Statistikat e Champions, Skënderbeu “tremb” Dinamon

Skënderbeu është një prej skuadrave më të forta deri në këtë fazë të Champions League. Verdikti vjen nga statistikat, për skuadrat e kualifikuara në fazën play-off. Sipas të dhënave zyrtare të UEFA-s, të paktën në letër dhe për atë që ka paraqitur në dy ture kualifikuese, Kampionët e Shqipërisë qendrojnë më lart se Dinamo Zagreb.

Në prag të takimit në Elbasan Arena, në krahasimin e statistikave, korçarët janë superiorë. Me 5 gola të shënuar, Hamdi Salihi fiton sfidën në letër me yllin e kroatëve, Marko Pjaca, që numëron 3 rrjeta.

Salihi qëndron përpara Pjaca-s edhe përsa i takon tentativave drejt portës, në kuotën 8 me 7. Orges Shehi me 10 pritje të neutralizuara fiton duelin me portierin Eduardo të Dinamos, që ka 9.

I vetmi barazim, në kuotën 1 me 1 është ai rreth lojtarëve që kanë dhënë asist për gol, në krahasimin ndërmjet Latifit dhe Paulo Machado-s. Skënderbeu është i pozicionuar mirë edhe në seksionin e UEFA-s për statistikat e Champions League. Hamdi Salihi është golashënuesi më i mirë i turneut.

Me 10 gola të realizuar, korçarët janë ekipi që ka shënuar më tepër në kualifikuese, duke lënë pas Maçabi Tel Aviv, Molde, Partizanin e Beogradit dhe Dinamon e Zagrebit.

Skënderbeu e sheh veten në pozicionet e sipërme të renditjes për tentativa drejt portës, me 50 të tilla. Kjo renditje speciale kryesohet nga armenët e Pyunik, të ndjekur nga BATE Borisov e Videoton. Të besuarit e Mirel Josës janë një prej ekipeve më aktive në fazën sulmuese, me 24 goditje këndi të fituara.

Statistikat nuk gënjejnë asnjëherë. Jo rastësisht Skënderbeu sfidon Dinamo Zagreb, një duel i cili pak javë më parë as që mund të imagjinohej./ SS

UEFA: Skënderbeu, në listën e udhëtimeve të tmerrshme të edicionit

10:34 Sport

“Bad Blue Boys” kroatë alarmojnë korçarët, frikë për dhunë në "Elbasan Arena"

20:45 Sport

Ramos rinovon: Nuk e mendova kurrë largimin nga Reali

19:09 Sport

Rey Manaj, vetëm goli i mungon me Interin

15:19 Sport

Thiago Silva i zhgënjyer për mosgrumbullimin nga Dunga

15:18 Sport

Juventus këmbëngul për Draxler dhe ëndërron Iscon

11:47 Sport

Dëmtohet portugezi Moutinho, mungon ndaj Shqipërisë

11:46 Sport

Etrit Berisha shpreson të luajë kundër Bayer Leverkusen

16:00 Sport

Lorik Cana rikthehet në Angli te Sunderland?

15:58 Sport

Maradona: Nuk drogohem që prej 12 vjetësh

15:57 Sport