Tahiri pret homologun gjerman/ Diskutohen krimi i organizuar, emigracioni dhe azili

Ministri i Brendshëm Saimir Tahiri priti homologun gjerman Thomas de Maziere, ku ndanë opinionet dhe trajtuan format e bashkëpunimit për t’u përballur me sfidat e krimit të organizuar, emigracionin dhe azilëkërkuesit. 

“Policia gjermane do të sjellë ekspertizë që ne të arrijmë rezultate në luftën kundër krimit dhe korrupsionit”, tha Tahiri.

E njëjta gjë u konfirmuar edhe nga ministri De Maziere  i cili tha se Gjermania pas disa javësh do dërgojë në Tiranë një ekspert për luftën kundër krimit të organizuar dhe korrupsionit. 

“Rezultatet në luftën kundër krimit të organizuar në bashkëpunim me agjencitë ligjzbatuese në Gjermani, na kanë dhënë mundësinë dhe nxitjen e nevojshme për të forcuar bashkëpunimin tonë shumëdimensional dhe për këtë arsye ramë dakord që të ndërtojmë ura solide bashkëpunimi në kuadër rezultateve që kërkojmë në luftën kundër drogës, korrupsionit dhe krimit të organizuar. Kjo është kryesisht e fokusuar në repartet e forcave speciale të Policisë Shqiptare nga njëra anë dhe nga ana tjetër në departamentin e krimit të organizuar ku pas kërkesës sonë Policia Gjermane do mund të sjellë ekspertizë të kualifikuar që ti bashkohet mbi baza permanente përpjekjeve tona për të arritur rezultate solide në luftën kundër krimit të organizuar dhe korrupsionit”, tha Ministri Tahiri në konferencën e përbashkët për media.

Referuar çështjes së azilkërkuesëve, Tahiri deklaroi se falë masave të marra nga të dyja palët, numri i tyre po reduktohet, ndërsa po rritet numri i atyre që po riatdhesohen në Shqipëri.
  
“Sipas të dhënave tona nga kufiri shqiptar, numri i azilkërkuesëve po reduktohet. Janë vetëm 0.6% më shumë kërkesa krahasuar me periudhën e një viti më pare”, u shpreh ministri i Brendshëm shqiptar teksa shtoi se pjesa më e madhe e azilkërkuesëve janë shqiptarë rezidentë në Greqi.

Edhe ministri gjerman De Mazierë i cili konfirmoi se numri i azilkërkuesëve gjatë muajve të fundit është reduktuar paksa.

De Maziere deklaroi se  shqiptarët nuk kanë asnjë arsye që të kërkojnë azil në Gjermani, pasi Shqipëria është një vend demokratik dhe i sigurt.

“Ky është shqetësim sepse nuk ka asnjë arsye pse të vijnë njerës nga Shqipëria. Është vend i origjinës së sigurt. Nuk ka arsye pse të vijnë në Gjermani, nëse nuk ka përndjekje politike,” tha de Mazier.

Sipas ministrit gjerman shqiptarët mund të kërkojnë punësim në Gjermani vetëm duke ndjekur rrugët ligjore dhe jo duke kërkuar azil.

Vizita e ministrit të Brendshëm në Tiranë mori një vëmendje të posaçme edhe nga mediat kryesore gjermane, të cilat ndoqën takimin.

Arrestohet drejtori i Auditit në Bashkinë e Tiranës, mori 5 mln lekë për një vend pune

15:00 Kronika

Mbyti me duar gruan në Gramsh për shkak të varfërisë, prokuroria kërkon burgim të përjetshëm

12:03 Kronika

Vrasja në Bathore, arrestohet babai i autorit. Policia gjen armën e krimit

09:51 Kronika

3600 euro për të kaluar drejt vendeve Shengen, në pranga 3 vetë

09:44 Kronika

FAKSIMILIE/ Andrea Stefani: Ja dokumenti origjinal, që tregon se nuk kam qenë spiun i Sigurimit

09:03 Kronika

Tahiri publikon në Kuvend shkresën e presidentit Nishani, ku i kërkon makinë të re Gardës

21:19 Kronika

Ministri i Brendshëm gjerman nesër në Tiranë, pritet nga Tahiri e Rama

19:42 Kronika

Sherr në Presidencë, Bujar Nishani shkarkon shefat e sigurisë

17:08 Kronika

Reagon Beketi: S’ka gjyq deri vitin tjetër, akuzat janë të pabaza

21:00 Kronika

Tiranë, përplasje me në armë Bathore, plagosen dy persona

19:14 Kronika