Huliganët kroatë të Dinamos ndalohen në kufi

Konfirmohet frika e drejtuesve të Skënderbeut për prezencën e huliganëve në “Elbasan Arena”, gjatë sfidës play-off të Champions League me Dinamo Zagreb. Në pikën kufitare të Hanit të Hotit, policia shqiptare ka ndaluar disa dhjetëra tifozë kroatë. Lajmi konfirmohet nga zyrtarët e klubit korçar, që mbeten në kontakte të shpeshta me drejtuesit e policisë së shtetit, për të garantuar mbarëvajtjen e takimit dhe të evitohen të gjitha incidentet.

Sipas të njëjtave burime nga Skënderbeu, tifozët dyshohet se i përkasin grupimit famëkeq, “Bad Blue Boys”. Ata tentuan të hynin nga pika kufitare me Malin e Zi. Të gjithë ishin të gjithë të pajisur me bileta për ndeshjen, por nuk kishin autorizim nga klubi i Dinamos për të qenë të pranishëm në stadium.

E njëjta gjë ka ndodhur edhe në kufirin e Kroacisë me Bosnje Hercegovinën. Sipas mediave në Zagreb, 80 tifozë të Bad Blue Boys që po udhëtonin drejt Shqipërisë u ndaluan.

Pjesa më e madhe e tyre ishin të skeduar për dhunë në stadiume. Pas kontrolleve në mjetet me të cilat udhëtonin, tifozëve iu gjetën mjete piroteknike. Disa prej tyre u ndaluan nga policia, ndërsa të tjerë u kthyen mbrapsht.

Edhe në këtë rast mungonin autorizimet e skuadrës së Dinamos. Një zgjedhje e klubit nga Zagrebi, që biletat në dispozicion vendosi t’i shpërndante vetë, për të evituar që ato të binin në duart e tifozëve problematikë.

Megjithë këto masa dhe kontrollet në kufi, dyshohet se një numër i konsiderueshëm ultrasish kroatë ndodhen në Shqipëri. Policia ka njoftuar se personat pa autorizim nuk do të hyjnë në stadium. Mbi 400 uniformat blu dhe personeli i sigurisë prej 250 personash, do të kenë edhe mbështetjen e 4 oficerëve të sigurisë nga Kroacia, të cilët do të evidentojnë huliganët, për të mos i lejuar të hyjnë në stadium./ SS

Ofertë zyrtare e Mançester Junaited, 85 milion euro për Myler

11:15 Sport

“Çmenduria” e PSG, synohet blerja e Mesit dhe Kristiano Ronaldos

11:11 Sport

Dyndje tifozësh kuqezi, trembet Danimarka: Shqiptarët të kthejnë biletat!

21:16 Sport

Zyrtare, Kovaçiç te Real Madrid deri në 2021

17:41 Sport

Abdurrahman Roza Haxhiu - Historia e legjendës lushnjare, që ndërroi jetë 34 vjeç

12:33 Sport

Statistikat e Champions, Skënderbeu “tremb” Dinamon

11:42 Sport

UEFA: Skënderbeu, në listën e udhëtimeve të tmerrshme të edicionit

10:34 Sport

“Bad Blue Boys” kroatë alarmojnë korçarët, frikë për dhunë në "Elbasan Arena"

20:45 Sport

Ramos rinovon: Nuk e mendova kurrë largimin nga Reali

19:09 Sport

Rey Manaj, vetëm goli i mungon me Interin

15:19 Sport