Basha në Fier: Do ulim taksimin, do e cojmë 9 %

Kryetari i Partisë Demokratike, Lulzim Basha, në vijim të turit të bashkëbisedimit me të rinjtë e qytetit të Fierit, përsëriti shqetësimin për situatën ekonomike që po kalon vendi, ndërsa prezantoi platformën e opozitës për taksa të ulëta.

“Dyshja Rama-Meta, tha Basha, nuk ka mbajtur asnjë premtim. Premtoi 300 mijë vende pune, mbylli mijëra të tjera, premtoi ulje çmimesh, solli rritje çmimesh, premtoi ulje taksash, solli rritje të tyre. Në katër muaj në buxhetin e shtetit mungojnë 45 milionë dollarë”, tha kryetari demokrat.

në vijim ai shtoi se me taksën e sheshtë 9 % një punonjës me pagë 450 mijë lekë do paguajë 1350 lekë taksë, ndërsa me taksën 13% të Ramës sot paguan 1950 lekë. 

Kryetari i PD theksoi se opozita  u ka dhënë  alternativat dhe mundësitë e daljes nga kjo situatë përmes amendamenteve por ata i votuan kundër, pasi për ta punësimi dhe dalja na varfëria nuk është prioritet.

“Ne u dhamë rrugëzgjidhjet tona, rrugëzgjidhjet e halleve tuaja, sepse hallet tuaja janë prioriteti ynë dhe ata i votuan kundër. I çuam propozimin, hiq tvsh për miellin, orizin, sheqerin, vajin.  E votuan kundër. Ule çmimin e energjisë me 14% të TVSH, siç premtove në fushatë, votoje amendamentin! Votuan kundër. Ule çmimin e naftës, e votuan kundër. Për  ta prioritet nuk është punësimi, nuk është varfëria.

Ku janë lekët tuaja, që ua marrin me taksa më të larta!? Ku janë 45 milionë dollarë që duhej të kishin mbledhur sipas planit për këta 4 muaj?!  Nuk do të marrim më shumë por do të marrim më pak lekë nga xhepat tuaj, do të ulim taksat që paguajnë familjet, taksat që paguan biznesi. 25% ulje të çmimit të energjisë, falje të kamatë-vonesave për energjinë dhe ujin anembanë Shqipërisë, ulje të taksës së qarkullimit që do të përkthehet në ulje të çmimit të naftës, subvencione për bujqësinë, eliminimin e tvsh për mallrat e shportës”, theksoi Basha.

Kandidati për kryetar i Bashkisë së Fierit, Enkelejd Alibeaj duke iu përgjigjur interesit të të rinjve për parkingjet me pagesë ka theksuar se vendimi i parë i tij si kryetar bashkie do të jetë anulimi i tij.

“Akti i parë do të jetë zhbërja e koncesionit  të parkimit, aktit më korruptiv që ka ndodhur në bashkinë Fier. Është e drejtë publike e fierakëve ta parkojnë por të mos u vidhet makina, ta parkojnë por të mos u zhvaten paratë”, theksoi Alibeaj.

Zgjedhjet Vendore/KZLNDQ: 1000 vëzhgues afatshkurtër dhe 90 afatgjatë

13:27 Politika

PD: Veliaj nuk mbajti premtimin për mbledhjen e të dhënave për romët

13:18 Politika

Porositë e Reshat Arbanës për Erion Veliajn

12:11 Politika

Historia e Efraim Diverolit dhe Shkëlzen Berishës kthehet në film: Me 20 burra të armatosur në krah, unë e marr Shqipërinë

11:49 Politika

Vangjush Dako në Shënavlash: Mijëra vende pune në parkun industrial dhe transformim total të infrastrukturës

11:36 Politika

Halim Kosova: Do bëj që të rrini përqafuar nga mëngjesi në darkë

11:24 Politika

VIDEO/ Flet 16-vjeçarja që përloti Erdoganin: Momenti kur ai fshiu lotët ishte rrënqethës

11:11 Politika

FOTO/ Luftë mes bandave të motoçiklistëve, 9 të vdekur dhe 18 të plagosur

10:57 Politika

Veliaj: Ulje taksash për kompanitë që financojnë artin

10:33 Politika

FOTOT/ Ja rezultatet e para të Komisariatit Dixhital, gjobitet për kundravajtje dhe patrulla e policisë

09:51 Politika