Te fundit
Gramoz Ruçi: Në ’91-n, ishin gratë që e shpëtuan Shqipërinë nga një luftë civile
8 Mars 2016, 12:00Politika
TEMA
Kreu i grupit parlamentar të PS-së, Gramoz Ruçi, ka vlerësuar lart figurën e femrës këtë 8 mars.
Duke folur në një takim për anëtarësimet në PS, Ruçi tha se sot në këtë parti roli i gruas është më i madh edhe falë kryeministrit Edi Rama.
“Ne përulemi para nënës, motrës, vajzës, se i kemi borxh jetën, dashurinë, edhe kujdesin që duhet të ketë edhe burri më i fortë, edhe për nënën edhe për gruan, motrën e vajzën.
E tillë ka ndodhur edhe më atë që kemi në krye Edi Ramën.
Shumëkush e di që është po kaq i egër, më shumë apo më pak se unë, por kur vjen puna që qoftë si kryetar i bashkisë dje e qoftë sot si kreu i PS apo kryeministër na mori shpirtin ne burrave te PS-ja me atë 50% e famshëm të përfaqësimit”, tha Ruçi.
Ai ndërkohë tregoi edhe një kujtim nga koha kur ishte ministër i Brendshëm në 1991-n.
“Në 91 isha ministër i Brendshëm tre muaj. Vendi ishte në prag të luftës civile. Atëherë erdhi një partner nga Gjermania e më tha, si do e përballosh?
Unë fillova t’i flisja për masat policeske, ai pasi më dëgjoi më tha: Zotëri ke vetëm një shpresë! Duhet të dalësh në TV dhe t’i drejtohesh grave!”.
Unë thashë me vete, qenka i marrë, por ai ma ktheu.
“Dëgjo, kam tre ditë në këtë vend, si janë gjakrat kaq të ndezur vetëm gruaja mund të të shpëtojë ty si MB dhe këtë vend, sepse gruaja është nënë, motër, ka vëlla, vetëm ajo mund të bëjë që vendi ta kapërcejë situatën”, më tha. Dhe kështu ndodhi, falë jush vendi nuk kaloi në luftë civile”, tha Ruçi.
2 komente në “Gramoz Ruçi: Në ’91-n, ishin gratë që e shpëtuan Shqipërinë nga një luftë civile”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po mos u shterngo keshtu more Gramoz, se po ta dalin syte nga vendi, e te jan fryer damaret e qafes nga sforcimi.
Po sa nena e motra shqiptare qe jetojne ne kushte minimale jetese ke ftuar ne ate salle? Po perse duhet te beni buje kur kjo eshte nje dite per ta gezuar nenat dhe motrat, doni te tregoheni burra te mire, beje pushim nje dite per nder te tyre, dhe mjaft po cani derrasa cdo vit, dhe kjo ndodh me te gjithe pushtetaret. Ne njefare menyre po na e shpifni…
He me te lumte.
Hajde fjalim intelektuali hajde.
Po ne 1997 pse nuk ben te njejten gje?????