Te fundit
‘Problemi’ PS-LSI dhe çifti 2B
23 Qershor 2015, 16:31Blog
TEMA
Nga Erion Habilaj*
Prej dy ditësh disa analistë dhe media pranë opozitës janë duke tërhequr vëmendjen me këndvështrimin e tyre sikur po krisen marrëdhëniet mes PS-së dhe LSI-së. Sipas disa syresh socialistët kanë sabotuar kandidatët e LSI në bashkitë që u humbën nga e majta. Nuk kanë asnjë fakt se kjo ka ndodhur realisht, nuk dinë se si janë votat për këshill bashkiak, dhe nuk dinë nëse LSI ka këtë konkluzion. Në fakt LSI ka fituar në 9 bashki, nga 15 që kishte kandidatë të propozuar prej saj. Që do të thotë se ka marrë dy të tretat ashtu siç ka marrë dhe koalicioni në rang vendi. Por t’i marrim bashkitë me radhë.
Në bashkinë e Kukësit, LSI kandidonte me Hasan Halilaj i cili vinte nga radhët e PD-së dhe kishte konsumuar dy mandate. Shanset për një fitore në këtë bashki kanë qenë realisht të vogla duke iu referuar zgjedhjeve të kaluar. Në Lezhë konkurrohej me Viktor Tushajn që përveç se kishte dy mandate në atë bashki, duhet të rikuperonte edhe komunat e djathta që iu bashkuan bashkisë së re. Në Vorë që ka votuar gjithmonë djathtas sfida ishte e vështirë dhe praktikisht doli barazim. Madje LSI në këtë bashki rikuperoi rreth 300 vota, pasi në zgjedhjet e kaluara diferenca ka qenë rreth 600-700 vota. Duke shtuar edhe dosjet në prokurori për rritje fiktive të votuesve, por dhe të angazhimit vetëm në tre muajt e fundit në këtë zonë, del se rezultati është pozitiv.
Në Pogradec duhet bërë një analizë e thellë, sepse aty jo vetëm që s’ka funksionuar mirë koalicioni por dhe nga vetë radhët e LSI ka pasur pakënaqësi. Në Mallakastër dhe në Selenicë duket se ka ndikuar pakënaqësia që njerëzit kanë me PS. Këto dy zona të majta janë ndjerë të lëna pas dore nga socialistët dhe mund të jetë dhe një votë proteste ndaj qeverisë.
Analiza e mësipërme do të vërtetohet ose hidhet poshtë kur të dalin dhe votat për këshillat, por ajo që bën më shumë përshtypje është fakti se si analistët e PD-së nuk po thonë asnjë fjalë për humbjen katastrofale për PD-në. Ajo që u konfirmua në këto zgjedhje është fakti se partia e Bashës dhe e Berishës nuk shihet më si një alternativë. Fakti që LSI po del forcë e dytë në shumë zona tregon qartë se e djathta do të duhet të kërkojë një parti të re ose të reformojë veten në mënyrën më të thellë. Grushti që mori në vitin 2013 u pa si një mashtrim i popullit ndaj të majtës. Reformimi në atë parti u kthye në një makijazh që si pudër në fytyrë iu vendos Lul Basha në krye të partisë. Ky i fundit u shpreh se nuk është koha për gjueti shtrigash kur u pyet për reformim. Tashmë duket se do të përsëritet situata e dy viteve më parë.
Edhe pse PD shënoi një rritje shumë të vogël, me presje dhjetore, ajo sërish ishte afër humbjes katastrofale duke përsëritur deri diku edhe rezultatin e 2013-s. Këtë humbje, Basha po përpiqet që ta kamuflojë duke propaganduar problemet brenda PS-LSI. Nga ana tjetër, edhe dy partitë më të mëdha të majta, duhet të rishikojnë formulën e bashkëpunimit.
Rezultatet e para për këshilla tregojnë se LSI ka një rritje krahasuar me zgjedhjet e 2013-s, çka do të duhej të përkthehej e tillë edhe në disa prej bashkive ku ajo humbi, kryesisht në jug të vendit. E nëse militantët e LSI-së janë më kompaktë duke ndjekur linjën e partisë për të votuar kandidatët e PS-së, një gjë e tillë duket se nuk ka qenë nga ana e mbështetësve të PS-së, të cilët kanë devijuar. Dy partitë e majta duhet të administrojnë të gjithë vendin, dhe tashmë defektet duhet t’ i shohin po vetë sepse opozita u bë për ndjesë pastë.
14 komente në “‘Problemi’ PS-LSI dhe çifti 2B”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
15/3=5
6>5
kjo do te thote qe ka marr me pak se 2/3
banda terroriste e like floririt, hubi se asnje socilaist i ndershem, nuk e con nepermend t’ja japi voten like floririt. likja eshte skllavopronar dhe ka skllever votuesit e tij. ndersa Edi Rama ka votues. iku Nano do iki dhe Rama nje dite nga PS-ja, por banda terroriste e lsi-se do kete deri ne fund skllavopronarin e saj like floririn. nuk ka asnje mundesi qe une te votoj nje kandidat te bandes terroriste lsi, sepse me thote Rama votoje. prandaj PS-ja eshte force e pare e padiskutueshme ne Shqiperi, sepse zgjedhtesit e saj nuk i trajton si skllever, por si votues. falenderoj cdo socialist te Vores, Kukesit, Lezhes etj etj, qe nuk votuan kandidatet e bandes se like floririt.
Personalisht edhe une nuk do ja jepja voten kurre LSI-se ?
Giti, koment yll. Bravo.
gjith te ndershmit qenkan te ps, kjo eshte tja futesh vetes bam ..
E bukur analiza, po nese kjo rritje e pd vjen nga te pakenaqurit nga reformat, nga vjen rritja e LSI ne nr votuesish nga PS erion djali dhe Edi Rama e di mire qe lsi eshte krimbi qe te ha nga brenda. Rama eshte I zgjuar, do I dale para ketij rreziku.
Tre dite rresht, qe gjithe analistet dhe gazetaret thone vetem traplliqe neper media sepse nuk kane as durim me lexu faqen e KQZ dhe as inteligjence me kuptu.
Analiza me shifra fallco = analize fallco.
Rritja e LSI eshte e barabarte me zvogelimin e te djathtes. Eshte kanibalizem brenda llojit te hajduteve. Kesaj rradhe hajdutet e kuq (LSI) jane dyfishur ne peshe duke ngrene hajdutet e PD-se.
Edi Rama je i paralajmeruar. Fillo menjehere reformat per te luftuar hajnine, sepse barku i pangopur i LSI-se do te haj ty ne 2017.
Opozita,jo more i dashtun nuk ka humbe,ajo ka mbas vehtes gomaret e Shkodres !!!! U rrofte shkodrjaneve,jane shume parashikues!
U ka ngel ora te Azem Hajdar Halabaku ?
dhe ky zoteria me 4 paragrafe artikull kerkon te beje analizen e zgjedhjeve e te na mbushi mendjen.
Ca shkrimi kot fare ky, gjithe Socialistet e vertete e dine se cfare perfaqson LSI, problemet poshte jane shume te medha midis PS-LSI, Socialistet ndjehen te poshteruar nga LSI, tani le te shikojme pak cfare perfaqson LSI, eshte nje Kartel jo Parti.
Shfrytezon:
Papunesine-Varferine-Injorancen-Mitemarrjen, etj, etj,
pra kjo eshte Partia e Skllavereise mund te quhet, eshte per te ardhur keq qe mediat nuk merren me Berthamen e kesaj Partie por merren me Qiqra ne Hell, une nuk po them se te PS jane engjej te kuptohemi, por jo si LSI!!!!!
ky djali esht gazetar aapo zedhenes i lir metes?
Nuk eshte kaq tragike, pse prisnit fitore ne kukes dhe lezhe me komunat 100% demokrate !!!!!!!!!!!!!!!!!!!!!!!!!!!!!!!!!!!!
po shan ps per pogradecin po ske pa ca i ka ber ministri i ilir metes rruges se linit. analize idiote