De Biazi - Cana: Favorite Danimarka, por ne luajmë me zemër. Tifozët "pushtojnë" Danimarkën

Xhani De Biazi bashkë me kapitenin Lorik Cana kanë thënë se ndeshja me Danimarkën do jetë e vështirë.

Por, ata besojnë se do të nxjerrin një ndeshje tjetër pozitive dhe me këtë qëllim kanë udhëtuar drejt Danimarkës.

Trajneri ynë e cilësoi Danimarkën si favorite për fitimin e ndeshjes, por shtoi se skuadra e tij luan me zemër dhe do të provojë të bëjë rezultat në këtë sfidë.

“Danimarka është skuadër me lojtarë me përvojë, me një trajner me shumë përvojë që punon prej vitesh dhe në mënyrë të shkëlqyer. Nuk do të jetë një ndeshje e lehtë, por loja fillon e barabartë. Kemi djem të rinj, që luajnë me zemër dhe vitet e fundit kanë fituar eksperiencë. Në takimin e parë barazuam 1-1, por kishim shanse për të shkuar në 2-0 dhe në fund e pësuam. Në këto eliminatore kemi arritur rezultate që nuk i kishim arritur më parë. Megjithatë, jemi me këmbë në tokë, sepse kemi bërë vetëm gjysmën e rrugës. Ndaj Danimarkës luajmë një pjesë të rëndësishme të objektivit”, – u shpreh De Biazi.

Ndërsa kapiteni Cana u shpreh: “Do të japim më të mirën në këtë ndeshje të rëndësishme. Kemi mungesa, por nuk dorëzohemi. Kemi shumë lojtarë të rinj në këto eliminatore, por deri tani po realizojmë ëndrrën e shqiptarëve, që është kualifikimi në Europian. Jemi në gjysmë të rrugës, por kjo ndeshje është vendimtare për të dyja skuadrat. Mbështetja e tifozëve do të jetë shumë e rëndësishme. Gjithmonë na kanë përkrahur dhe jashtë fushe kemi qenë disa herë më shumë në numër sesa vendësit. Ne do të bëjmë maksimumin dhe për ta. Humbja është e papranueshme, ata janë favoritë, por ne do të bëjmë lojën tonë.”

Ndërkohë, përveç shqiptarëve që jetojnë në Danimarkë dhe vendet e tjera të Europës, për të mbështetur Kombëtaren kanë udhëtuar dhjetra tifozë nga Tirana.

FOTOT/ Ja si e pritën shqiptarët Kombëtaren në Kopenhagen

20:26 Sport

Trajneri i Danimarkës ofendon shqiptarët, i quan 'shqiptaristë'

18:44 Sport

4 mijë bileta “daneze” në duar shqiptarësh, kthehen vetëm 40

15:45 Sport

Nani vlerëson Shqipërinë: Na pret një ndeshje e vështirë

15:42 Sport

De Biasi i përqendruar vetëm te Danimarka: Kështu marrim pikë

13:01 Sport

Tifozët kuqezinj nisen nga Tirana për të “pushtuar” Danimarkën

12:22 Sport

Renditja e FIFA-s, Shqipëria humbet tre pozicione. Na e kalon Danimarka

11:15 Sport

Berisha, me laps në dorë: Nëse fitojmë, sigurojmë vendin e dytë

18:51 Sport

Mesfushori i Barcelonës: Futbolli, më i mirë se seksi

14:59 Sport

Presidenti i Torinos kërkon falje: Bëra gabim që largova De Biazin

13:35 Sport