Te fundit
Nga e hëna nis skanimi në dogana, 22 euro tarifa për kontenier
4 Shtator 2015, 13:32Ekonomia
TEMA
Duke filluar nga e hëna 7 shtator 2015, shoqëria koncesionare “Rapiscan” do të fillojë operimin për shërbimin e skanimit të konteinerëve dhe të automjeteve të tjera në Republikën e Shqipërisë, kundrejt tarifës së skanimit.
“Pagesa për skanimin do të kryhet mbi bazën e deklaratës doganore. Pagesë do të kryejnë të gjitha bizneset. Pra, do të përfshihet, si aktivitet, importi, eksporti dhe kalimi tranzit.
Pagesa për deklaratë do të jetë 22 euro.
Për deklaratat doganore që janë me vlerë deri në 1,000 euro, pagesa respektive do të jetë 5 euro” thuhet në njoftimin e ministrisë së Financave.
Ministria e Financave shpjegon se qëllimi i realizimit praktik të këtij shërbimi nuk është vetëm shmangia e nënraportimeve të deklaratave doganore për efekt të keqklasifikimeve të kodeve, të mallrave, për marrjen e detyrimeve doganore ekzaktësisht për produkte që zhdoganohen, por edhe siguria kombëtare, sigurimi i kufijve nga parandalimi i kontrabandës, kryesisht të produkteve të akcizës, të lëndëve narkotike, të produkteve të dëmshme, të armëve, të municioneve, etj.
Kontrata me “Rapiscan” ishte një ndër kontratat e kundërshtuara fort nga te majtët kur ishin ne opozite, por pas ardhjes në qeverisje në shtator të 2013, mosmarrëveshjet me kompaninë dhe prishja e marrëveshjes mund ti kushtonte buxhetit 256 mln euro dhe për pasojë u detyrua të bëjë kompromis dhe të bjerë dakort për të ulur tarifën e skanimit nga 39 ne 22 euro per çdo deklaratë doganore.
3 komente në “Nga e hëna nis skanimi në dogana, 22 euro tarifa për kontenier”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Edhe 39 euro per nje skanim, e kemi dhurate nga SB. Te pakten 22 euro eshte me e pranueshme dhe normale.
S’ka më të mbyllim syt në interesa partikulier
Hajdutllik , hajdutllik , hajdutllik ditën për diell . Mos ka ndonjë ndryshim ky veprim me tradhëtinë e shitjes së interesave kombëtare që nuk mund të kundërshtohet sepse e ka kryer qeveria e mëparshme . Hajdutët rrijnë në opozitë dhe paret e hajdutllikut ja mbledh qeveria në pozitë . S’ka shans po nuk i ndanë paret bashkë .
Mjerë ne në dorë të kujt kemi ra .
Biçikletaxhiut me 20 leksha goma ja mbyllin biznesin .
Hajdutë rrijnë në shtëpi e me gërshërë eurot presin .