Te fundit
Albin Kurti shkruan letër nga qelia: O Republikë, o Zajednicë!
29 Nëntor 2015, 18:01Blog
TEMA
Nga qelia e paraburgimit Albin Kurti i Vetëvendosjes ka bërë publike një letër me titullin “O Republikë, o Zajednicë”. Ai ka akuzuar Kryeministrin Mustafa dhe Hashim Thaçin se marrëveshjet me Serbinë po i konsiderojnë “të shenjta”. “Qeveria e Kosovës nuk po e mbron shtetin e Kosovës nga Serbia, por po e demonstron pushtetin e saj mbi opozitën”, – ka shkruar ai. “Nuk mund të rrinë në Kosovë edhe Republika jonë edhe ‘Zajednica’ e Serbisë. Prandaj do të bijnë ose Qeveria ose ‘Zajednica’ ose të dyja këto. Mustafa e Thaçi po i konsiderojnë pazaret e tyre me Serbinë e Malin e Zi sikur të ishin libra të shenjtë. Këso nënshtrimi ndaj Serbisë moti s’ka pasur kush në Kosovë. ‘Zajednicën’ e Serbisë në Kosovë mund ta mbrosh ose nga gjendja e mazokistit ose nga pozita e serbofilit ose nga rrethana e të shantazhuarit”, ka shtuar ai.
Ky është teksti i plotë i Albin Kurtit i publikuar në koha.net
Kundër nënshtrimit qeveritar ndaj Serbisë
29 Nëntor 2015 – 17:14 – Albin Kurti
Në Kuvendin e Serbisë, përveç dy deputetëve shqiptarë atje, nuk kishte asnjë deputet që ishte për anëtarësimin e Kosovës në UNESCO. Po ashtu, asnjë ministër a zëvendës-ministër në Qeverinë e Serbisë nuk ishte për anëtarësimin e Kosovës në UNESCO. Në anën tjetër, në Kuvendin e Kosovës shumica e deputetëve, për shkak të koalicionit PDK-LDK-Srpska, janë për ‘Zajednicën’ e Serbisë në Kosovë. Asnjë ministër a zëvendësministër i Qeverisë së Kosovës nuk doli kundër ‘Zajednicës’ së Serbisë! Pra, në Beograd politikanët serbë janë unikë kundër Kosovës dhe shqiptarëve. Në Prishtinë, ne politikanët shqiptarë jemi të ndarë rreth Serbisë dhe apetiteve të saj! Skena politike në Kosovë nuk është e ndarë si opozitë-pozitë për pushtet në Kosovë, por është ndarë për e kundër ‘Zajednicës’ nga shteti i Serbisë. Pyka në politikën kosovare është serbe.
Fushata kundër anëtarësimit të Kosovës në UNESCO është e keqja më e vogël që Serbia ia ka bërë Kosovës. Të këqijat e tjera që na i ka bërë e po na i bën Serbia janë më të mëdha e shumë më të mëdha se kaq, por ja që për ato asnjë fjalë asnjëherë nuk e thotë Qeveria. Mustafa e Thaçi heshtën edhe për bllokimin e librave shkollorë shqip në terminalin doganor në Preshevë. Ama bash asnjë fjalë s’e tha asnjëri prej tyre për nxënësit shqiptarë që mbetën pa librat shqip.
Veçse kjo heshtje e përgjithshme e Qeverisë së Kosovës gjithsesi e ka edhe një ambient të përshtatshëm në shoqëri e posaçërisht në medie. Disi edhe elitës kosovare vazhdimisht po duhet t’ua përkujtojë Serbia se kush është ajo. Elita kosovare është bërë porsi një kompjuter me RAM memorie pa hard disk. U kujtuan për Serbinë armike e keqbërëse, u kujtuan për ndërprerje ose ridimensionim të dialogut me Serbinë, vetëm pasi që Kosova nuk u pranua në UNESCO. Për elitën kosovare Serbia është e keqe vetëm nëse është vazhdimisht e keqe.
Jo rastësisht në thumb të kësaj elite prej opinionistësh ndodhet ‘dhuna opozitare’. Polarizimi aktual në Kosovë ka nxjerrë në pah diç shumë të rëndësishme: nëpër debatet televizive po demaskohen analistët! Në neutralitetin e tyre po shihet se kanë qenë bukur pranë qeverisë e mjaft larg opozitës. Shumica e këtyre opinionistëve neutralë doli se janë një hap larg qeverisë dhe pesë hapa larg opozitës! I këtillë na paska qenë neutraliteti i tyre. Ata kanë qenë të paanshëm në kuptimin që s’kanë qenë identikë me pozicionin as të qeverisë dhe as të opozitës së bashkuar, mirëpo fare nuk kanë qenë të baraslarguar në këtë ‘paanshmërinë’ e tyre.
Të gjithë opinionistët e paanshëm që flasin një herë për ‘dhunën’ e opozitës së bashkuar apo të Vetëvendosje-s do të duhej të flasin 10 herë për dhunën e plaçkitjes së dhomave të dëshmive në policinë e Kosovës ku u vodhën droga, ari dhe dosjet, apo jo? Por ja që këtë nuk e bëjnë pothuajse asnjëri prej tyre. Dhe, duhet kritikuar 20 herë ‘Zajednica’ e Serbisë dhe ‘Demarkacioni’ me Malin e Zi, 10 herë dhuna policore në rrugët e Prishtinës dhe nëpër stacione të policisë, e vetëm njëherë gazi e spreji lotsjellës në Kuvend si dhe gurët në duart e protestuesve të paarmatosur përballë policëve specialë të armatosur gjer në dhëmbë. Përndryshe, s’ka kuptim ky farë ‘opinioni neutral’.
Qeveria e Kosovës moti ia ka mbyllur me shul derën popullit të Kosovës andaj tash ai ia theu xhamat e dritareve asaj. Prona shtetërore e publike është uzurpuar nga kjo qeveri kuislinge e ‘Zajednicës’. Ne nuk po dëmtojmë diçka që është e popullit por diçka që i është marrur popullit, i është uzurpuar atij. Dëmet materiale nuk janë më dëmtime të pronës së popullit por dëmtime të qeverisë anti-popullore. Dhe, jo vetëm kaq. Të gjithë policët e lënduar në të kaluarën, të gjithë policët që mund të lëndohen në të ardhmen, duhet t’i kërkojnë llogari qeverisë pse nuk po tërhiqet prej pazareve të tyre me Serbinë dhe Malin e Zi ku Kosova shitet më lirë se badihava.
Qeveritarët kosovarë me në krye Isa Mustafën duket se janë të obsesionuar me pronat private dhe indiferentë ndaj territorit të shtetit. Pra, ata sillen si biznesmenë meskinë e jo si përfaqësues dhe dalzotës të popullit. Njëmend ‘Zajednica’ është pasojë e Marrëveshjes së 19 prillit 2013 para se të jetë e asaj të 25 gushtit 2015. Mirëpo, pa këtë marrëveshjen e Isës me Vuçiqin, ajo e Thaçit me Daçiqin nuk do të konkretizohej praktikisht. Sigurisht që strukturat shtetërore të Serbisë në Kosovë kanë mundur ta shpallin ‘Zajednicën’ e komunave me shumicë serbe. Mirëpo, çështja që shtrohet këtu është pse këtë shpallje t’ia bëjë ‘Zajednicës’ vetë shteti i Kosovës përkatësisht qeveria Mustafa?! Kur ta thyejnë këmbën, më mirë është të mos e vësh në gjips fare sesa ta vësh gjipsin e një kallëpi të gabueshëm i cili mandej do të detyrojë ta thyesh sërish këmbën, por asaj radhe t’ia thyesh vetes këmbën!
Nuk mund të rrinë në Kosovë edhe Republika jonë edhe ‘Zajednica’ e Serbisë. Prandaj do të bijnë ose Qeveria ose ‘Zajednica’ ose të dyja këto. Mustafa e Thaçi po i konsiderojnë pazaret e tyre me Serbinë e Malin e Zi sikur të ishin libra të shenjtë. Qeveria e Kosovës nuk po e mbron shtetin e Kosovës nga Serbia, por po e demonstron pushtetin e saj mbi opozitën. Këso nënshtrimi ndaj Serbisë moti s’ka pasur kush në Kosovë. ‘Zajednicën’ e Serbisë në Kosovë mund ta mbrosh ose nga gjendja e mazokistit ose nga pozita e serbofilit ose nga rrethana e të shantazhuarit.
8 komente në “Albin Kurti shkruan letër nga qelia: O Republikë, o Zajednicë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
jam i bindur qe qeveritaret me firmat qe po japin po blene amnistine e gjykates spseciale nuk ka kuptim tjeter qe te jesh me serb se serbi…
pra albin mos u dorezo
O Albin Kurti, o AGJENT I UDB
o plehre e ketij kombi
o ndyresire e ketij dheu
qe gjakun e gjithe atyre burrave te cilet luftuan ta shohin kosoven me qeveri e parlament ti po e ben uje
Nuk thote BURRI
Nuk i njoh gjykatat e Eulex dhe shtetin e Kosoves
Nuk gjuan BURRI
Me bomba ne parlament dhe nxjerr kosoven lajm te pare ne gjithe mediat e botes, diten qe Serbia UL HUNDEN DHE FIRMOS MARREVESHJET ME SHTETIN E KOSOVES
O Albin Kurti
O AGJENTI I UDB
Nuk ka ma bukur se ky shkrim Vec…….. nuk e di nese je shqiptare apo Serb more nacionaliste (mvaret se kujte nacionali i perket ???) Gjithsesi perderisa qeveria e Kosoves dhe policia ma shume i kushton vemendje te arrestoje opoziten se krimin e organizuar…..ksaj i vjen era mish dhijet .Turp per te gjithe ata qe e qujne vetem Shqiptare dhe mundohen qe me ane te dhunes e terrorit te kamuflojne vjedhjet e pafytyresite e tyre ne vendime antikomtare.Albin Kurti munde te kete patjeter dhe shume gabime ashtu sic munde te kete edhe ndonje lider tjeter i opozites por te arrestohet si nje terrorriste i ISSI nje deputet i zgjedhun nga vota e popullit Kosovare mua me duket e trishtueshme.Turp per ju si komentues i pa atdhe ,Turp per Qeverine e Kosoves e gjithashtu Turp e faqe te zeze edhe per te ashtuquajturen presidente te Kosoves.
Shko more hale publike ku derdhin ujt e bejne m.. serbet. Se ka shume llumra si ti, Rugova qe ngordhi dhe Mu(t)stafa me Thacin shqiptaret vazhdojne te terhiqen zvarre. Vazhdo luften Albin se ti je sot emblema e shqiptareve ne te gjitha trojet ku jetojne. Cdo shqiptare i ndershem eshte sot me Vetvendosjen.
Bukur. S’kam cfare te shtoj.
Nacionalisto mos je gje Thoma Dhima ti? Jo per gje, por ai ha mut, ja keshtu sic po ha ti.
O nacionalist ti duhet te jesh oficer ne UDB qe e dike qe Albini qe ka ber burg me burgjet e Serbise dhe tani ne burgjet e regjimit Neoserb te instaluar ne Kosove. O nacionalist kush je ti qe akuzon Luane e Tigra? A je me te bertet punonjes i sherbimit sekret Serb dhe ateher nese flet nga ajo pozite dhe mbase ke dijeni per ate cfar ne te tjeret nuk e dime? Apo je thjesht nje bythlepires i neoserbeve Mustafa e Thaci? Kete te dyten po ta falim per ate cfar shkruan kunder Heroit Albin Kurti sepse detyra e bythlepiresit duhet te jete e veshtire dhe ateher nuk kontrollon cfar thua….
Turp jo vetem per Isa Mustafen i ashtequajtur Kryeminister dhe ne te njejten kohe nje mjeran si nga pamja dhe veprimet dhe po ashtu turp edhe per Thacin qe per hir te asaj arsyeje qe vetem ai mund ta dije e con veten ne ate cfar ai po ben. The kryeturpi bie edhe mbi Zotin Veseli I cili megjithese e din qe eshte kryekput gabim ne menyren qe ka zgjedh per te drejtuar organin me te lart te zgjedhur direkt nga populli ne vend qe te nderroj menyren e drjtimit per aresyet qe ma mir se ai nuk I din kush po e con kosoven ne humnere.
Fatkeqsi per ate popull qe nga kush drejtohet dhe lironi Kurtin, Bujupin e te tjer te burgosur politik se njolla e turpit do ju ndjek jo vetem ju por fatkeqsisht dhe pasardhesve tuaj te cilet nuk kan pse ta mbajn barren e poshtersis tuaj mbi shpatulla.
Gati te gjith qe sot nga karrika e pushtetarit ne Kosove po persekutojne I kam njohur dhe po ashtu edhe disa nga te persekutuarit perfshire Z.Kurti dhe mdihem krenar per keta te fundit dhe I turperuar qe ka njoft te paret. Rroft Kurti dhe lirim sa me pare te tij e te gjith te burgosurve politik te regjimit te ri te tip it Rrahman Morina.
Albin Kurti,kurkush nuk e di çfar ke ne zemer apo ne shpirt,por nje gje eshte e qart qe je gjithmon i sakt dhe i vendosur ne pikpamjet e tua politike,je i vetmi lider i vertet qe ka kombi Shqiptar