Te fundit
Pse na urrejnë?!
16 Gusht 2016, 16:07Politika
TEMA
Pandeli Majko ka publikuar një fotografi të Arbën Xhaferrit, mbi të cilën ka një mesazh domethënës.
“Një popull që humb besimin te të gjithë autoritetet, siç ndodh me shqiptarët, e vë në dyshim qënien e vet, humb vetbesimin, rezistencën ndaj asimilimit, kështu që përbuzja e vetvetes shoqërohet me adhurimin e tjetrit…”.
Majko e ka përzgjedhur këtë mesazh në përvjetorin e katërt të ndarjes nga jeta të Arben Xhaferrit. Me sa duket Majko ka nisur ta ndjejë pëbuzjen e popullit për udhëheqësit dhe e përcjell mesazhin përmes rrjeteve sociale.
Ky mesazh i Arbën Xhaferrit është dhënë në kohë e kushte të tjera të cilat nuk mund të krahasohen me ato të Shqipërisë së sotme.
Por Majko ka shumë të drejtë që është shqetësuar sepse populli shqiptar nuk i do udhëheqësit e vet, pjesë e të cilëve është edhe vetë Majko.
Pyetja e parë që Majko dhe gjithë elita politike ku ai bën pjesë, është “pse na urren populli ynë?!”. Ndoshta ata e dinë mirë përgjigjen…
Përgjigja është shumë e thjeshtë dhe s’ka nevojë të zgjatemi. Sepse elita politike në Shqipëri e ka sunduar dhe jo qeverisur, popullin e vet.
Për të konkretizuar mesazhin e Majkos po i refereohemi marrëdhënieve speciale që krijoi ambasadori amerikan me shqiptarët gjatë debatit për reformën në drejtësi.
Ndoshta ky është meraku i Majkos e i të tjerëve kur marrin atë pjesë të mesazhit të Xhaferrit, “përbuzja e vetvetes shoqërohet me adhurimin e tjetrit”.
Në rastin e Xhaferrit ishte fjala për Maqedonasit që kërkonin asimilimin e shqiptarëve në trojet e tyre në Maqedoni ndërsa në rastin e Lu, është fjala për një diplomat që e ka bërë kaline tij të betejës, garantimin e të drejtave të shqiptarëve përmes reformimit të sistemit të drejtësisë.
Lu, është “tjetri” që shumica e shqiptarëve e duan për aq kohë sa ai është angazhuar në miratimin e reformës në drejtësi, atje ku duket se elita politike do të ketë shumë probleme.
Besimi i shqiptarëve tek Lu dhe SHBA ka ardhur në rritje me të njejtat ritme të rënies së besimit tek elita shqiptare. Shqiptarët e kanë humbur krejtësisht besimin tek udhëheqja e tyre, duke përjashtuar një përqindje të vogël militantësh të cilët lidhen në interesa klienteliste me liderët e tyre.
Pjesa më e madhe e shqiptarëve nuk e duan madje e urrejnë elitën udhëheqëse sepse kaluan 25 vite duke zgjedhur të keqen më të vogël dhe kjo e keqe sa vjen e bëhët më e keqe, aq e keqe sa nuk durohet më.
Ndërsa Pandeli Majko dhe të ngjashmit e tij nuk mund ta përdorin atë mesazh por të reflektojnë mbi pyetjen: Pse na urrejnë?! /27.al
2 komente në “Pse na urrejnë?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
analiza gjysmake nihiliste qe me shume i shkon per shtat atyre qe se duan shqiperine e shqipetaret sigurisht qe politikanet kane s hume gjynahe por te thuash se at a qe i mbeshtesin jane pak e interesaxhinj e shte genjeshter se ne zgjedhje do votonin shume pak por nuk e shte keshtu referohu zgjedhjeve.shqipetaret besojne ne ideale ne nje te ardhme me te mire prandaj dhe besojne tek politika si koncept une Jam punetor e besoj ne te ardhmen me te mire dhe ajo vjen me pune me pune e sakrifice asgje e mire nuk arrihet pa mund duhet luftuar ne te gjitha frontet
Pse te mos e urresh Sali Berishen dhe qeverine e tij te zeze,qe i punoi qindin ketij vendi e ketij populli,sa e varferoi aq shume sa nuk mund te rregullohte dote me.Edhe pse u zgjodhe nje qeveri me deshire te plote nga populli,Sali Berisha me banden e tij mafioze brenda pd-ke, po i ve drunj nen rrota punes se qeverise se soteme.Prandaj nuk kemi besim.Perfundimin e reformes ne drejtesi mezi po e presim,qe te vere ne pranga hajdutet e djathe e te majte se bashku.