Te fundit
Kristiano Ronaldo "dënon" Portugalinë
18 Qershor 2016, 23:04Sport
TEMA
Nuk ka fitues në sfidën e dytë të grupit F, mes Portugalisë dhe Austrisë e zhvilluar në Paris në stadiumin “Parc des Princes”.
Barazimi i dytë për portugezët të cilët janë duke zhvilluar një europian larg pritshmërive. Edhe pse kanë në gjirin e tyre një nga futbollistët më të mirë në botë si Kristiano Ronaldo, sërish Luzitanët nuk e kanë shijur fitoren e parë në “Euro 2016”, ku në dy ndeshje kanë marrë dy barazime.
Një 90-minutësh i luftuar u zhvillua mes Portugalisë dhe Austrisë ku rastet për shënim nuk munguan. Luis Nani ishte më i rrezikshmi për portugezët i cili humbi dy raste në pjesën e parë, një herë i vetëm përballë portierit dhe shtylla e ndali sulmuesin portugez ti jepte epërsinë ekipit të tij.
Në pjesën e dytë Portugalia u hodh e gjitha në sulm për të gjetur golin por e kishte mjaft të vështirë përballë një mbrojtje shumë të fortë si ajo e Austrisë.
Por në minutën e 79-të Kristiano Ronaldo kishte mundësinë më të mirë për ti dhënë tre pikë kombëtares së tij, ku nga pika e bardhë e 11-metërisht nuk goditi saktë.
Pas këtij barazimi Portugalia komplikon shanset për të kaluar në fazën tjetër pasi ndeshjen e ardhshme do ta ketë përballë Hungarisë e cila ndodhet në vëndin e parë
Lini një Përgjigje
Më të lexuarat
24 oret e fundit
Javen e fundit
Blog Tema
