Te fundit
Prokuroria: Ja skema e mashtrimit me Kalivaçin nga Beccheti
9 Qershor 2015, 20:29Politika
TEMA
Një ditë pas urdhrit të Prokurorisë për arrestimin e Francesco Becchetit, televizioni në pronësi të tij, Agon Channel shfaqi në shenjë proteste mbi ekran, dy shirita të verdhë me mbishkrimin: State line do not cross!
Televizioni Agon Channel, i njohur për linjën editoriale kundër qeverisë së majtë të Edi Ramës e quajti hetimin e Prokurorisë “një sulm nga shteti, pa asnjë bazë ligjore”.
Prokuroria e Tiranës e akuzon Becchetin dhe bashkëpunëtorët e tij në biznes për pastrim parash dhe evazion fiskal përmes manovrave financiare, që shkojnë në dhjetra milionë euro. Me këtë argument, Prokuroria urdhëroi sekuestrimin e 60 % të aksioneve të AgonSet dhe 4 kompani të tjera të biznesmenit italian.
Theodhori Sollaku, avokat mbrojtës i Becchetit tha në një emision të Agon Channel se në vendimin e gjykatës për urdhër-arrestin nuk kishte asnjë provë për akuzën e pastrimit të parave.
“Është detyrë e Prokurorisë të japë prova për akuzat e ngritura. Nuk ka asnjë provë që paratë burojnë nga aktivitete kriminale,” tha avokati i Becchetit.
Goditja e biznesmenit italian, në kulmin e fushatës elektorale ka ngritur hije dyshimi dhe është shoqëruar me komente nga eksponentë të opozitës.
Ish-kryeministri Sali Berisha akuzoi kryeministrin Rama se po hakmerrej ndaj televizionit që “kishte denoncuar falsifikimin e kartave të identitetit, zhvendosjen e votuesve drejt Durrësit dhe implikimin e bashkëshortes së Erion Veliajt me kreun e rrjetit ndërkombëtar të prostitucionit, Dzanashvili”.
Berisha e krahasoi urdhër-arrestin për Becchetin me arrestimet sipas tij politike të ish-guvernatorit Fullani dhe kryebashkiakut të Vlorës, Shpëtim Gjika ndërsa kërkoi një hetim transparent për biznesmenin italian.
Ndërsa kryeministri Rama e ka cilësuar si sukses dhe goditje të krimit hetimin e Prokurorisë.
“Bllokimi i burimit të parasë së zezë që ushqente AgonCh, një sukses,” komentoi Rama në faqen e tij në Facebook, duke ironizuar reagimin e Berishës.
Përtej reagimeve politike, Prokuroria i ka qëndruar akuzave të ngritura për evazion fiskal dhe pastrim parash ndaj Becchetit para Gjykatës së Tiranës. Megjithatë, akuza u shfry gjatë testit të parë në gjykatë, ku u vendos lirimi i dy të akuzuarave në këtë aferë, Erjona Troplini dhe Pranvera Gjika.
Prokuroria: Skema e mashtrimit me Kalivaçin
Sipas hetimit të kryer nga zyra e Task-Forcës në Prokurorinë e Tiranës, Francesco Beccheti akuzohet për pastrim parash dhe evazion fiskal në vlerën e dhjetëra milionë eurove.
Zanafilla e manovrave të tij financiare në Shqipëri, sipas Prokurorisë daton në vitin 1997, kohë kur kompania e tij “Beg s.p.a” mori nga qeveria shqiptare koncesionin për ndërtimin e hidrocentralit të Kalivaçit mbi lumin Vjosë.
Dhjetë vjet më pas, në vitin 2007, qeveria shqiptare dhe Beccheti ndryshuan marrëveshjen koncensionare, duke përfshirë si partner të tretë “Deutche Bank”. Bashkimi i kompanisë “Beg s.p.a” dhe “Deutche Bank” krijoi në Itali kompaninë “Hydro srl” dhe në Shqipëri “Kalivaci green Energy” (KGE). Kapitali fillestar për ndërtimin e hidrocentralit ishte 150 milionë euro, ndërsa aksionet ndaheshin 55% me 45 % në favor të biznesmenit italian.
Pas sigurimit të parave nga banka gjermane, koncesionari “Hydro srl” lidh kontratë me “General Contractor” për ndërtimin e hidrocentralit. Megjithatë, kjo kontratë nuk hyri në fuqi për shkak se koncesionari nuk plotësoi kushtet e “General Contractor”.
I mbetur pa ndërtues, Beccheti zëvendësoi “General Contractor” me kompaninë “Energji”, e cila zotërohej në shumicë të aksioneve nga mamaja e tij, Liliana Condomitti. Sipas Prokurorisë, nënë e bir nisin të vënë kështu në jetë skemën e dyshuar të pastrimit të parave.
Prokuroria dyshon se kompania “Energji” ka punësuar nënkontraktorë të tjerë për kryerjen e punimeve në hidrocentralin e Kalivaçit, ndërsa vetë ka shërbyer si hallkë e ndërmjetme për operacione financiare mes firmave ndërtuese dhe koncesionarit KGE.
“Shoqëria Energji i ka shitur punime kompanisë KGE me vlerë deri në 23 herë më të lartë se sa kishte paguar nënkontraktorët e saj,” thuhet në hetimin e Prokurorisë. “Në disa raste, ajo ka shitur punime të cilat nuk ishin realizuar,” shton Prokuroria.
Një akt ekspertimi kontabël, e kryer nga Prokuroria ka zbuluar se gjatë viteve 2007-2013, “Energji” ka blerë nga nënkontraktorët 14 milionë e 500 mijë euro punime dhe ia ka shitur Kalivaci Green Energy për 28 milionë e 630 mijë euro. Për këtë shumë, kompanitë kanë përfituar edhe rimbursim TVSH-je.
Dokumenti i Prokurorisë, i siguruar nga BIRN tregon se në vitin 2013, Beccheti dhe nëna e tij kanë stisur një konflikt mes kompanive KGE dhe Energji, për të fshehur mosmarrëveshjet reale që kompania “Beg” kishte me Deutche Bank.
Kompania “Energji” pretendoi se nuk ishte paguar plotësisht dhe e dërgoi KGE përballë një shoqërie private të licensuar për ndërmjetësim dhe arbitrazh. Në përfundim të këtij gjykimi arbitrazhi, kontraktori “Energji” fiton në letra 50 milionë euro nga KGE. Prokuroria pretendon se në favor të Energji kanë kaluar realisht 20 milionë euro.
Prokuroria pretendon gjithashtu se dokumentacioni i paraqitur në arbitrazh është i falsifikuar. “Duket qartë që dy kompanitë “Energji” dhe KGE kanë krijuar një situatë të paqenë konfliktuale për të lëvizur shuma të mëdha parash në mënyrë të paligjshme,” thuhet në hetimin e Prokurorisë.
“Ky konflikt fiktiv ka nxjerrë të humbur vetëm partnerin koncesionar Deutche Bank,” shton më tej Prokuroria.
Pasi mori miliona euro nga KGE, kompania “Energji” i investoi ato në kompanitë e tjera të regjistruara në Shqipëri si “400 KV”, “Fuqi” dhe “Cable System” dhe AgonSet.
Përvecc Becchetit, nënës së tij, Liliana Condomitti dhe bashkëpunëtorit Mauro De Renzis, Prokuroria akuzon si të përfshirë në këtë skemë mashtrimi edhe aksioneren shqiptare Erjona Troplini apo drejtuesen e një banke të nivelit të dytë, Pranvera Gjika.
Gjykata e Tiranës vendosi “arrest shtëpie” për Troplinin dhe “detyrim paraqitje” për Gjikën, pasi të dyja ato ishin nëna të foshnjave të mitura.
Biznesmeni italian, Francesco Beccheti është shpallur në kërkim ndërkombëtar për llogari të kësaj çështje. Verifikimet e kryera nga policia kanë zbuluar se ai ka dalë për herë të fundit nga Shqipëria më 24 janar 2015.
5 komente në “Prokuroria: Ja skema e mashtrimit me Kalivaçin nga Beccheti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
prokuroria ka bere detyren, por mund ta linte pas fushate e pas zgjedhjeve qe te mos behej pale me politiken e te mos shihej me dyshim si veprim i qellimshem politik nga ana e prkurorise. veprimi i prokurorise terhoqi kopmplet vemendjen nga fushata dhe programet e kandidateve ne nje debat pa rendesi per publikun ne kete moment. pra prokuroria pervec se e ben te duket si akuze politike kerkesen per arrest i ben dem edhe zgjedhjeve lokale duke shperqendruar me dashje apo pa dashje vemendjen e medias dhe publikut nga zgjedhjet tek bexheti. levizja e prokurorise ne ekt kohe i vjen ne ndihme dheavantazhon vetem qeverine e cila e merr si kredit te sajin ne luften antikorrupsion etj etj dhe rrjedhimisht edhe kandidatet e qeverise do shihen dhe perceptohen nga njerezit si kandidate te nje qeverie qe lufton korrupsionin kur nderkohe mund te mos jete plotesisht keshtu. Prokuroria te sqaroje perse e mori vendimin ne mes fushate dhe cfare sihte kaq urgjente qe nuk priste per pas zgjedhjeve. bexhetin njesoj nuk e arrestuan dot pra pse tani?
Qe kur e kam par per her te pare ket bechetin sme ka pelqy si ftyr,edhe se per te qen te sakt njerzit sduhen paragjyku nga paraqitja.
Po sikur kete gje ta kete urdheruar krimineli sali?
Ka nje shprehje popullore. “I thone dikujt fluturo, pergjigjet jam gomar, ateher hajde te ngarkojme me qe je gomar, thote jam zog”
Kur u do bytha prokuroria, gjyqsori, drejtesia, funksionon.
Kur u thua se perse po lejojne ndertimet e paligjshme dhe betonizimet, te pergjigjen se nuk e kane ne dore gjyqesorin, drejtesine….!!??
Pusht-etaret shqiptare ( keshtu kane bere gjithmone)mbasi çorren fytin e tyre dhe trute e shqiptareve per te koruptuarit, hajdutet shitesit e interesave kombetare shqiptare, mbasi nxorren dhe BLLOKUN ne mejdan, nxorren dhe popullin ne shesh qe ja ben gati saliserbit per ta vrare, kakarisen se ne do marrim pushtetin dhe do veme drejtesine ne vend!!!!??
Ku jane? perse nuk e kane vene drejtesine ne vend????
Tani edhe me naivet, se budallenj nuk ka, pavaresisht se keta flasin dhe shkruajne per budallenj,e kane kuptuar qe horrucat qe jane veshur me kostum politik, qe kane kapur shtetin dhe popullin per fyti, bejne nje lufte si rrugacet dhe banditet e lagjes.
Po ku je o popull qe ne emrin tend behen te gjitha? Po i kujt eshte faji qe ne po kujtojme Avni Rustemin?
Keta po shesin Shqiperine si ne pazarin e gjese se gjalle.
Bien akuzatne gjykaten e larte. Rezultat i njohur ky: x-1