Loja e Berishes me dorëheqjen më 9 Mars të 1997 (Analiza e një dëshmie të tij)

Nga Mero Baze

Takimi i paralajmëruar i Berishës me 10 partitë politike ishte lënë në orën 15.00

Në Partinë Demokratike thuajse nuk kishte asnjë mendim të qartë se çfarë duhej bërë më tej. Operacioni ushtarak i gjendjes së jashtëzakonshme ishte copëzuar nga veprimet politike dhe pavendosmëria për të përdorur dhunën si rrugëzgjidhje. Nga ana tjetër, oficerët që filluan të marrin përsipër drejtimin e trupave nuk kishin kurrfarë përvoje ushtarake. Ushtarët, shpesh, niseshin në një destinacion, pa ushqime dhe pa prapavijë të sigurt. Ndërhyrjet politike të paktën tri herë gjatë një jave që ishte vendosur gjendja e jashtëzakonshme, bënë që ajo të ishte një dështim i plotë.

Sali Berisha kishte caktuar 9 Marsin edhe si Mbledhje të Kryesisë së Partisë Demokratike. Ishte një ditë e vetmuar për të dhe pati shumë pak takime private. I kam kërkuar disa herë më vonë pas asaj dite të ulej ta përshkruante atë ditë. Dhe një ditë e bëri. Ishte ulur dhe kishte shkruar rreth 40 rreshta dhe m‟i dha. I ruaj akoma ato dy faqe. Aty shihet qartë se sa pak detaje është në gjendje të përshkruajë për ditën më të vështirë të jetës së tij, për të cilin kishte ofruar aq shumë luftë dhe duhet ta mbyllte me paqe dhe dorëzim. Nëse e shikon me kujdes, i kupton të gjitha dilemat e tij, edhe planin për ndarjen Jug- Veri, edhe planin rrufe të nënshtrimit me rezervistë.

Në të vërtetë, pozicionimi i tij sikur kishte në dorë ndarjen në dy pjesë të Shqipërisë ishte shumë fiktivë, pasi, nëse kishte një gjë që atij i mungonte, ishte Veriu.

Askush nuk ishte i gatshëm të hynte në konflikt verior. Natyrisht që PD kishte më shumë mbështetës në Veri, por kjo nuk vinte nga të mirat që kishte sjellë PD në Veri, por nga të këqijat që kishte bërë komunizmi në Veri.

Po e fus të plot përshkrimin e 9 Marsit siç e ka shkruar me dorën e tij Sali Berisha. Ndoshta lexuesi e kupton më mirë se si një president në detyrë, përpëlitet në orët mes dorëheqjes dhe dorëzimit të pushtetit. E bukura e këtij shkrimi është se Sali Berisha është ulur dhe e ka shkruar si një gazetar të cilit i rrëfehet Berisha. Pra, më shumë se sa Berisha i vërtetë, ky është Sali Berisha i fshehur, ai që kishte dëshirë të mbetej versioni i tij në faqen e shtypit. E vetmja shenjë origjinaliteti që dëshmon se kjo është dorëshkrim i Berishës, është rreshti i gjashtë nga fundi, ku Berisha ka bërë me shkrimin e tij të dorës një ndërhyrje për të sqaruar se…”mbledhja… ishte e kryesisë së PD-së. Sipër fjalës „mbledhja‟ është shkruar me shkrimin e tij “kryesisë së PD”.

E vetmja gjë që vlen dhe që mund të besohet është mëdyshja që ai ka pasur për të dhënë dorëheqje apo për të vazhduar më tej.

Kjo është ndoshta e vetmja dëshmi origjinale që Sali Berisha ka tentuar të lërë për historinë e 9 Marsit. I ka qëndruar larg rikujtimit të asaj dite në çdo rast. Siç shihet më shumë se sa një dëshmi e tij është një dëshirë se si duhet ta përshkruante media këtë ditë për të. E vetmja gjë që mund të besohet më pak, është nëse kur mendonte dorëheqjen e tij i dhimbsej vendi apo vetja, e cila mund të bëhej objekt sulmesh, siç u bë në fakt dhe rezistenca e tij në pushtet.

Është një mundim i madh të arrish të depërtosh në mendjen e një protagonisti të madh të historisë i cili deklaron paraprakisht se nuk do të shkruaj kurrë historinë e tij. Një makth i brendshëm ta dikton këtë vendim. Të ulesh të shkruash historinë tënde, nuk është aq e lehtë. Por nuk është e vërtet që ai nuk do të shkruhet historia për të. Thjesht e do siç i duhet për momentin. Këto faqe të shkruara me dorën e tij janë sprova e vetme që kemi se ai ëndërron që dikush t‟ia shkruaj historinë sikur të ishte Sali Berisha tjetër ai që përpiqet të maskoj Sali Berishën e vërtet. Përfytyroni një burrë shteti që ulet në kompjuter dhe shkruan për Sali Berishën duke qenë Sali Berisha dhe duke theksuar se „ai, Sali Berisha kishte menduar..“Ky është momenti kur njeriu ëndërron historinë sipas tij dhe ky njeri është shumë më i rrezikshëm se njeriu që shkruan vet qoftë dhe me gabime historinë e tij.

Berisha i ka thënë gazetës “Times” më 25 Mars, se ka menduar të japë dorëheqje më 9 Mars. Pasi kishte dalë nga mbledhja e Kryesisë së PD-së, u ul në skrivaninë e tij dhe shkroi një mesazh të shkurtër. Se kam gjetur kurrë këtë mesazh. As Linda Isani, asistentja e tij më e afërt në të gjitha momentet e vështira politike, nuk e ka parë me sytë e saj. Pastaj, siç shihet, ai përpiqet të arsyetojë pse e ktheu këtë vendim.

U bëra kurioz dhe e gjeta intervistën e tij në „Times” më 25 Mars. Është një intervistë portret, ku Berisha citohet për disa nga problemet me të cilat ndeshet vendi, por dhe për të shkuarën dhe hobitë e tij. Ai shpjegon se momenti më i vështirë i tij politik ishte kur socialistët po përfshiheshin gjithnjë e më shumë në atë që po ngjante si luftë civile. “…Vetëm ditën që kam ofruar platformën e Pajtimit Kombëtar, kam menduar dhe për dorëheqjen, por ajo ishte gjëja më e thjeshtë”, – i kishte thënë gazetarit.

Faksimile e Times

Interesante është se dhe gazetari i ”Times” ka kërkuar të dijë në se ai do t‟i përshkruajë këto momente dhe Berisha i ka thënë “Jo”, pasi nuk ka dëshirë të shkruajë kurrë kujtime. Tani, kur e mendoj, them se do të ishte një mision i pamundur për të, jo vetëm për shkak të dinamikës së madhe të ngjarjeve, por dhe të mos pasurit prej tij respekt për historinë, të cilën ai e konsumon vetëm ushqim për politikën e ditës.

Nëse e shikon më pas formulën e 9 Marsit, shihet qartë se më shumë se sa një formulë për të shpëtuar vendin, ishte një formulë që shpëtoi karrierën politike të Berishës, pasi e mbajti atë brenda sistemit. Ai arriti të bëhej palë e barabartë me kundërshtarët kur nuk kishte as dhjetë për qind të kapitalit të tij politik në dispozicion dhe diktoi rregullat e lojës deri më 29 Qershor kur kaloi në opozitë.

Marre nga Libri “Viti 97”, Mero Baze

Izet Haxhia: Si urdhëroi Berisha djegien e gazetës “Koha Jonë” dhe cilët ishin zjarrëvënësit

16:38 Politika

FJALIMI I PLOTE/ Rama: Kur qeveris Berisha thonë “Ka dhe më keq”. Kur qeverisim ne, thonë “Ka dhe më mirë” (Dhe një përgjigje Blushit)

16:14 Politika

BATUTAT/ Rama-gazetarëve: Kafen jua paguaj unë, vetëm mos pini alkool

16:07 Politika

FJALIMI I PLOTE/ Blushi: Ja platforma ime (paralajmëron largimin nga PS)

15:49 Politika

Servet Pëllumbi: Prioritet është legjislatura, jo mandati i kryetarit në parti

15:21 Politika

Blushi, fjalim në “shkretëtirë”

15:13 Politika

Pas LMN-së, Ben Blushi shpall “Lëvizjen për Demokraci”

14:46 Politika

Përplasja me Gambinot/ Shqiptarët i imponohen mafias së Nju Jorkut!

14:04 Politika

Rama replikon me Blushin: Përgojues që mllefin e ka më të madh se turpin dhe gjuhën më të gjatë se shikimin

13:03 Politika

VIDEO/ Dy gafat e Kokëdhimës, që i heqin atij mandatin e deputetit

10:08 Politika