Basha në Kukës: Votoni PD më 21 Qershor, ulim taksat dhe cmimin e energjisë

“Me votën për Partinë Demokratike, në 21 qershor ju do të votoni për alternativën tonë, për uljen me 25 % të çmimit të energjisë dhe faljen e gjithë kamatë-vonesave anembanë Shqipërisë, për të mbajtur hapur të gjitha universitetet publike dhe filialet e tyre nga Kukësi, Peshkopia e kudo ne Shqipëri dhe për të ulur tarifat studentore në nivelin e  mëparshëm”. 

Kështu iu drejtua Kryetari i Partisë Demokratike Lulzim Basha të rinjve në Kukës gjatë një takimi të zhvilluar me to në kuadër të zgjedhjeve vendore të 21 Qershorit.

Pasi është njohur me problemet e të rinjve dhe familjeve kuksiane, Basha theksoi se kjo situatë nuk ka asnjë zgjidhje nga dyshja Rama-Meta, se për ata punësimi nuk është prioritet. 

“Ata merren ditë për ditë me opozitën sepse nuk kanë çfarë të thonë. Sepse premtuan 300 mijë vende pune dhe nuk hapën asnjë vend pune, sepse premtuan shëndetësi  falas dhe e kanë katandisur ne ditën e saj më të zezë.

Ne u ofruam mundësinë në parlament, duke ofruar amendamentet tona për heqjen e taksave, për uljen e taksave për bizneset që të krijonin më shumë vende pune, nuk i pranuan, i shkelën, i hodhën poshtë.  Ai nuk ka ofertë, ai nuk ka zgjidhje sepse për të punësimi juaj nuk është prioritet.

Ka dy vjet që e ka provuar. Për mua, punësimi i shqiptarëve, punësimi i të rinjve është prioriteti numër një”, theksoi Basha. 

Duke iu referuar rastit të dhunës policore në Kukës, ku qytetarët po protestonin për energjinë elektrike, kreu demokrat theksoi se kjo mazhorancë nuk ka mbajtur asnjë premtim dhe sot u ofron qytetarëve vetëm dhunë dhe mjerim.

Basha ka theksuar se platforma e Partisë Demokratike parashikon ulje të çmimit të energjisë dhe falje të kamatë-vonesave. 

“Ulja e taksave dhe rikthimi tek taksa e sheshtë është prioritet i Partisë Demokratike në nivel qendror dhe vendor. 

Me uljen e taksave do u mundësojmë bizneseve jo vetëm mbijetesën e tyre por edhe hapjen e vendeve te punës dhe paga më të mira për punonjësit. 

Me taksat e rritura shkaktuan krizë ekonomike, eksod për shqiptarët, varfëri për shqiptarët, papunësi për shqiptarët, çmime të larta për shqiptarët, për vete kridhen në lukse të papara. Ne së bashku do të hapim rrugën e taksave të ulëta, më të ultat në Ballkan dhe rikthimin e taksës së sheshtë në të gjitha nivelet”, tha Basha.

Kandidati për kryetar i Bashkisë së Kukësit, Bashkim Shehu  tha se ne nuk mund të pranojmë që kryebashkiaku të punojë vetëm për familjen e tij, siç ndodh në Kukës ku djali i Hasanit është drejtor dhe Pallati i Kulturës është shndërruar në  zyrë të tij. 

“Brenda pallatit të Kulturës, një pjesë të pallatit të kulturës, kryebashkiaku ia ka dhënë djalit të tij. Kur e pashë që ai e kishte bërë zyrë për një drejtori që drejtohet nga djali i tij, thashë: Vendimi i parë që do jetë, si kryebashkiak i ardhshëm të largohet sa më shpejt dhe t’i kthehet qytetarëve pallati i Kulturës”, theksoi Bashkim Shehu.  /gj.k/

Mark Frroku nxjerr kandidat për Bashkinë e Tiranës

12:01 Politika

Meta në Shkodër: Kemi detyrime ndaj këtij qyteti, bashkia jo llogore politike

11:34 Politika

Dako në Sukth: Do të rikonstruktojmë rrugën që lidh autostradën me bregdetin

11:26 Politika

Halim Kosova : Poçat e rrugëve duhet të ndërrohen si në shtëpi

11:15 Politika

Veliaj prezanton programin: "Kontratë me 10 pika për shkolla dhe kopshtet"

11:00 Politika

Spartak Ngjela: Erdogan u soll si kalif në Shqipëri. Ramës mund t’i duhet për konfliktet e zonës

10:53 Politika

Rama: PD ka propozuar kandidatë për sherr, Basha hyri në Bashki kastravec dhe doli si i tillë

10:49 Politika

Kathimerini: Tirana ka pretendimet territoriale ndaj Athinës, Erdogani po nxit shqiptarët. U takua me çamët

10:29 Politika

Keqtrajtime të tmerrshme të refugjatëve nga policia gjermane: "Ia kam futur gishtat në hundë dhe e kam mbytur. Ishte kënaqësi"

10:00 Politika

Kush e drejton fushatën e Ramës dhe Bashës në këto zgjedhje?

09:23 Politika