Përplasja në Laç, kamerat e komisariatit nuk punonin

Prokuroria e Përgjithshme dërgoi për ekspertim dhe këqyrje aparatet celularë të 6 të dyshuarve për përplasjen me armë në Laç, mes tyre edhe telefonat e deputetit Armando Prenga.

Sipas prokurorisë, ky veprim hetimor do të provojë faktin e komunikimit mes djemve dhe Gjok Calit, mesazhet që ky i fundit ka shkëmbyer me ministrin e Brendshëm Saimir Tahiri dhe bisedat me shefin e komisariatit të Laçit natën e ngjarjes.

Nga këqyrja e tyre, hetuesit thanë se do të provohet alibia e pjesëtarëve të familjes Cali që akuzuan deputetin për kërcënimin në lokalin e tyre.

Nga ana tjetër, këqyrja e aparateve celularë të deputetit Prenga, do të provojë thanë hetuesit nëse ai ka komunikuar me vëllanë e tij apo ndonjë drejtues polici për përplasjen me familjen Cali në rrugën Patok–Laç mbrëmjen e 4 shtatorit. Gjithashtu është kërkuar edhe nga kompanitë telefonike në vend të identifikojnë qelizat e lëvizjes të të dyshuarve, mes tyre edhe atë të Anton Lekës, i cili pretendon se natën e ngjarjes nuk ka qenë në Laç, por në një dasëm në Kamëz.

ABC News ka mësuar se Prokuroria e Përgjithshme krahas hetimit për përplasjen fizike dhe me armë pranë komisariatit të Laçit, po verifikon edhe veprimet e të gjithë efektivëve të policisë që natën e sherrit ishin në detyrë.

Burimet thonë se nga pyetja e të shoqëruarve dhe të ndaluarve të familjes Cali, ata kanë implikuar edhe efektivë të policisë në ngjarje, duke pretenduar se nuk kanë reaguar për të shmangur dhunën fizike ndaj tyre.

Gjithashtu, ata kanë pretenduar se punonjësit e policisë edhe pse ishin në vendin e ngjarjes dhe kanë parë deputetin Prenga me pistoletë në dorë, nuk kanë reaguar për të arrestuar të në flagrancë.

Nga ana tjetër të gjithë punonjësit e policisë, të pyetur për ngjarjen, kanë mohuar se kanë parë deputetin Prenga me pistoletë në dorë.

Ata i kanë thënë hetuesve, se ishte gjysëm errësirë dhe për shkak të mungesës së ndriçimit para komisariatit nuk kanë arritur të identifikojnë deputetin e armatosur apo të shohin se kush ishin dy personat e armatosur që qëlluan ndaj pjesëtarëve të familjes Cali.

Po këto burime thonë edhe kamerat e sigurisë në komisariatin e Laçit nuk punonin natën e ngjarjes, duke mosr arritur të fiksojnë ndonjë nga imazhet e personave që kanë hyrë në oborrin e komisariatit para dhe pas përplasjes fizike dhe me armë mes dy familjeve Cali dhe Prenga.

Ekspertiza: Armando Prenga s’qëlloi me armën me leje, tyta s'bëri qitje

18:05 Kronika

Tentoi të ikë, policia italiane qëllon korrierin shqiptar të kokainës

16:14 Kronika

4 vjet nga vrasja, dëshpërimi i gruas së Skerdilajd Konomit: Jeta e njeriut që kërkon të drejtën e tij vlen më shumë se 400 gramë tritol

15:29 Kronika

Shijak, dy vëllezër tentojnë të vrasin me kaçavidë 2 vëllezër të tjerë pse xhironin gomat e makinës

11:39 Kronika

Berisha (jo ai që mendoni ju) arrestohet se nuk lëshoi kupon tatimor

09:48 Kronika

Babai i vajzës 4-vjeçare të përdhunuar: S'doja ta bëja të madhe dhe të denoncoja autorin në polici, ishte mjeku që këmbënguli për denoncimin

09:26 Kronika

Arrestimi i Prengës, BE: Me rëndësi ndjekja e duhur gjyqësore

09:05 Kronika

Gjykata e Lartë lë në burg Armando Prengën

16:29 Kronika

Marshimi i Paqes, policia publikon akset rrugore që do të jenë të pakalueshme për makinat

15:13 Kronika

Gjykata lë në burg Gjergj Calin: Armando Prenga na vrau dhe tani do të na burgosë

12:21 Kronika