Te fundit
Veliaj shpall rikthimin e projektit origjinal të Bulevardit të Ri: Park qendror 6 herë më të madh se Parku Rinia
10 Gusht 2015, 13:09Politika
TEMA
Bulevardi i ri i Tiranës do të ketë një park qendror, rreth gjashtë herë më të madh se Parku Rinia, dhe me gjelbërim anash tij, duke u rikthyer në projektin origjinal. Ashtu siç edhe kishte premtuar gjatë fushatës elektorale, kryetari i Bashkisë së Tiranës, Erion Veliaj, ka shpallur sot vendimin për t’iu kthyer idesë fillestare të zhvillimit të Bulevardit të ri, me gjelbërim dhe jo pallate. Pas negociatave të suksesshme që ai ka zhvilluar në fundjavë me kompaninë angleze që ka konceptuar bulevardin e ri, Veliaj tha se punimet pritet të nisin shumë shpejt.
Gjithashtu, ai ka njoftuar edhe rinisjen e punimeve për rregullimin e Lumit të Tiranës, me qëllim shmangien e përmbytjeve në njësitë 9 dhe 11. “Kemi një lajm të mirë pas ndërprerjes që kemi pasur për çështjen e Bulevardit të ri dhe të Lumit të Tiranës. Arritëm me sukses të negociojmë me kompaninë britanike, e cila është firma e arkitekturës që ka konceptuar bulevardin e ri, për t’iu kthyer idesë origjinale, çka nënkupton një park qendror, në mes të zonës së Bulevardit të ri. Premtimi ynë publik është të shtojmë parqet dhe jo hapësirat ku ndërtohet”, tha Veliaj.
Këtë vendim Veliaj e ka bërë të ditur nga njësia 11, ku përveçse udhëtoi me autobusin e linjës së Laprakës për të inspektuar problemet e saj, ka ndjekur nga afër edhe punimet që po kryhen në lumin e Tiranës, për të shmangur përmbytjet e herëpashershme nga shirat të banorëve të kësaj zone. Më tej ai ka theksuar se me ndryshimin e projektit të ndjekur nga bashkia e shkuar dhe duke futur konceptin e parkut qendror në mes të gjithë projektit të bulevardit të ri, e gjithë zona nga Stacioni i Trenit e deri në Paskuqan do të kthehet në një zonë tërheqëse për këdo. “Do të sigurojë ndoshta parkun më tërheqës të quajtur Bulevardi “T”, ku bulevardi i ri i Tiranës, bashkë me zonën e lumit të Tiranës, do të jenë një ndër zonat rezidenciale dhe zonat komerciale më interesante të qytetit tonë”, tha Veliaj.
Por sipas kryetarit të Bashkisë, ky është një lajm i mirë në radhë të parë për gjithë banorët e kësaj zone të cilët nuk do të përballen me betonin që parashikonte projekti i mëparshëm dhe së dyti, pronat e tyre për shkak të këtij projekti do të marrin një vlerë shumë më të madhe. “Është një lajm i mirë për banorët e zonës, do u shtohet një park i ri, edhe me lumin, edhe me parkun qendror të Bulevardit. Është gjithashtu një lajm i mirë për të gjithë ata që që kanë pronë, do të ketë një rritje të vlerës së pronës dhe truallit në këtë zonë, çka do të bëjë që të mirat ekonomike të Tiranës të shpërndahen jo vetëm në qendër, por edhe në zona që deri dje ishin periferike. Besoj që brenda këtij mandati, do të jetë një nga zonat më të lakmuara të bashkisë së re të Tiranës” theksoi kryetari i Bashkisë së Tiranës.
Bulevardi i ri i Tiranës do të shtrihet në zgjatimin e Bulevardit ekzistues në një zonë ende të pazhvilluar në aspektin urban. Ky bulevard do të përmbushë një sërë funksionesh duke shërbyer njëheri si zgjatim i aksit administrativ të bulevardit ekzistues, duke krijuar një seri hapësirash të rëndësishme të gjelbra në zemër të qytetit dhe duke e gjallëruar këtë zonë në të njëjtën kohë zonën me hapësira shërbimesh dhe aktivitetesh të ndryshme rekreative. Bulevardi i ri do të përfundojë në lumin e Tiranës, duke konkretizuar kështu të ashtuquajturin projekt të Parkut T.
Gjatë vizitës së tij në Njësinë 11 në Laprakë, kryetari i Bashkisë Erion Veliaj, prezantoi administratorin e kësaj njësie, Gentian Arapin.
1 komente në “Veliaj shpall rikthimin e projektit origjinal të Bulevardit të Ri: Park qendror 6 herë më të madh se Parku Rinia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kush ka sy sheh nje fillim te mire. Pastrimi, larja e zhulit me presion (e ka pare pas ores 02.00 te nates nje gje te tille), puna e nisur ne Lane, vaditja e barit ne ambientet e gjelbra, Ora e Tiranes, premtimi dhe venia e afatit per çlirimin e ambienteve nga tavolinat e lokaleve, projekti per liqenin e Kasharit, etj ne pak dite… Per keto faeminderit. Kuptohet, duhet shume pune. Gjithesesi nje kujtese te vockel per disa pune urgjente:
-Pusetat ne çdo rruge jane 5-10 cm. me poshte se siperfaqia e asfaltit. Siç del ata qe i ndertojne nuk ia kane marre doren atyre. Kjo i ka kthyer ato si gropat dikur, para vitit 2000 qe mbuluan tere Tiranen. Ka edhe puseta qe mungojne.
-Asfalti vende vende ka ulje ngritje qe ta shpifin gjate levizjes me makine, veçanerisht neper kryqezime si tek “Vasil Shanto”, “21 Dhjetori”, “Ura e Drejtorise Policise Tiranes” e mbase kudo…
-Kazanet e plehrave jane aq te vjeter e te amortizuar sa nuk dihet mosha e tyre. Makinat e kane veshtire per ti marre e ngarkuar per ti zbrazur. Te dizifektohen vendet ku rrine kazanet. Plehrat merren ne mes te dites e behet vargu i makinave me km.duke penguar levizjen.
-Tani e rendesishme eshte koshat e vogla neper bulevardet. Nuk ka asnje ne tere qytetin. Ky eshte skandal. Nje baqete te mbaruar duhet ta mbash me dhjetra metra sa te gjesh ndonje kazan per ta hedhur. Ato duhet te jene ne tere qytetin, madje te bukura, te baraslarguara, mbase jo metalike. Po te behet keshtu nuk ka njeri te hedhe mbeturina ne rruge.
-Ç’ te keqe do te kishte qe bordurat e trotuareve te lyheshin me gelqere. Bukuri e pasterti do te ishte. Shembullin e kini tek berryli i stadiumit “Selman Stermasi”. Se ç’ eshte nje merakçi ne ate zone qe ben nje pune te tille. Duket aq bukur. Po keshtu lyerja e pemeve, kudo e neper parqe…
-Si ka mundesi qe vizimet e rrugeve per ndarjen e korsive behen me gelqere e shuhen brenda javes. Luli keshtu i bente se “kursente” kunati… Bejeni njehere e mire, dreqi e mori, si kudo ne bote, se lam nam. Edhe ne rast shkelje rregullash ne levizje, faji ndahet me kollaj… midis automjeteve.
-Vende vende semaforet nuk duken nga llumi e zhuli qe i ka mbuluar, pasi nuk jane lare e fshire qe kur jane vendosur…
-Studioni me vemendje rrugen :”Nikolla Tupe” nga LSI tek Mjelma ne Bllok. Skandal! Shtese pallatesh ne hyrje e ne dalje te rruges, e s’ ka trotuar. Shkalle pallati ne rruge duke “ngrene” trotuarin. Lokal duke zene hapesira publike me nje lloj emri Japonez. Si kjo ka plot te tjera ne Tirane.
-Dikur nuk gjeje nje cop gur nga Kinostudio ne Kombinat. Sot eshte mbushur me postblloqe (a thua jemi ne shtetrrethim), me hekura te ngulur per parkim, me gure te medhenj e copa betoni, me karrike e arka per ruajtje parkimi…
-Nuk ka kryqezim rrugesh e bulevardesh pa vizime per taksi. Here here edhe 30-50 metra larg njera tjetres, per 3-4-5 taksi. Kjo pune u be sidomos para nje viti, veper e “shkelqyer” e kunatit te bashkise.
Ka dhe plot te tjera te vockla ne dukje, por mjaft te rendesishme per jeten e perditshme. Suksese ne punen tuaj…