Zyrtari i DASH: Islami radikal nuk është pjesë e kulturës shqiptare

Për zgjidhjen e problemit të radikalizimit fetar, Kosova dhe vendet e Ballkanit duhet të ndihmohen në rrugën e integrimit në Evropë, thotë zyrtari i Departamentit të Shtetit, Daniel Fried. Në një intervistë për shërbimin gjeorgjian të Zërit të Amerikës, zoti Fried tha gjithashtu se Kosova duhet të nxisë dhe kultivojë traditat e saj të tolerancës dhe të mos ndikohet nga forcat e jashtme.

Zgjidhja e problemit të radikalizimi fetar në Ballkan është integrimi i vendeve të rajonit në Evropë, thotë zyrtari i Departamentit të Shtetit Daniel Fried. Koordinatori për Politikat e Sanksioneve dhe ish Ndihmës Sekretari i Shtetit për Evropën dhe Euroazinë, thotë se qeveritë e vendeve të rajonit duhet të inkurajojnë institucionet fetare vendase të cilat janë të njohura për tolerancën e tyre.

“Ekstremizmi dhe islami radikal në fakt nuk janë pjesë e kulturës boshnjake ose asaj shqiptare. Ato janë importuar. Qeveritë në rajon duhet të ndihmojnë tradidat e tyre islamike që janë shumë më tolerante. Kjo është një përpjekje e vështirë.”

Zoti Fried tha se edhe pse Kosova është një vend e ri me institucione jo shumë të forta, ajo është në një pozitë më të mirë për ta luftuar radikalizmin se sa në kohën kur ishte nën menaxhimin jo-funksional të OKB-së.

“Nëse Kosova nuk do të ishte e pavarur. Nëse ende do të ishte nën menaxhimin jo-funksional të OKB-së, problemi i radikalizimit do të ishte më i madh. Por, pasi Kosova është vend i pavaruar, pasi Evropa dhe Shtetet e Bashkuara shihen si faktor ndihmues në Kosovë, ne kemi kapital politik atje.”

Ai shtoi se banorët e Kosovës duhet të nxisin dhe kultivojnë tradidat e tyre të tolerancës dhe të mos ndikohen nga forcat e jashtme.

Autoritetet në Kosovë thonë se gjatë muajve të fundit nuk është regjistruar asnjë rast i ri i përfshirjes së qytetarëve të Kosovë në luftërat në Lindjen e Mesme, por ka ka pasur përpjekje për t’u bashkuar në këto luftëra. Aktualisht, sipas zyrtarëve të qeverisë, në zonat e konfliktit në Lindjen e Mesme ndodhen rreth 80 qytetarë nga Kosova, ku gjysma prej tyre janë gra dhe fëmijë.

Harta/ Qytetet e Shqipërisë më të rrezikuar nga tërmetet

16:44 Sociale

Rruga Tiranë-Elbasan përfundon në qershor të 2017

16:37 Sociale

VIDEO/ I vendos bashkëshortes kamera në dhomë, por ajo që zbulon është vërtet tronditëse

15:06 Sociale

Autoriteti i Mbikëqyrjes Financiare lan duart: Çmimin e sigurimit e vendosin kompanitë

11:42 Sociale

FOTOT/ Nga një gërmadhë, në një shkollë me kalçeto e fushë basketbolli

10:53 Sociale

Çmenduria e një memoriali komunist në qendër të Kavajës: Ky popull do vetëm bukë!

20:35 Sociale

“Pallati i endrrave” i Kadaresë botohet në serbisht

19:12 Sociale

Harito: Call center për informinin e qytetarëve për shërbimet publike

19:10 Sociale

Moter Mariana nga Shqipëria; “Nje djalë më shpëtoi jetën”

19:09 Sociale

Valë e re muxhahedinësh, mbërrijnë në tiranë 155

19:08 Sociale