Këshilli Drejtues i Magjistraturës: Distancohemi nga procedura e emërimit të 9 magjistratëve, jotransparente dhe në kundërshtim me ligjin

Këshilli Drejtuesi i Shkollës së Magjistraturës ka deklaruar me anë të një letre publike se është kundër procedurës së emërimit të 9 magjistratëve. Sipas tyre ky emërim është bërë në mënyrë jotransparente dhe në kundërshtim të plotë me ligjin nr.8163 të datës 31 korrik 1996 “Për Shkollën e Magjistraturës së Republikës së Shqipërisë”.

Deklarata e plotë e tyre:

Këshilli Drejtues i Shkollës së Magjistraturës i thirrur sot më datë 24.06.2016 në një mbledhje të jashtëzakonshme dëshiron të informojë opinionin publik, median, institucionet kombëtare dhe ndërkombëtare se distancohet nga procedura e emërimit nga Këshilli i Lartë i Drejtësisë me short, i 9 magjistratëve (profili gjyqtar), të cilët kanë përfunduar studimet në periudhën 2013-2015.

Procedura jo transparente e ndjekur për këtë rast nga Këshilli i Lartë i Drejtësisë, është në kundërshtim të plotë me Ligjin Nr. 8136, datë  31.07.1996 “Për Shkollën e Magjistraturës së Republikës së Shqipërisë” (i ndryshuar). Në nenin 20 të këtij ligji parashikohet: “Drejtoria e shkollës i dërgon Presidentit të Republikës të dhënat e procesit të vlerësimit për të bërë emërimin përfundimtar të tyre në vendet vakante, në përputhje me shkallën e vlerësimit të tyre nga shkolla, pas propozimeve të bëra, përkatësisht, nga Këshilli i Lartë i Drejtësisë për gjyqtarët dhe nga Prokurori i Përgjithshëm për prokurorët”.

Ky vlerësim i magjistratëve ka dy komponentë të rëndësishëm: 1) vlerësimin narrativ, me pesë shkallë: shkëlqyeshëm, shumë mirë, mirë, mjaftueshëm dhe pamjaftueshëm dhe 2) vlerësimin me pikë, që jep sasinë e pikëve të grumbulluara për çdo magjistrat në çdo lëndë apo element të trajnimit fillestar në tre vjet. Për renditjen nuk mund të merret komponenti i parë dhe të neglizhohet komponenti i dytë, sepse në këtë mënyrë vlerësimi nuk është i plotë dhe nuk është i saktë. Nuk ka shkollë pa proces vlerësimi, nuk ka shkollë pa nota, pa pikë e pa diploma. Në të kundërt, shkolla kthehet në një kurs, thjesht me certifikim pjesëmarrje.

Argumenti i përdorur se magjistratët kanë të njëjtin vlerësim nuk qëndron. Në listën e magjistratëve të dërguar Shkolla e Magjistraturës dhe të analizuar nga Këshilli i Lartë i Drejtësisë, të nëntë magjistratët kanë rezultate të ndryshme me pikë. Diferenca midis vendit të parë dhe vendit të fundit është mbi 250 pikë.

Standardi ligjor i këtij procesi synon që emërimi i gjyqtarëve dhe prokurorëve të arrihet nëpërmjet një procesi meritokracie ku renditja në rezultatet e tri viteve nuk është  një vlerësim i mbyllur i Shkollës së Magjistraturës, por i shumë aktorëve të sistemit të drejtësisë.

Për herë të parë në historinë e krijimit dhe funksionimit të Shkollës së Magjistraturës, procedura e emërimit sipas meritokracisë, nuk zbatohet nga Presidenti i Republikës dhe Këshilli i Lartë i Drejtësisë, duke vënë në këtë mënyrë në dyshim integritetin e vetë Shkollës. Kjo vendimmarrje njëkohësisht demotivon magjistratët për shkak se shmang konkurrencën dhe ul cilësinë e përgatitjes së tyre, duke e lë procesin në fatin e një shorti të paparashikuar me ligj.

Shkolla e Magjistraturës, gjithë brezat e magjistratëve në vite, magjistratët e diplomuar në brezin e fundit  dhe brezat që do të vijnë përballen me një sjellje institucionale të paligjshme në momentin kur kërkohet  reformimi i drejtësisë drejt ndershmërisë, meritokracisë dhe profesionalizmit. Edhe këtë radhë opinion publik përballet me shkeljen dhe deformimin e shtetit ligjor.

Gjithashtu, Këshilli Drejtues vlerëson me shqetësim se veprimet e fundit të KLD-së, si:

vënë në dyshim misionin e Shkollës së Magjistraturës, për formimin e gjyqtarëve dhe të prokurorëve me integritet, aftësi dhe cilësi të larta profesionale dhe etike, me qëllim rritjen e cilësisë në dhënien e drejtësisë.

Këshilli Drejtues i Shkollës së Magjistraturës u mblodh sot në një mbledhje të jashtëzakonshme duke trajtuar këtë cështje me shpresën që Këshilli i Lartë i Drejtësisë, pas reagimit të drejtë të magjistratëve do të gjente kurajon të vetëkorrigjohej e të mos zbardhte një vendim të paligjshëm dhe të padrejtë, dhe Presidenti i Republikës të mos dekretonte emërimeve të bëra me short.

Me këtë dekretim u vendos që të mos zbatohet ligji, të cënohen interesat e magjistratëve, të shkelet parimi i meritokracisë në emërim dhe të goditen themelet e sistemit të drejtësisë dhe roli i Shkollës së Magjistraturës në përgatitjen e magjistratëve cilësorë.

Greva e pazakontë në burgun e Drenovës: Bëni reformën në drejtësi!

14:20 Kronika

Akuzoi ministrin Beqja se abuzoi me 31 milionë euro, çudit gjykata: Basha nuk ka shpifur

13:42 Kronika

Magjistratët padi Nishanit e KLD, Presidenti i emëron gjyqtarë në rrethe

13:31 Kronika

Reforma në drejtësi: Grupi i parë i prokurorëve dhe gjyqtarëve do ta ketë pagën 1500 euro

10:52 Kronika

Kthehet nga Afganistani kontingjenti 3-të Paqeruajtës “Resolute Support Mission”

16:26 Kronika

Tiranë/ Nxënësi futet në provim, mësuesi i grabit smartfonin 700 euro

14:56 Kronika

Gjykata e lë në burg, Anjeza: Babi jam mirë. I ati: Bravo, qëndro e fortë. Fyen policin: Ik ore p...

12:51 Kronika

Marinari egjiptian, ilaç gjumi në ushqim kolegëve që mori peng, u zgjuan të lidhur me zinxhirë

12:21 Kronika

VIDEO/ Babai i Anjeza Shabanit përplaset me gazetarin: Ik mos më çaj k….

11:42 Kronika

Anjeza Shabani në gjykatë: Babi, jam mirë. I ati: Bravo, e fortë të bëhesh

11:28 Kronika