“Lumë” ofertash për Sadikun, sulmuesi peng i Zurich

Pas paraqitjeve fantastike me Vaduzin në Superligën zvicerane dhe me Kombëtaren shqiptare në Kampionatin Europian, Armando Sadiku ka tërhequr vëmendjen e klubeve nga ligat më të rëndësishme në kontinent.

Por, Dino Lamberti, menaxheri i sulmuesit shqiptar, konfirmoi për mediat zvicerane se kuqeziu është praktikisht peng i klubit të Zurich. Sadiku nuk preferon të kthehet për të luajtur te skuadra që në merkaton e janarit e largoi si të panevojshëm, për më tepër në Kategorinë e Dytë zvicerane.

Megjithatë, me rritjen e interesit për Sadikun, drejtuesit e Zurich vazhdojnë të kërkojnë shifra të larta për kartonin e shqiptarit. Pasi e përcaktuan fillimisht çmimin në 7,5 milionë euro, tashmë pretendimi është rritur në 8,7 milionë euro, ose e thënë ndryshe 9,5 milionë franga zvicerane.

Mexhaneri Lamberti tha se po diskuton me klubin për të gjetur një zgjidhje që i kënaq të gjitha palët, megjithatë shifra e pretenduar për golashënuesin e Shqipërisë në fitoren historike në Kampionatin Europian është jashtë çdo logjike, duke treguar se Zurich nuk dëshiron ta largojë.

Vetëm ulja e pretendimeve financiare nga klubi mund të bëjë që sulmuesi të vazhdojë karrierën larg Zvicrës, me ofertat nga Premier League angleze, Bundesliga gjermane dhe Seria A italiane që nuk kanë munguar.

Menaxheri zbuloi gjithashtu se nga Superliga turke janë gati të paguajnë 2 milionë euro për futbollistin kuqezi, pa zbuluar emrin e skuadrës. E ndërsa Sadiku vazhdon pushimet e merituara pas Euro 2016, merkato rreth tij pritet të jetë mjaft e nxehtë deri në fundin e kësaj vere./ SS

“Bild” liston shtatë arsyet e kualifikimit të Gjermanisë

18:52 Sport

Tomas Muller i shpall luftë Italisë: Këtë radhë nuk do qajmë ne

18:14 Sport

Bale: Ndaj Belgjikës sfida më e rëndësishme e historisë së futbollit tonë

17:48 Sport

Italia, 12 arsye për të besuar te suksesi kundër Gjermanisë

16:25 Sport

I dinit çudirat e Islandës? Më shumë vullkane se futbollistë profesionistë…

16:12 Sport

Letra prekëse e një mësueseje që ka shpërthyer rrjetin: Mos u dorëzo Leo

10:02 Sport

Dentisti-trajner i Islandës, që i “shkuli” dhëmbët Anglisë

20:57 Sport

Efekti i Europianit, shiten mbi 65 mijë fanella të kombëtares (edhe pse çmimet janë super të shtrenjta)

20:24 Sport

Përballja me Diegon dhe mallkimi i numrit 10

16:40 Sport

De Biasi: Shqipëria në Euro 2016, kulmi i karrierës time. Mëkat që s'shkuam më tej, kishim pikë sa Portugalia e Ronaldos

13:33 Sport