Basha: S'ka reformë, Rama kërkon të kapë politikisht kontrollin e gjyqtarëve

Kryetari i Partisë Demokratike, Lulzim Basha akuzon kryeministrin Edi Rama se kërkon të ketë nën kontroll politik procesin e kontrollit dhe vlerësimit të gjyqtarëve. Basha theksoi se Rama pranoi formulën e vendeve të rezervuara për KLGJ e KLP, por nga ana tjetër nuk bëri të njëjtën gjë për Komisionin e Kontrollit dhe Vlerësimit dhe atë të Apelimit. Sipas Bashës, kjo është tendencë për të pasur në dorë kontrollin e gjyqtarëve. “Rama kërkon të kapë politikisht këto dy organe të rëndësishme në këtë proces”, tha Basha.

Sipas Bashës Partia Demokratike e ka pranuar këtë parim për Këshillin e Lartë të Gjyqësorit dhe atë të Prokurorisë, por Rama duhet të pranojë edhe pjesën tjetër të atyre që ka propozuar Venecia dhe më pas të ulen dhe të miratojnë draftin e reformës në Drejtësi.

“Sot, pas insistimit tonë parimor përkundër presioneve të jashtëzakonshme dhe të paparimta, kemi një lajm të mirë: Edi Rama pranoi sot parimin e konstatuar në opinionin final të Komisionit të Venecias, në rekomandimin numër 88, atë që njihet si modeli i vendeve të rezervuara.

Pranon parimin, por nuk dëshiron ta aplikojë atë siç rekomandon Komisioni i Venecias në katër institucionet e reja të sistemit të drejtësisë, por në vetëm dy prej tyre. Dëshiron ta aplikojë në KLGJ dhe KLP, me të cilën ne kemi rënë dakord që prej muajit shkurt.

Më 17 shkurt, Partia Demokratike pas sugjerimit të OPDAT dhe EURALIUS, përzgjodhi modelet e vendeve të rezervuara për këto dy institucione  vendimmarrëse. Komisioni i Venecias kërkoi zbatimin e këtij parimi edhe për dy institucione të tjera, Komisionin e Posaçëm të Verifikimit dhe Komisionin e Apelimit”, tha Basha.  Ai deklaroi se moskapja politike nuk është thjesht kusht i të djathtës por vetë reforma.

Duke i kthyer përgjigje kryeministrit, Basha tha se me kapje politike nuk mund të ketë reformë. “Palët ndahen në një pikë, mënyrën e përzgjedhjes së institucioneve të reja vendimarrëse dhe kontrolluese. PD nuk ka asnjë interes përvec asaj që jam zotuar para shqiptarëve, moskapja politike nuk është thjesht kusht por vetë reforma. Me kapje politike nuk ka reformë. Sot pas presioneve për të qendruar në parimet e Venecias, kemi një lajm të mirë, Rama pranoi parimin si model i vendeve të rezervuara, pranoi parimin por nuk do ta zbatojë në 4 institucione, por vetëm në dy KLGJ dhe KLP për të cilat kemi rënë dakord që në shkurt. Por, po kaq të rëndësishëm e konsideron Venecia edhe komisionin e Posaçëm të Verifikimit dhe të Apelimit”. Basha tha se kryeministri Rama ka pranuar parimin për dy organe, por jo për dy të tjera.

“Rama pranoi parimin, por vetëm për dy, për dy të tjerat jo. Kjo sepse dy organet e tjera do të ndajnë shapin nga sheqeri. Do të largojnë nga sistemi gjyqtarët e korruptuar, dhe jo ata që i shërbejnë Ramës. As Rama e as Basha nuk duhet të kenë dorën e përzgjedhjes në këto organe. Se ndryshe nga dalin të korruptuar gjyqtarët që gjykojnë përgjimet. Nuk duam që në këtë sistem të vendoset, Bylykbashi, Halimi, Ivi kaso, por s’mund të lejojmë që pala tjetër të vendosë Subashin, Xhafën, Majkon. Duhet një sistem i pastër vettigu për kandidatët që do të propozohen. Rama pranoi se ishte ai dhe vetëm ai pengesa për një sistem që ndëshkon korrupsionin në nivele të larta. Tregoi se nuk heq dorë nga kapja politike e këtyre 2 organeve të rëndësishme për këtë proces. Opozita kurrë nuk ka kërkuar 2/3, pasi me mekanizmin zhbllokues do të thoshte kapjen e drejtësisë. Armiku më i madh i drejtësisë është kapja politike. Modeli i vendeve të rezervuara është rruga e konsensusit politik mes palëve. Mbi këtë parim nuk ka e nuk mund të ketë cedim, jemi dakord që bashkë me palën tjetër të vendosim një palë për selektimin e figurave”, tha Basha.

Kreu i opozitës është shprehur se PD i qëndron rekomandimeve të Komisionit të Venecias.

“Qëndrimi i kryeministrit është i papërgjegjshëm fëminor. Këtu nuk bëhet fjalë as për fitoren e PS, as të PD. Kjo tregon sesi e sheh ai procesin e reformës. Kemi angazhuar ekspertët më të mirë të PD për këtë proces. Janë 38 fitore, dhe kush e thotë këtë, Komisioni i Venecias, 38 herë është rrëzuar mazhoranca, dhe i është dhënë të drejtë opozitës. Është vënë nën akuzë për kërcënim të gjyqësorit e nuk pranon të hetohet, një ministër. U thonë gjyqtarëve ‘killer’ se hetojnë aferat e tyre. Por PD nuk i ka braktisur por i ka fituar betejat e hapura. Drafti ka ardhur këtu ku është jo me dëshirën e Ramës, por me pahir, pasi ne me Komisionin e Venecias, rezonuam në pikat e rëndësishme për moskapjen politike të sistemit”, shtoi Basha.

Ministri i Mbrojtjes Mimi Kodheli do të marrë pjesë në punimet e Ministerialit të Mbrojtjes në Bruksel

15:50 Politika

Tre formulat e negociatave PD-PS

16:30 Politika

Reforma në drejtësi, aksion në të gjitha frontet

15:51 Politika

Reforma në drejtësi, Rama: Ofertë për PD, nëse do e refuzojë, do ta votojmë vetëm

14:57 Politika

Xhafaj: Nesër drafti për reformën në drejtësi në komision, e miratojmë ne ose populli

14:15 Politika

Kryeministri Rama, pas Metës pret në zyrë ambasadorët Lu e Vlahutin

14:08 Politika

Kërkesa e PD për ‘Drejtësinë’, Vasili: Ka mundësi për zgjidhje

14:00 Politika

Fatmir Mediu iu bën moral gjermanëve, për krimin dhe korrupsionin!

12:09 Politika

Futboll në radio

11:42 Politika

Deputetët shqiptarë, me çarter drejt Francës për Europianin

10:30 Politika