Isa Boletini do të prehet krah Ismail Qemalit: Rama: Rrugëtim përmes gjithë trojeve nga Kosova në Shqipëri

Eshtrat e Isa Boletinit do të rivarrosen në Vlorë më 10 qershor.  Kryeministri Edi Rama së bashku me Ministrin e Jashtëm dhe zëvendëskryeminsitrin e Kosovës, hashim Thaçi tha se po bëhet gjëja e duhur për të nderuar këtë figurë të madhe të historisë së Shqipërisë.

“Jemi të bindur që së bashku po bëjmë gjënë e duhur për të nderuar këtë figurë të madhe këtë histori të madhe por edhe për tju përcjellë gjenaratave të reja mesazhin e fortë dhe të kthjellët të këtyre dy baballarëve të kombit dhe padyshim të shtetit tonë. Falenderoj familjarët dhe së bashku me Isa Boletin do të vijnë në Vlorë edhe eshtrat e bashkëluftëtarëve të tyre . Propozimi ynë është mirëpritur nga familja dhe qeveria e Kosovës. Jam shumë mirënjohës zëvendëskryeministrit për ndërmjetësimin e këtij propozimi për familjarët dhe u jam shumë mirënjohës familjarëve për mirëkuptimin. Ky propozim u ka dhënë siç vetë e pohuan, një lumturi të veçantë. Data e caktuar për të përcjellë eshtrat e heroit tonë është data 10 qershor dhe rrugëtimi do të kryhet nëpërmjet të gjitha trojeve të Kosovës dhe Shqipërisë deri kur gjithë ceremonia të përmbyllet në sheshin e “Pavarësisë” dhe Isa Boletini të prehet pranë vëllait, mikut dhe bashkëluftëtarit të tij Ismail Qemali”, tha ai.

Kreu i qeverisë theksoi se kjo është gjëja e duhur për të nderuar këtë figurë, ndërsa paralajmëroi se bashkë me të do të vijnë edhe eshtrat e bashkëluftëtarëve të tjerë të Boletinit të vrarë në të njëjtin moment.

“Jemi të bindur se po bëjmë gjënë e duhur për të nderuar këtë figurë por edhe për tu përcjellë gjeneratave të rejave mesazhin e fortë të ëndrrës dhe betejës së përbashkët të këtyre dy baballarëve të Kombit dhe padyshim edhe të Shtetit tonë. Falënderoj familjarët dhe nënvizoj në fund se së bashku me Isa Boletinin do të vijnë në Vlorë, edhe eshtrat e bashkëluftëtarëve të tij të vrarë në të njëjtin moment që do të prehen në varrezat e Dëshmorëve”, tha ai.

Ndërsa zëvendëskryeministri i Kosovës, Hashim Thaçi tha se ky është një vendim i dy qeverive duke nënvizuar se 10 qershori do të dërgojë mesazhin e një perspektive bashkuese dhe integruese për kombin shqiptar.

“Sot është një ditë e veçantë për Kombin shqiptar sepse konfirmojmë mendimin e dy qeverive me idenë e zotit Rama që eshtrat e Boletinit të prehen në Vlorë, në qytetin e Pavarësisë, ndaj sot jemi këtu bashkë si dy qeveri, me vendimin edhe të familjes Boletini me itinerarin që vetë Isa Boletini e bëri për t’ju bashkuar idealit, qëllimit të pavarësisë së trojeve shqiptare për t’ju bashkuar Ismail Qemalit. Edhe sot do të dërgojmë mesazhin më të mirë për të ardhmen e kombit. Më 10 qershor do të jemi së bashku, Shqipëria Kosova, Presheva, shqiptarët e Maqedonisë, Ulqini. 10 qershori do të dërgojë mesazhin e një perspektive bashkuese dhe integruese për kombin shqiptar. Do jetë një organizim madhështor. Falënderoj familjen Boletini”, u shpreh Thaçi

"Amerika s’e ka problem realizimin e Shqipërisë së Madhe"

11:08 Rajoni

INTERVISTA/ Fantazma e Shqipërisë së Madhe shërben për të krijuar frikë

09:56 Rajoni

Luftimet në Kumanovë, a u vranë shqiptarët pasi u arrestuan nga policia?

09:00 Rajoni

Zyrtare: 23 shtetas kosovarë janë arrestuar në incidentin e armatosur në Kumanovë

19:34 Rajoni

Vuçiç: Vizita në Tiranë e rëndësishme

19:30 Rajoni

Gjermania, procedura të shpejta për kthimin e refugjatëve nga Ballkani

15:19 Rajoni

Televizioni zviceran SRF për Maqedoninë: Tri dorëheqje dhe një dyshim i tmerrshëm

14:42 Rajoni

Erdogan nga Tirana: Paqja në Maqedoni varet nga zbatimi i Marrëveshjes së Ohrit

14:00 Rajoni

Ministria e Brendshme maqedonase konfirmon. Komandat Nato dhe Begu janë vrarë në Kumanovë

13:49 Rajoni

Serbia akuzon Kosovën si “bazë e terroristëve”, Kosova kundërpërgjigjet: Serbia ka mbetur e njëjtë

12:37 Rajoni