Te fundit
Kehm: Asgjë nuk është e vërtetë rreth fjalëve për Schumacher
22 Dhjetor 2015, 15:47Sport
TEMA
Ka polemika në Gjermani në lidhje me gjëndjen shëndetësore të Michael Schumacher.
7 herë kampioni i botës në Formula 1 i cili ishte viktimë e një aksidenti të rëndë në një pistë skish dy vite më parë, është duke e marrë veten pak nga pak nga ajo goditje e rëndë që mori në kokë.
Pasi qëndroi në koma për 5 muaj e gjysmë, ish kampioni gjerman po vijon fazën e rehabilitimit në shtëpinë e tij.
Megjithatë për të tensionuar situatën në lidhje me gjëndjen e ish pilotit ka mjaftuar një shkrim i revistës gjermane Bunte.
Media në fjalë ka bërë të ditur se Schumacher falë ndihmës së fizioterapistit ka bërë hapa të mëdha përpara dhe tashmë mund të ecë madje të lëvizë edhe njërin krah.
Por shkrimi i revistës gjermane nuk i ka pëlqyer aspak familjes së Shumit që ka reaguar nëpërmjet agjentes së ish pilotit Sabihne Kehm.
Kjo e fundit në një komunikatë për mediat i ka cilësuar si papërgjegjshëm gazetarët e revistës Bunte.
“Për fat të keq jemi të detyruar të ndërhyjmë për të bërë të qartë se shkrimet që kanë dalë sëfundmi në një media në lidhje me gjëndjen shëndetësore të Schumacher nuk janë të vërteta.
Këto spekulime janë tërësisht të papërgjegjshme, sepse duke ditur sesa i rëndë ishte incidenti që pësoi Michael, mbrojtja e privatësisë së tij është jashtëzakonisht e rëndësishme. Përvec kësaj këto deklarata ushqejnë shpresa të kota”./ SS
3 komente në “Kehm: Asgjë nuk është e vërtetë rreth fjalëve për Schumacher”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk jam kunder privatesise se tij, por schumi ka qene idhull i miliona personave dhe familja e ka njefare detyrimi te jape ndonje detaj nese gjendja e tij eshte permiresuar, si shenje falenderimi dhe respekti ndaj fansave qe e kane mbeshtetur pergjate te gjithe karrieres!
undefined
E ka kthyer pergjigjen:”keto deklarata ushqejne shpresa te kota”.