Te fundit
Rama i LSI akuza Tahirit: Grabitja e bankës papërgjegjshmëri, të lihen karshillëqet dhe të mbahet përgjegjësi
10 Gusht 2016, 09:34Politika
TEMA
Situata e sigurisë në vend nuk ka qenë në nivelet e pritura dhe kjo konfirmohet nga grabitjet e shumta që janë shtuar së fundi.
Pas grabitjes së Rinasit pak javë më parë, kur u vodhën në mes të ditës rreth një milionë euro, dy ditë më parë në mes të Tiranës u konfirmua vjedhja edhe e 200 mijë eurove nga kasaforta e një banke në zonën e ish-bllokut.
Ashtu si në rastin e grabitjes në Rinas, edhe këtë herë autorët kanë arritur t’ia hedhin paq, duke i shpëtuar policisë. Pikërisht për këtë ka reaguar deputeti i Lëvizjes Socialiste për Integrim, Luan Rama.
Në një reagim për “Sot” Sekretari i Përgjithshëm i LSI, thotë se përgjegjësia për vjedhjet është mbi Ministrinë e Brendshme dhe Policinë e Shtetit, të cilave u kërkon që të jenë më të përgjegjshme në punën e tyre, duke i ftuar të bëjnë një analizë të menjëhershme mbi situatën e sigurisë së vendit.
“Ngjarjet e tilla të shtuara nuk mund të mbulohen me statistika apo ndonjëherë edhe me konferenca shtypi.
Ministria e Brendshme, Policia e Shtetit kushdo tjetër që ka detyrime ndaj sigurisë kombëtare duhet të mbajnë përgjegjësi, duhet të bashkëpunojnë e t’i lënë karshillëqet dhe lojërat e fjalëve”, thotë deputetit i LSI, Luan Rama, i cili disa vite më parë ka qenë ministër i Brendshëm.
Në fakt LSI ka mbajtur qëndrim të njëjtë edhe në rastin e grabitjes së Rinasit, ku në mes të ditës u grabitën një milionë euro.
“Mbrojtja e rendit dhe e sigurisë publike janë detyrë kushtetuese e Ministrisë së Brendshme dhe më drejtpërdrejtë e Policisë së Shtetit. Policia e Shtetit është përgjegjëse për garantimin e rendit dhe të sigurisë në të gjithë territorin e Republikës së Shqipërisë.
Fakti që kanë ndodhur grabitje të rënda në një hark të shkurtër kohor, theksoj atë të Rinasit, e cila ishte në përmasat e një skandali, tregon se institucionet përkatëse nuk e kanë bërë si duhet punën e tyre dhe se duhet të reflektojnë.
Mund të konsiderohet edhe si një papërgjegjshmëri në përmbushjen e detyrimeve të sigurisë së vendit”, thotë Luan Rama.
Deputeti i LSI-së insiston se është shumë e rëndësishme që përgjegjësit të nxirren para drejtësisë dhe institucionet përkatëse të nxjerrin përgjegjësitë e tyre.
“Unë mendoj se pas një ngjarjeje të fundit, pas sfidës që banditët i bënë shtetit dhe tërësisë së institucioneve të sigurisë në veçanti, duke vjedhur ditën për diell, si rasti i Rinasit, është e rëndësishme një analizë serioze, e përgjegjshme dhe e detajuar për çdo institucion.
Për të nxjerrë përgjegjësitë dhe për të marrë masat e nevojshme”, theksoi Rama në një prononcim për gazetën.
10 komente në “Rama i LSI akuza Tahirit: Grabitja e bankës papërgjegjshmëri, të lihen karshillëqet dhe të mbahet përgjegjësi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky eshte i fort se i mbulonte punet e veta tu raf gazetaret kur ishte minister i brendeshem.
Ai mbase e ka kujtesen te dobet, por gazetaret e mbajn mend pse u largua Rama nga minister i brendeshem.
Do te vije shpejt rradha e pergjegjesise.Ka mundesi qe banditet e Bankave te jene te lidhur me skalionet e LSI .E kane vertetuar se jane specialiste te grabitjeve,narkotikeve,shperdorimit te pushtetit,xhvatjes se Tenderave etj.etj.
Nje karte e djegur si ish socialist, sot lsi-ist, qe kur ish minister ne pushtetin e PS la nam me budalliqet e tije dhe me skamdalet ne sekretatret e ministris. LSi nje parti prostitute, pa parime por vetem per te perfituar ne kurriz te pushtetit duke vjedhur taksapaguesit shqiptare.
Delirant nga keta te lsi mendon qe te behet ndonjehere dicka por kot lodhet. Nje person pa pike integriteti , denglaxhi dhe shume i korruptuar. Tamam per LSI .
Njerez, ai ka shprehur opinionin e tij per dicka. Komenti behet per te argumentuar a KA te drejte ky zoteria apo Jo. Jeni te kenaqur me rendin, votojini prape, nqs deri atehere nuk ka vdekur ministri i brendshem nga overdosa. Kaq e thjeshte eshte.
Po more qykapik i PDse qe mezi pret sa te prishet PS-ja me LSI-ne qe te vine kriminelet e PDse prape ne pushtet. PDja dhe LSIja kane mbledhur kriminele dhe hajdute te babezitur qe nuk u ngopen per gati 30-vjet qe mos ngopshin deri ne plasje.
Policia sot patjeter qe nuk eshte perfekte por niveli profesional qe kane policet sot as qe krahasohet me kohen e policave barkderra dhe kusare te Saliut the Luan-esha Rames.
Problemi qe kemi sot eshte qe Policia i arreston kusaret ndersa prokuroret dhe gjykatesit e Saliut dhe te Metes i lirojne dhe riciklojne ata.
Zogu!
Po skeni ju fytyre te akuzoni Saimirin:
Ju as qe i afroheni dot ne pune atije, por thuaj likes dhe ndonje butheqiri rreth tije ta lere Saimirin te beje punen!
Kritikat jane me vend, por a ka cinizem ne keto kritika? Une mendoj se ka cinizem, dhe me mendimin tim besoj se jane shume komentues. Po te ishte bere reforma e drejtesise para 10 viteve LSI-ja nuk do egzistonte si parti. Nese reforma do ta kryej detyren siç duhet ka gjasa qe munde te shkaterrohet si parti, LSI-ja.
Dava langaraqi.
O SHOKE SHTOJINI DHE VJEDHJET E KUTIVE TE VOTIMEVE 2001 NE BURREL HAJDE LUAN HAJDE edhe ti si kryetari luajal dhe i ndercem ha ha ha