Sesioni i ri parlamentar nis me rrëzimin e dekreteve të Nishanit

Sesioni i ri parlamentar, çelja zyrtare e të cilit është të hënën e parë të shtatorit, pritet të nisë me shqyrtimin nga komisionet përgjegjëse të dy dekreteve të Presidentit të Republikës, që kthejnë për rishqyrtim në Kuvend ligjet “Për arsimin e lartë dhe kërkimin shkencor” dhe ligjin “Për turizmin”.

Brenda një jave, kreu i shtetit ktheu mbrapsht ligjet e miratuara me votat e maxhorancës në dy seancat e fundit të sesionit kuvendor, në fund të muajit korrik.

Ligji “Për turizmin”, i miratuar më 27 korrik, ka disa momente, që sipas Presidentit bien ndesh me Kushtetutën dhe ligjet në fuqi. Në arsyetimet e parashtruara në relacionin që shoqëron dekretin, presidenti është kundër parashikimit në ligj të përdorimit nga ana e ministrisë së Ekonomisë të një fondi të posaçëm, për financimin e projekteve apo studimeve, fond që nuk i nënshtrohet procedurave të prokurimit. Ky përcaktim, sipas Presidentit, bie ndesh me ligjin ‘për prokurimet’.

Një pikë tjetër e kontestuar nga Kreu i shtetit ka të bëjë me pasuritë e patundshme që ndodhen në zonat e përcaktuara me përparësi turizmin dhe që do i kalojnë me vendim qeverie ministrisë përkatëse. Sipas Presidentit, një parashikim i tillë prek parimin kushtetues të autonomisë vendore dhe bie ndesh me të drejtën e pronësisë së njësive vendore.

Po ashtu, sipas Nishanit, ligji i ri ‘për turizmin’ në të paktën dy nene cënon parimin e sigurisë juridike, pasi nuk shpjegon mënyrat dhe procedurat për të vënë në dispozicion të investitorit pronën shtetërore.

Ligji tjetër i kthyer nga Presidenti Nishani është ai “për arsimin e lartë dhe kërkimin shkencor”, i debatuar dhe kundërshtuar më herët nga përfaqësues të qarqeve universitare dhe akademike, dhe i miratuar më 21 korrik nga maxhoranca në Kuvend.

Në argumentet kundërshtuese që presidenti parashtron në relacionin shoqërues thotë se në qendër të këtij ligji vendoset shteti dhe jo universiteti e studentët. Ligji i ri, sipas Kreut të shtetit, ka qasje të rritjes së tarifave të studimit, ndërsa nuk ka të njëjtën qasje sa i takon rolit të studentëve në vendimmarrjen për reformimin e sistemit arsimor. Po ashtu, Kreu i shtetit, thekson se aktet nënligjore rrezikojnë të kufizojnë autonominë dhe të çojnë në kontroll të tepruar, abuzim dhe stanjacion, duke krijuar mundësi për cënimin e parimit të sigurisë juridike.

Sipas Nishanit, ligji nuk parashikon rregullime mbi tarifat në universitetet publike dhe private, ndërsa shteti nuk merr përsipër të garantojë fonde nga buxheti, duke e kushtëzuar arsimin e lartë mbi bazën e pagesave të tarifave të larta. Po ashtu, sipas Presidentit, ligji nuk i bën të qarta kushtet dhe skemën për kreditimin studentor, duke krijuar një pasiguri juridike për studentët. Ligji gjithashtu nuk garanton autonominë e institucioneve të arsimit të lartë dhe lirinë akademike, gjë që cënon dhe konkurencën mes univeristeteve përmes bordit të administrimit.

FOTOT/ Për Bashkinë e Tiranës s’ka të paprekshëm, ndërhyn edhe në shkollën “Kristaq Rama”

12:31 Politika

Kaç Islami zbulon strukturën e sektit të Ramës me 3 shtresa dhe 5 grupe

11:12 Politika

“Fyelli im ka më shumë melodi nga ai i Stefanit, që i bie vetëm vrimës së Berishës”

10:58 Politika

Vijojnë akuzat, kandidati i LSI-së: Kreu i PS-së më sabotoi

10:03 Politika

Kjo foto që vjen nga Greqia mallëngjen botën: Një histori që të bën të mendosh

09:56 Politika

VIDEO/ Vlorë, përplasja e protestuesve me policinë në ’97-n. Neritan Ceka: Ky është fillimi i përplasjes civile

09:30 Politika

Burri dyshonte se një nga 4 fëmijët nuk ishte i tij, ndaj e mbyti gruan

09:18 Politika

DEBATET/ Berisha-Ramiz Alisë: Të vendoset pluralizmi i mendimit, jo politik

08:59 Politika

Serbi masakron me thikë emigrantin shqiptar në Greqi, pse kishte "Shqipërinë e Madhe" tatuazh

20:18 Politika

Reagon Andrea Stefani: Ja pse i vogli Dritan Hila më gjuan më gurë

19:34 Politika