Te fundit
Frenk Riberi, karriera në rrezik nga dëmtimet
23 Qershor 2015, 15:40Sport
TEMA
Hije dyshimi mbi gjëndjen e Frenk Riberi.
Futbollisti i Bajernit nuk është rifatësuar ende nga dëmtimi i gjatë dhe karriera e tij është në rrezik.
Të paktën kështu raportojnë mediat franceze, sipas të cilave Riberi mund ti japë fund futbollit të luajtur shumë shpejtë.
Dëmtimi në kavilje e shqetëson akoma 32-vjecarin që po mendon seriozisht të thotë stop.
I pyetur mbi gjëndjen e tij pak ditë më parë, Riberi u shpreh se ky dëmtim po e nervozon shumë dhe është një katastrofë për të, por ndërkohë që sulmuesi francez duket i mposhtur menaxheri i tij kërkon ti japë kurajo, teksa deklaron se Frenk është një nga ata futbollistë që nuk dorëzohet kurrë.
Në këto lloj rastesh thuhet që e vërteta qëndron gjithmonë në mes, por tifozët e Bajernit kanë shumë arsye për tu ndierë të shqetësuar.
Gjëndja e francezit nuk po përparon dhe rikthimi i tij në fushë është kthyer në një mister.
Te Bajerni e dinë mirë dicka të tillë dhe po mendojnë të gjejnë një zëvendësues për 32-vjecarin.
Mjafton të dëgjosh sesi shprehet Rumenige për të kuptuar sesa keq po shkojnë gjërat për Frenk Riberi.
“Duhet ta ndihmojmë që të luajë më shumë, sepse duke u bazuar te faktet është e vërtetë që në dy sezonet e fundit nuk ka patur aspak vazhdimësi”, deklaroi shefi ekzekutiv i bavarezëve.
Fjalë këto që mund të konsiderohen si një dënim për francezin, me Bajernin që nuk ka ndërmend ta presë më, edhe pse menaxheri i Riberisë beson se ai do të kthehet të luajë sërish futboll madje në nivelet më të larta.
Se cfarë do të ndodhë me karrierën e 32-vjecarit mbetet për tu parë por ndërkohë Riberi e ka të pamundur të vrapojë dhe një fakt të tillë e ka bërë të ditur ai vetë.
Lini një Përgjigje
Më të lexuarat
24 oret e fundit
Javen e fundit
Blog Tema
