Te fundit
Azilkërkuesit/ Totozani: Qytetarët mos të bien pre e mashtrimeve
20 Prill 2015, 12:05Kronika
TEMA
“Mos bini pre e mashtrimeve”.
Ky është apeli që Avokati i Popullit Igli Totozani i drejtoi qytetarëve shqiptarë që kërkojnë azil në vendet e Bashkimit Europian.
Përmes një njoftimi për shtyp, Totozani shprehet i shqetësuar për situatën e krijuar në vend, lidhur me largimin e qytetarëve nga vendi me qëllim kërkimin e azilit.
“Prej më shumë se një viti Avokati i Popullit po ndjek me shqetësim të madh largimin e qytetarëve nga vendi. Këtë shqetësim Avokati i Popullit e ka ndarë me Parlamentin dhe qytetarët qysh një vit më parë, nëpërmjet një raporti të posaçëm ku analizohen me përgjegjësi shifrat dhe shkaqet e këtij fenomeni që po merr përmasa alarmante sot”, theksohet në njoftim.
“Avokati i Popullit nxit autoritetet shtetërore ta trajtojnë me shumë kujdes, përgjegjshmëri dhe humanizëm këtë fenomen për të kuptuar shkaqet reale social-ekonomike që shtyjnë në këtë lëvizje masive.
Njëkohësisht, Avokati i Popullit i bëj thirrje qytetarëve që të mos bien pre e atyre që përfitojnë në mënyrë të paskrupullt duke mashtruar shqiptarët për mundësi azili në vendet perëndimore, mundësi të cilat sikundër është përmendur nga ambasadorët e vendeve perëndimore, nuk ekzistojnë”, thuhet në deklaratën e AP-së. /gj.k/
1 komente në “Azilkërkuesit/ Totozani: Qytetarët mos të bien pre e mashtrimeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vetem ata qe dine ta kerkojne Azlin politik e fitojne. Shqiperia vazhdon te jete 1 laborator ekperimental………..