2.  Beqir Nuredini për Bashkinë e Rrogozhinës. Z. Nuredini është një sipërmarrës i suksesshëm dhe administrator i sprovuar, i lindur dhe i rritur në Rrogozhinë. Kandidatura e z. Nuredini përbën një vlerë të shtuar për Rrogozhinën dhe rikonceptimin pushtetin vendor në Shqipëri .

3.  Sajmir Hasalla për Bashkinë e Peqinit. Z. Hasalla është jurist në profesion dhe ka qenë një drejtues i suksesshëm i institucioneve publike në zonën e Peqinit, si edhe me përvojë në administratën e Kuvendit të Shqipërisë.

4.  Ndërkaq, po vijojnë negociatat në lidhje me Bashkinë e Patosit“, thuhet në deklaratën e PDIU-së. /gj.k/

Bazhdari, takime me 12 grupet e interesit në Shkodër. E nis me artin dhe trashëgimin kulturore

10:45 Politika

Dule: Militantët në komisionet zgjedhore prishin procesin

10:26 Politika

Basha-ODHIR-it: Premisa jo të mira për zgjedhje të lira, sillni sa më shumë vëzhgues më 21 qershor

10:05 Politika

Kush është gjeorgjiano-izraeliti misterioz që bleu 1.4 milionë euro biznesin e Mark Frrokut?

09:36 Politika

Kandidatët e zyrtarizuar deri më tani nga PS dhe PD

09:12 Politika

Alibeaj sakrifikohet nga PD në një “zonë të humbur”, për të mos djegur figurat e reja

09:06 Politika

Drejtoresha e Hipotekës sqaron foton e saj me Ramën, të publikuar nga Berisha

08:58 Politika

Kush është Dritan Leli, doktori që rikthehet në Vlorë si kandidat për Bashkinë?

20:25 Politika

Taulant Balla, proteston ndaj Bylykbashit: Po pengon punen e Komisionit te dekriminalizimit (E plot)

16:14 Politika

Angjeli prezanton kandidatët në Përmet, Këlcyrë dhe Libohovë

20:08 Politika