Pra, pavarësisht se ç’thonë aktorët kryesorë politikë e diplomatikë në Shqipëri, pavarësisht se ç’shkruhet në gazeta e ç’thuhet në studio televizive, reforma në drejtësi nuk ka gjasa të fillojë para zgjedhjeve të 2017-ës.

Rama do që ajo të miratohet e të fillojë sa më shpejt, në mënyrë që institucionet e reja, të parashikuara në draftin i reformës, të krijohen para zgjedhjeve, dhe që fillimi i negociatave për antarësimin në BE të fillojnë po para zgjedhjeve. Por duket se Rama nuk i ka 94 votat në Kuvend, për ta miratuar shpejt reformën.

Nga ana tjetër, Berisha do që institucionet e reja, të parashikuara në draftin i reformës, të krijohen pas zgjedhjeve dhe që negociatat për antarësimin në BE të fillojnë po pas zgjedhjeve. Dhe duket se Berisha i ka votat në Kuvend për ta vonuar miratimin e reformës, deri në zgjedhjet e 2017-ës. Janë mbi 40 nene kushtetuese që do të diskutohen një për një; janë 8 ligje që duhen miratuar pas miratimit të neneve kushtetuese (që ato të bëhen funksionale); dhe janë një sërë aktesh nënligjore që duhen hartuar pas tyre. Me pak fjalë, Berisha duket se e ka mundësinë për ta shtyrë fillimin e zbatimin të reformës deri sa të zhvillohen zgjedhjet.

Por përse mund ta dojë Berisha këtë gjë? Çfarë mund të ndryshojë pas zgjedhjeve, që e bën Berishën të dojë që institucionet e reja, të parashikuara në draftin i reformës në drejtësi, të krijohen pas zgjedhjeve?

Në zgjedhjet më të sukseshme të Berishës pas 1997-ës, koalicioni i partive që ai ka udhëhequr ka marrë gjithsej 700 mijë vota. Kjo ndodhi në 2009-ën, kur Berisha ishte një kryeministër i gjithfuqishëm dhe ekonomia shqiptare nuk e kishte filluar ende ngadalësimin e importuar nga kriza greke. Në zgjedhjet e 2013-ës, kur Berisha ishte përsëri në pushtet, koalicioni i tij mori vetëm 680 mijë vota. Ndërsa një sondazh i NDI-së i javëve të fundit tregoi se vetëm 300 mijë votues janë të kënaqur me punën e derisotme të opozitës së bashkëdrejtuar prej tij. Edhe kënaqësia për qeverinë nuk ishtë në nivele të larta, por numri i të kënaqurve me qeverinë ishte sa dyfishi (600 mijë) i të kënaquarve me opozitën.

Pra, çfarë shprese ka Berisha që synon ta shtyjë për pas zgjedhjeve krijimin e institucioneve reja, të parashikuara në draftin i reformës në drejtësi?

Në disa studio televizive ai ka deklaruar se nuk është për një koalicion parazgjedhor me LSI-në, por pas zgjedhjeve mbetet i hapur për një koalicion me të, në vartësi të rezultateve. E përkthyer në një shqipe të thjeshtë, ai duket se ka marrë sinjale nga Meta (ose i duket se i ka marrë ato), se ky i fundit do të krijojë një koalicion me parti të vogla, më vete nga koalicioni i Ramës. Në një rast të tillë, koalicioni i Ramës nuk i merr më dot 1 milionë votat – PS mori vetëm 710 mijë vota në 2013-ën dhe gjasat janë se do të ketë firo në numrin e partive të vogla të koalicionit apo në numrin e votave.

Nga ana tjetër, Berisha nuk duket i shqetësuar nga ndonjë parti e re që mund t’ia prishë këtë ekuacion që ka në mendje. Blushi vazhdon të bëjë turnera për librin e tij, ndërsa Bojaxhiu, që ka deklaruar se do të krijojë një parti të re, është bombarduar aq keq me akuza haluçinante nga dy televizionet më të mëdhej në vend, saqë tani i duhet vetëm të mbrohet, në vend që të ishte në sulm.

Me pak fjalë, Berisha pret që Meta të krijojë një koalicion më vete para zgjedhjeve, dhe që koalicioni i mpakur i Ramës të mos marrë dot aq mandate sa të krijojë qeverinë. E në atë çast, Berisha do të ishte gati t’i ofronte Metës edhe postin e kryeministrit, vetëm që Rama të dilte nga kryeministria, dhe që pastaj të dy të mbikqyrnin zbatimin e reformës në drejtësi. (Basha mund të presë edhe ca vite, se i ri është – mund të thotë Berisha).

Por çdo të bëjë Berisha, në qoftë se Meta rri në koalicionin me Ramën edhe për zgjedhjet e 2017-ës? Vetëm një Zot e di…

4 komente në “Përse do të fillojë zbatimi i reformës në drejtësi pas zgjedhjeve?”

Eduard says:

26 Maj, 2016 19:59 te 7:59 pm

Likja tall bythen me te dy,por me shume me Saliun. Nuk ka pse te beje eksperimente a fiton PS e veteme apo jo,kur e di qe te bashkuar kane shumice absolute. Saliu ka 1 vit qe nuk e sulmon se kujton se ka ndonje shprese,ndersa Meta rri i qete pa pasur asnje shqtesim. Kur Meta te zyrtarizoje koalicionin do ta shihni Saliun ju,mos kini merak.

Përgjigjjuni
Kedi says:

26 Maj, 2016 19:59 te 7:59 pm

LSI do qendroje me PS edhe 12 vjet te tjera bashke. 8 vjet Edi Kryeminister dhe 8 vjei Iliri. Deri atehere PD do jete vetem nje organizate opozitare

Përgjigjjuni
Vita e Nastes pe Kolkondasi says:

26 Maj, 2016 20:06 te 8:06 pm

Zoti Zaloshnja! Ju thoni, nese Meta qendron ne koalicion me Ramen, atehere se cdo te beje Berisha vetem nje zot e di. Po mire, si mendoni Ju, e ka te veshtire Berisha te pyes Mul Noken, per te marre nje pergjigje politikisht te sakte?

Përgjigjjuni
Analisti katunit says:

27 Maj, 2016 19:59 te 7:59 pm

Zaloshnja, ja skenaret nen tavoline:
Skenari 1: Nqs Meta nuk eshte qe i idhnuar me Ramen , sa thuhet e perflitet, dhe nese pas zgjedhjeve fituese te 2017 Rama bekon Meten si President si dhe nga kater , i jep gjshte a shtate ministri, koalicioni do te vazhdoje edhe 4 vitet e ardhshme.
Skenari2: Meta garon me vete plus koalicion me disa bishta -parti qe se bashku (partite e vogla) sjellin ne thesin e Metes rreth 100 000 mije vota, dhe bashke me PD krijon mazhorancen.Pd i jep postin e presidentit dhe nje oferte me bujare ne ekzekutiv , Meta i thote Rames bye bye, ik me Kocon per peshk ne Qeparo.!
Meta eshte King Maker dhe ka per te marre me shume deputete ne zgjedhjet e ardhshme.Pse? Sepse militantet i shperblen me poste dhe punesim ne administrate dhe se dyti, te gjithe e dine se Meta, si me PS, si me PD eshte ne qeverisjen permanente. Kjo perspektive krijon besim ke elektorati pragmatist dhe batakci. Gerryerja e elektoratit do vijoje si majtas ashtu dhe djathtas. Meta luan lojen dhe lekun , ME QETSI DHE DASHURI!

Përgjigjjuni