Te fundit
Becchetti, fatura fiktive dhe vjedhje me rimbursimin e TVSH-së
9 Qershor 2015, 16:08Kronika
TEMA
Top Channel zbardh argumentët me të cilët gjykata ka vendosur masën e sigurisë për Presidentin e Agon Channel, Francesco Becchetti, dhe disa shtetas të tjerë italianë e shqiptarë, të dyshuar si të përfshirë në pastrim parash dhe evazion fiskal.
Në dokument, grupi hetimor thotë se ka arritur të provojë skemën përmes së cilës, biznesmeni italian ka kryer rreth 770 milionë lekë evazion fiskal në dëm të shtetit. Sipas tyre, në qendër të skemës qendron hidrocentrali i Kalivaçit dhe dy shoqëri të zotëruara nga Becchetti, KGE dhe Energji.
Prokurorët thonë se shoqëria Energji, e zotëruar nga Becchetti, ka blerë punime nga nënkontrakorë të tjerë. Më pas, këto punime ia ka shitur shoqërisë tjetër të Becchettit me emrin KGE, por me çmime dhe sasi të fryra në mënyrë artificiale. Sipas prokurorëve, vlera e punimeve që Energji i shiste KEG-së rritej fiktivisht deri në 23 herë, duke bërë që kompania të rrisë në mënyrë fiktive kreditimin e TVSH-së.
Vetëm në vitin 2009, thonë prokurorët, përmes kësaj skeme, kompania ka kërkuar rimbursim për 45 milionë lekë TVSH. Kjo skemë është përsëritur vit pas viti dhe prokurorët e kanë ilustruar atë me shifrat përkatëse për çdo vit, që nga viti 2007.
Paralelisht, sipas grupit hetimor, një tjetër fakt i provuar që implikon Becchetin dhe kompanitë e tij në mashtrim financiar, është ai i ndërtimit të digës së hidrocentralit. Sipas prokurorëve, kompania ka dorëzuar dokumente sikur ka ndërtuar një digë në vlerën 3.4 milionë euro. Por, është provuar se kjo digë nuk është ndërtuar kurrë.
Prokurorët kanë zbardhur vit pas viti të gjitha veprimet financiare, që sipas tyre, provojnë përfshirjen e Becchettit dhe kompanive të tij në këtë skemë mashtrimi dhe evazioni.
Paralelisht, prokuroria rendit dhe një tjetër fakt të dyshimtë, për të cilin dyshon se është zanafilla e pastrimit të parave. Sipas saj, në vitin 2009, dy kompani të Becchettit, KGE dhe Energji, kanë sajuar mes tyre një konflikt, për zgjidhjen e të cilit i janë drejtuar Gjykatës së Arbitrazhit në Tiranë. Sipas prokurorëve, të dyja shoqëritë kanë dorëzuar dokumente të rreme në gjykatë, në të cilat pretendohej se shoqëria Energji kishte kryer punime për favor të shoqërisë KGE, por nuk ishte paguar.
Në bazë të këtyre dokumenteve, sipas prokurorëve, të falsifikuara, gjykata ka marrë vendim për të zgjidhur konfliktin duke detyruar shoqërinë KGE të paguajë për shoqërinë Energji, të dyja të zotëruara nga Becchetti, 48 milionë euro.
Sipas grupit hetimor, këto para janë paguar për punime të rreme që nuk u kryen asnjëherë.
4 komente në “Becchetti, fatura fiktive dhe vjedhje me rimbursimin e TVSH-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
uaaa vertet italianet vellezerit tane. po keta palaco te cileve ua keni dhene vendin ne dore, njihen jo vetem ne itali por ne boten mbare si mashtrues ordinere gjenetike, (me gjithese nuk mund ta mohosh se bota mbare duhet te krenohet me disa kompetenca profesionale dhe ca aspekte njerzilleku e kulture te themeluara nga italiane), ndryshe nuk do te ishin ne kete gjendje qe jane, mjafton ti degjosh kur flasin me njeri-tjetrin per budallenjte shqiptare te cileve o ua hedhin duke u dhene pjesen e qenit ose i perdorin falas. s’ka mundesi ta kene bere keta, po shihni more djema mos kane pasur edhe ne itali probleme te tilla ende te hapura aopo qofte edhe te mbyllura me marreveshje per vepra penale tributare a fiskale, se s’dihet c’mrekullira do gjeni se ligji 74/2000 eshte ende ne fuqi ne itali. apo beni sikur nuk e dini kush jane keta deri sa u ngec veza ne bythe e s’keni nga luani. po s’ishin keta qe lidhnin kontrata gjoja te majme me gjoja opinionistet shqiptare. e bete ate shqiperine me keq se republikat e bananeve, o u hengert mortja, qe mire per te ardhment tuaj s’mendoni po edhe per ate te femijeve qe i keni pjelle vete nuk u dhimbet hic.
@ik o xhaxhi
na krahaso njeher kete pronarin italian te telvizionit me pronaret shqiptare te televizioneve dhe gjej se kujt duhet ti q…. gruaja me shume per evazion fiskal.
Krahasoji njehere pastaj fol, kush eshte me ordiner dhe kriminel. pronaret shqipater apo italiane te televizioneve
Ky italiani paska 18 vjet qe na grabiska ne shqiptareve dhe ne tani u squam na gjumi, sigurisht qe si ka ngren vetem keto milona kan ndihmuar dhe politika jon ne kete grabitje. Dhe italianet keshtu thon qe te besh lek duhet te shkosh ne vendet e botes se tret. Dhe gjermania zbuloj para 2 vjetesh te tilla mashtrime qe benin italianet dhe u befasuan me menyrat qe perdornin.
Hetimi mbi gjurmet e vjedhjeve dhe grabitjeve marramendese te ketyre ujqerve qe nga Bankers,Beketi,Bekteli,CEZ,Shoqerite e Kromit,Taci etj e tj,te cojne vetem ne nje vend:Familjen e krye mafiozit dhe kryetradhetarit Sali Berisha.