Te fundit
INTERVISTA/ De Biazi: Çfarë më tha në të vërtetë Rama pas humbjes me Serbinë
17 Tetor 2015, 18:25Sport
TEMA
Xhani De Biazi vazhdon të jetë protagonist në mediat italiane.
Duke folur për “Mondo Futbol” De Biazi tregoi se çfarë i pati thënë në të vërtetë kryeministri Rama pas humbjes me Serbinë. Ai gjithashtu flet edhe për të ardhmen e tij dhe për finalet e Euro 2016 në Francë.
24 vjet më parë, në vitin 1991, Shqipëria mbante zgjedhjet e para demokratike në historinë e saj. Një vit më pas, në vitin 1992, Danimarka fitoi Europianin. Ndoshta ajo që keni bërë ju shkon përtej historisë së sportit…
Mendoj se as ne nuk e kemi kuptuar mirë atë që kemi bërë. Duke u kthyer nga Armenia, ndërsa po i afroheshim sheshit ku na prisnin duke festuar, në autobus isha ulur pranë Kryeministrit Edi Rama. Nga dritarja shikoja një turmë të jashtëzakonshme, nuk kisha parë kurrë kaq shumë njerëz. U ktheva nga Rama dhe i thashë: “Edi, çfarë kemi bërë?” Sipas meje kjo ishte një sipërmarrje e madhe, sepse gjeneron një shpresë, që shqiptarët e kishin humbur. Është një mënyrë për të thënë se gjithçka është e mundur, që gjërat mund të ndryshojnë, mjafton të lëvizësh vendit e të vësh në punë talentet. Ndoshta në Shqipëri njerëzit kuptuan se kjo mundësi ekziston për të gjithë. Ndoshta për këtë e kemi ndryshuar historinë.
Meqë jemi te Kryeministri Rama. Para disa ditësh, ai përdori një fjalim madhështor për t’ju falënderuar…
Ai pati mbajtur një fjalim fantastik edhe kur unë mora titullin “Honoris Causa”. Ai është tifozi ynë më i madh dhe fjalët e tij nuk janë ato të një politikani, apo të një oratori të zotë, që lexon atë që i është shkruar. Ai flet nga zemra. Mendoni, pas barazimit me Danimarkën dhe mundjes nga Portugalia e Serbia, më tha se nuk do të na ndiqte më, sepse kishte frikë se mund të na sillte ters.
A ishte e vështirë të mbahej lart përqendrimi pas atyre ndeshjeve, në veçanti asaj me Serbinë?
Po, sepse deri në ndeshjen e pestë nuk kishim humbur asnjëherë. Papritur gjërat u kthyen në drejtimin e gabuar. Pësuam gol nga Danimarka në fund, humbëm me Portugalinë në shtesë. Në ndeshjen e kthimit me Serbinë u treguam të shkujdesur. Donim të fitonim patjetër, u çorientuam dhe i “dhuruam” dy gola kundërshtarit në minutat e kohës shtesë. Nuk ka qenë e lehtë të shkonim në Armeni, sepse të fitosh me çdo kusht nuk është e lehtë. Kërkuam të mbanim lart përqendrimin, që lojtarët të mos humbnin besimin. Madje rrezikuam edhe një ndëshkim në minutat e para. Por në fund ia dolëm dhe unë jam i lumtur që nuk na u dhurua asgjë. Ishim qartësisht më të motivuar se Armenia.
Italia ju nderon, në Shqipëri jeni hero. Si ju duket pas skepticizmit që pasoi zgjedhjen tuaj për t’u larguar drejt Shqipërisë?
Në futboll funksionon kështu: një ditë je më i madhi nga të gjithë humbësit, ditën tjetër je trajneri më i mirë në botë. E lashë Italinë, sepse kuptova se kisha një rol margjinal, nuk më pëlqente ideja që trajneri të mos ishte në qendër të projektit. E di që zgjedhja ime për të shkuar në Shqipëri ishte vështirë të kuptohej, por jam njeri i mësuar të punoj me aq sa më vihet në dispozicion. Më pëlqen të punoj për rezultate të mëdha me pak resurse.
A mendoni se kjo skuadër, e cila arriti maksimumin së fundi, i ka mundësitë për t’u përmirësuar edhe më tej, parë kjo në optikën e Europianit “Francë 2016”?
Sipas meje, këtë e tregojnë rezultatet. Niveli është i mirë. Në përgjithësi jemi përqendruar te mbrojtja. Në sulm kemi bërë përmirësime të mëdha. Tetë golat e shënuar dhe 5 të tjerë të pësuar tregojnë se jemi një skuadër solide, që do të shënojë përmes goditjeve të dënimit dhe atyre të këndit. Tani duhet të shohim efektin që kualifikimi do të ketë te secili lojtar. Shpresoj që në klubet ku luajnë, futbollistët shqiptarë të kenë hapa përpara në këndvështrimin e Europianit.
E nisim nga këtu. Në atë garë do të ketë shumë të mëdhenj…
Ne jemi debutues dhe si ata fëmijët naivë do të bëhemi pjesë e lojës së të mëdhenjve të Europës.
Në sulm mund të jetë Manaj, i cili i pëlqen edhe trajnerit Mançini. Këto ditët e fundit ka pasur divergjenca mes jush dhe djaloshit…
Kam përshtypjen se ju kanë referuar fjalë që nuk i kam thënë. Ka qenë thjesht një keqkuptim. E kam thënë gjithnjë që dyert e Kombëtares Shqiptare janë të hapura për të gjithë. Qartësisht, tashmë ata që duan të kenë një vend në Europian duhet të bëjnë më shumë se bashkatdhetarët që siguruan kualifikimin.
15 komente në “INTERVISTA/ De Biazi: Çfarë më tha në të vërtetë Rama pas humbjes me Serbinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rama: c’na bere mer Gani,i ”gjati” serb na dogji shume……….
Mavre ,ty te pelqen “i gjati” alvanos por duhet te presesh ca …jo aq sa per 260 evrote qe nuk do te arrijne me !
Hahahaha yah!!!!
Ato robt ti shkerdhefsha o jashtqitje
Gazetar, cfare i tha Rame pas humbet me Serbin?
“nuk ju ndjek me ne stadium se ju sjell ters ” zoti kritikus
PO mendja vetem tek miku te geli a derzi je burr apo çje.
A ta qe duan te kene nje vend ne Europian duhet duhet te bejne me shume se bashkatdhetaret qe siguruan kualifikimin.
Keshtu luftohet per te hecur perpara. A do te jete i qete nga Federata Xhani De Biazi per te bere punen e tije si trjaner ne finalet e Europianit?
Ka mundesi ti kete thene :
“Mos u merzit Gani kjo ndeshje na doli shume bukur , fitoi qytetaria. Tani i hedhim nja 2-3 milione euro ne Armeni dhe kualifikimin e kemi te sigurt.”
Zzzzzz
Je madheshtor,na realizove endrren per te cilen menduam se perjetesisht do mbetet enderr,je pjese e pandare e historise se popullit shqiptar,do mbetesh pergjithmone ne zemrat tona o Xhani De Biazi.
Pa diskutim qe do mbetesh ne historin e futbollit Shqiptar
Sei hrande Giani!
tfgs1 ma bjer nje dit motren tate e next day mamin tat.
Nje Shqiperi e zakonshme mes kombeve te europes eshte tragjedi per armiqte e kombit tone……
Mos harroni se per serbet kemi qene me bisht per greket jemi turq per turqit jemi vellezer muslimane ……
Vuan dynjaja se shqiptaret jane te zakonshem si te tjeret……
As ne fudboll nuk duan te na shohin te gezohemi…….