Te fundit
Vrasja e vëllait të ish-kryekomunarit, një tjetër i arrestuar në Sarandë
29 Shtator 2016, 09:17Kronika
TEMA
Policia e Sarandës ka arrestuar edhe një person të tretë të akuzuar si i përfshirë në vrasjen e vellait te ish-kreut të njësisë administrative të Kaçinarit të Mirditës.
Ngjarja ndodhi 3 ditë më parë në Sarandë.
I arrestuari është Eduard Gjonaj 38-vjeç nga fshati Shendelli me origjinë nga Mirdita dhe akuzohet se së bashku me Fernando Dedën 25 vjeç dhe adoleshentin Gj. A. 16 vjeç morën pjesën në vrasjen e 47-vjeçarit Aleksandër Bardhi (foto lart).
Fernando Deda dhe Gj. A. 16 vjeç u arrestuan tre ditë më parë nga Policia e Sarandës, ndërsa Eduard Gjonaj u vendos në pranga mbrëmë.
Njëri nga të arrestuarit, Fernando Deda ishte me precedent penal, pasi ishte dënuar me 5 vite burg për veprën penale “Trafikimi i mjeteve motorike”.
Arma e vrasjes iu gjet 16 vjeçarit.
Aleksandër Bardhi u qëllua me armë në Shëndëlli, ndërsa sipas prokurorisë shkoi vetë në shtëpi, por rrugës për në spital ndërroi jetë.
Viktima është vëllai i Petrit Bardhit, ish-kryetar i njësisë administrative Kaçinar. Petrit Bardhi njihet person me precedent penal, pasi është arrestuar dy herë nga policia, për trafik droge dhe armëmbajtje pa leje.
Prokuroria po heton në dy pista; grabitje ose grindje për çështje droge.
Lini një Përgjigje
Më të lexuarat
24 oret e fundit
Javen e fundit
Blog Tema
