Propozimi: Gjimnaz të përgjithshëm të detyrueshëm

Në Universitetin Europian të Tiranës u mbajt sot forumi i debatit mes ekspertëve të edukimit, drejtorëve të DAR-ve, drejtuesve të gjimnazeve mbi ndryshimet në sistemin parauniversitar në vend. “Përshtatja me ndryshimet e sistemit arsimor parauniversitar” ishte tema e takimit të 6-të të këtij forumi, ku ishte i pranishëm dhe Arbër Mazniku, ish-zvministër i Arsimit dhe Shkencës dhe aktualisht nënkryetar i Bashkisë Tiranë. Propozimi i UET për kthimin e gjimnazit në një cikël arsimi të përgjithshëm dhe të detyrueshëm solli diskutime dhe qëndrime të kundërta

Shkolla e mesme të jetë e përgjithshme dhe e detyrueshme, shkolla profesionale të jetë dyvjeçare pas gjimnazit.

Propozimi i hedhur për debat disa ditë më parë nga një grup ekspertësh në UET, ka marrë sot një formë më të detajuar dhe është diskutuar me përfaqësues të Drejtorive Arsimore Rajonale si dhe me drejtues të gjimnzave publike dhe private dhe ish-zv/ministrin e Arsimit dhe Shkencës, nënkryetarin e Bashkisë Tiranë, Arbër Mazniku.

Gjatë takimit të 6-të të forumit Universitet-Gjimnaz të organizuar nga UET, rektori i këtij universiteti Prof.Dr. Tonin Gjuraj, duke mbrojtur këtë propozim, i cili erdhi pas një pune disamujore të grupit të ekspertëve të edukimit në UET, tha se modeli i suksesshëm vjen nga modeli arsimor britanik.

Gjuraj mbrojti idenë se vetëm një arsimim i tillë do të krijonte të rinj me formim të përgjithshëm solid dhe të aftë të zgjedhin për profesionin e tyre, si dhe do t’i shërbente zhvillimit të gjithë shoqërisë.

“Pse të mos mendojmë të shkojmë drejt gjimnazit universal dhe të detyrueshëm e më pas një arsim profesional 2-vjeçar?  Këto janë propozime për të cilat jam i bindur që mund të funksionojnë dhe duhet të funksionojnë, në një periudhë afatmesme”, tha Gjuraj, duke sjellë një analizë të hollësishme të studimeve që janë bërë në Britaninë e Madhe mbi këtë model arsimimi.

Sipas Gjurajt, “një gjimnaz i mirë i përgjithshëm me lëndë të mira të formimit të përgjithshëm, është shumë i rëndësishëm për të formuar qytetarin, për të krijuar një variacion fushash të dijes që në fund të ditës pastaj krijojnë një lloj sinergjie”.  Duke përforcuar këtë propozim dhe duke argumentuar pse ka ardhur koha të kryhet një reformë e tillë, administratori i UET, Henri Çili, tha se arsimi profesional aktual është i dështuar ose i papërshtatshëm.

Në kundërthënie me këtë propozim, zoti Mazniku tha se kalimi i shkollës profesionale pas gjimnazit do të sillte një zvarritje në kohë dhe një zgjatje të edukimit.

“Një skemë e ngjashme do ta zgjaste sistemin arsimor, ndërkohë që nga “Bolonja” e tutje tendenca europiane ka qenë për t’i përgatitur pak më shpejtë e për t’i aftësuar pak më shpejt për tregun e punës e për të pasur mundësi që të funksionojnë në shoqëri”.

Megjithatë ai pranoi se sistemi parauniversitar ka mangësi pasi pretendoi se sipas tij “të rinjtë ta marrin të gjithë aftësimin e përgjithshëm që duhet dhe me ardhjen në arsimin e lartë, qoftë profesional ose jo, të marrin arsim specifik i cili i ndihmon për të aksesuar shoqërinë si një qytetar funksional”, argumentoi Mazniku.

U mbyt se do shpëtonte fëmijë, aktori Pandi Toçe “simbol i Tiranës”

19:45 Kulturë

FOTOT/ Hillary Clinton mes shqiptarëve të Amerikës: Ju dua në skuadrën time

11:27 Kulturë

“World Academy of Tirana”, një sistem arsmimi alternative

19:01 Kulturë

Shpallet Çmimi Kadare, 10 mijë euro për fituesin

11:19 Kulturë

Kur punëdoret e grave të Hasit ngatërroheshin me veprat e Picassos

10:35 Kulturë

Arben Duka: Të shpëtojmë poetin Ardi Omeri. I sëmurë në qeli, e dënuan një vit burg për rripin e sigurimit

09:07 Kulturë

Nikollë Lesi, një reportazh në kërkim të rrënjëve të tij: Kulla “Lesi” e Prullit

18:53 Kulturë

Një shkollë, që u jep fund dilemave të një prindi

14:14 Kulturë

Mediat italiane: Perëndimi i televizionit që “agoi” një vit më parë

14:51 Kulturë

"Burrneshat" në repertorin e tri kinemave franceze

12:51 Kulturë