Shefi i Policisë i akuzuar për drogë nga PD e Alibeaj, lidhje të forta me eksponentë të PD-së (dhe një sqarim i policisë)

Partia Demokratike në një konferencë për shtyp denoncoi sot Shefin i Policisë së Korçës në seksionin e Trafiqeve, Nardi Neli, duke e akuzuar si person të dënuar për lidhje me trafikun e drogës.

Kreu i Departamentit të Rendit dhe Sigurisë në Partinë Demokratike, Enkeleid Alibeaj në daljen e tij publike tha se “Një kryeministër dhe një qeveri që kërkon të luftojë drogën dhe trafiqet, cakton në pozicionet kyçe të kësaj beteje, njerëz me integritet, profesionistë të paimplikuar, pa precedentë.

Shihni çfarë bën Edi Rama.

Ka caktuar në Policinë e Korçës si shef të seksionit të trafiqeve, një person të dënuar pak muaj më parë nga gjykata e krimeve të rënda, saktësisht me 13 prill të këtij viti, pikërisht për bashkëpunim me trafikantët e drogës.

Nardi Neli, është dënuar nga gjykata e shkallës së parë të krimeve të rënda, dhe kjo gjykatë ka kërkuar që ky oficer të mos ushtrojë veprimtari publike për 3 vite”, theksoi Enkelejd Alibeaj.

Por nga një kërkim i thjeshtë i Citynews dalin në dritë foto ku Neli shfaqet me eksponentë të PD-së.

Me rreth të kuq është Neli dhe me rreth blu sekretari i degës të PD-së në Kolonjë, Dhimitër Pina.

Fotoja është publikuar në datën 25 korrik nga të dy miqtë në rrjetet sociale.

Miqësia dhe shoqëria duket të jenë të mëdha në një tavolinë edhe me persona të tjerë.

Deklarata e policisë

Lidhur me deklaratën e bërë nga Partia Demokratike se në policinë e Korçës është emëruar një oficer i dënuar, sqarojmë se:

Komisar Nardi Neli është emëruar në detyrën Shef Sektori në Sektorin Kundër Trafiqeve dhe Narkotikëve në Drejtorinë e Policisë Vendore Korçë, datë 05.12.2012 dhe në muajin Prill të vitit 2013 është emëruar Shef Seksioni Kundër Trafiqeve po në këtë Sektor.

Policia e Korçës me të marrë djeni se ndaj këtij oficeri, Prokuroria kishte nisur procedim penal ka bërë menjëherë pezullimin e tij nga detyra.

Ndërko Drejtoria e Policisë së Shtetit i ka kërkuar me shkresë disa herë Prokurorisë pranë Gjykatës së Shkallës së Parë për Krimet e Rënda Tiranë që të sjellin vendimin e dënimit dhe deri sot nuk kemi marrë asnjë përgjigje.

Më poshtë keni informacionin e plotë për Komisar Nardi Neli

Komisar Nardi Neli është emruar në detyrën shef Sektori në Sektorin kundër trafiqeve dhe narkotikëve në Drejtorinë e Policisë Vendore Korçë, me urdhër nr. 115/1 datë 05.12.2012. Me urdhër nr. 990 datë 29.03.2013, është emruar Shef seksioni ai dhe specialist në Seksionin kundër trafiqeve të paligjshme në Drejtorinë e Policisë Vendore Korçë.

Gjykata e Shkallës së Parë për Krimet e Rënda Tiranë me shkresën nr. 124 datë 14.07.2015 i ka kërkuar komisariatit të Policisë Korçë ndejkjen e procedurës së kërkimit ndaj disa shtetasve: “Për trafik të paligjshëm të lëndëve narkotike”, ndërsa për punonjësin e policisë Nardi Neli për veprën penale “Zbulimi i akteve apo të dhënave sekrete”.

Mbi bazën e kësaj shkrese të Gjykatës së Shkallës së Parë për Krimet e Rënda Tiranë, Drejtoria e Policisë së Shtetit me aktin administrative nr. 682 datë 16.07.2015 ka filluar ecurinë disiplinore ndaj punonjësit të policisë Nardi Neli.

Më datë 30.07.2015, Drejtoria e Policisë së Shtetit, me shkresën nr. 1008/1, i ka kërkuar Prokurorisë pranë Gjykatës së Shkallës së Parë për Krimet e Rënda Tiranë informacion mbi ecurinë e procedimit penal në ngarkim të punonjësit të policisë Nardi Neli.

Me shkresën nr. 1857/1 datë 28.09.2015, Prokuroria pranë Gjykatës së Shkallës së Parë për Krimet e Rënda Tiranë, i kthen përgjigje Policisë së Shtetit se aktet e këtij procedimi penal janë dërguar për gjykim në Gjykatës së Shkallës së Parë për Krimet e Rënda Tiranë.

Më datë 07.10.2015, me shkresën nr. 1008/6, Drejtoria e Policisë së Shtetit i ka kërkuar Prokurorisë pranë Gjykatës së Shkallës së Parë për Krimet e Rënda Tiranë, informacion më të detajuar mbi mënyrën e përfundimit të procedimit penal në ngarkim të punonjësit të policisë Nardi Neli.

Më datë 20.10.2015, me shkresën nr. 1008/7, Drejtoria e Standarteve Profesionale pranë Drejtorisë së Policisë së Shtetit ka bërë pezullimin e hetimit disiplinor në ngarkim të punonjësit të policisë Nardi Neli, bazuar në nenin 225, pika a të Rregullores së Policisë së Shtetit, miratuar me Vendim të KM nr. 750 datë 16.09.2015.

Theksojmë se deri tani nuk është kthyer asnjë përgjigje nga ana e Prokurorisë pranë Gjykatës të Shkallës së Parë për Krimet e Rënda Tiranë mbi përfundimin e procedimit penal në ngarkim të punonjësit të policisë Nardi Neli.

Në këto kushte, bazuar në kërkesat e nenit 4 dhe 462 e vijues të Kodit të Procedurës Penale si dhe të nenit 225, pika a të Rregullores së Policisë së Shtetit, Policia e Shtetit nuk mund të procedojë për përjashtimin nga polica të punonjësit të policisë Nardi Neli, pa një vendim gjyqësor të formës së prerë dhe lëshimin e urdhërit të ekzekutimit nga ana e organit të prokurorisë.

Politikë dhe futboll: Ç’fsheh para zgjedhjeve afrimi i miliarderit Selim Rusi në Dibër?!

12:49 Politika

PD: Vrasjet e fundit, për pazare droge. Rama kërkon t’i mbulojë

12:09 Politika

Amerika po mposht “Demin” e korrupsionit, shqiptarët ende s’janë të bindur

11:50 Politika

Bujar Nishani: Ja pse nuk mund ti zgjedh anëtarët e KED

11:23 Politika

FOTOT/ Replika e Ramës: Komentuesve që thonë pse qendrat e qyteteve?

10:54 Politika

Ish-kreu i PD-së në Dibër iu përgjigjet akuzave të Zenit se ka marrë 200 mijë euro

10:01 Politika

Zbardhen tre letrat e 65-vjeçarit, ja pse e mbyti të dashurën e vet 29-vjeçare

09:28 Politika

Rama, kënaqësia e habitshme e të pasurit të gjithë kundër

09:13 Politika

Artur Zheji më në fund pranon dhe shpjegon pse i pëlqen arroganca e Edi Ramës

23:58 Politika

“Koha Jonë”: Ky është gushti i fundit i Metës me Ramën, PS-në e pret një opozitë e gjatë

21:39 Politika 1 koment