Te fundit
INTERVISTA/ Spartak Braho: Kush është miku për të cilin hyra në burgun 302 dhe dy fjalë për gazetarin Hoxha…
30 Shtator 2016, 08:49Politika
TEMA
Kreu i Sigurisë Spartak Braho në një intervistë për “GSH” pohoi se ka qenë në burgun 302 për një vizitë ku ka takuar mikun e tij Iljaz Labi.
I pyetur në ka takuar ndonjë të burgosur tjetër siç mund të jetë Dritan Dajti apo Kastriot Ismailaj, Braho deklaron se këto muhabete janë qesharake ndërsa tha se vizita e tij ka qenë konform ligjit dhe se ka takuar vetëm z. Labi, të cilin e ka mik të hershëm dhe se është edhe aktivist i Lëvizjes Socialiste për Integrim.
Braho u shpreh se e gjithë historia është intrigë, ndërsa tha se në qoftë se vetë gazetari Hoxha do të futet në burg për shpifje, do të shkoj ta takoj edhe atë.
Z.Braho, emri juaj është përfolur në media se keni bërë një vizitë në burgun 302, aty ku ndodhen dhe emra të njohur të botës së krimit, sa i vërtetë është ky lajm?
Unë kam qenë atje në atë burg, është shumë e vërtetë. Kam takuar Iljaz Labin, madje nuk kam qenë vetë, por kam qenë së bashku me avokatin e Labit, Petrit Serjani dhe nënën e Iljazit. E ëma tij kishte marrë vesh që Ilajzi ishte sëmurë e i thashë që do të shkonim bashkë ta shihnim.
Askush nuk më ndalon mua si deputet të vizitoj të burgosurit ose të paraburgosurit dhe çdo porosi tjetër është e kundra ligjshme.
Çfarë është kjo porosi?
Bëhet fjalë për lajmin sikur ka dhënë porosi drejtori i burgjeve që deputetët duhet të marrin leje tek ai.
Cili është komenti juaj për sa u përket lajmeve që mund të keni takuar dhe persona të tjerë?
Në të gjithë këtë histori ka një skenar. Unë kam vaji tur në burg që nga Fatos Nano e deri tek i fundit fare nga këta deputetët socialistë, pasi profesioni im është avokat, nuk kam vajtur në cilësinë e kryetarit të Komisionit të Sigurisë, por si deputet kam takuar Iljaz Labin pasi kam marrëdhënie familjare me të.
Unë nuk kam takuar as Kastriot Ismailaj e as Dritan Dajtin kjo është qesharake ka një raport që e vërteton se unë nuk kam shkuar qeli më qeli të takoj asnjë njeri përveç vizitës me Labin. Gjykoj se ndaj z.Labi është thurur një intrigë, e cila e ka paralizuar, por këtë çështje do ta vendosë drejtësia, por premtoj z.Hoxha që, nëse ai futet në burg për shpifje edhe atij do t’I shkoj për vizitë.
A është e vërtetë që gjatë vizitës suaj në burgun 302 janë fikur kamerat regjistruese?
Këto janë muhabete kot. Atje ka një raport të SHKB, e cila ka konfirmuar se vizita ime atje ka qenë normale kam takuar Iljaz Labin si mik të hershëm.
Këtu ka njëvajhistori intrige që dikush është I interesuar të më përgojojë, por nuk ka rëndësi, gjithsesi, ta them sërish se unë, z. Hoxha, kur të bie në burg për shpifje do të shkoj ta takoj ashtu siç takova Ismail Morinën ose i njohur ndryshe si ballisti njeriu që ngriti dronin mbi stadiumin e Beogradit në tetor 2014.
Përse e thoni që mund të bierë në burg për shpifje gazetari Hoxha?
Pasi Artan Hoxha është një shpifaxhi i vogël që merret me intriga sepse sponsorizohet kjo është e para. S’kisha asnjë arsye tjetër për të takuar asnjë njeri tjetër. Të gjitha pretendimet e gazetarit Hoxha nuk janë të vërteta pasi nuk konfirmohen nga raporti i zyrtar i SHKBsë së Drejtorisë së Burgjeve.
Ka qenë një vizitë normale brenda ligjit, brenda rregullave vizitë që ka vijuar për rreth 12 minuta më tepër I shqetësuar për gjendjen shëndetësore të tij. Ishte vizitë humane njerëzore dhe këtë unë e kam bërë për mjaft njerëz të majtë apo të djathtë qofshin.
Po ai, Tan Hoxha, e di shumë mirë. Ai nuk e harron atë çantën time, ajo çanta ime ka 6 ndarje dhe një ndarje është për Tanin, por kismet.
Nuk të kuptova për çfarë ndarjesh e keni fjalën, çfarë ka tek ajo ndarja?
E kupton vetë Tani, ajo çanta ka një ndarje vetë për të edhe bosin e tij se i kishte bërë shumë përshtypje çanta ime, pasi kur morën telefonin tha të mos e hapnin pasi ai telefon ka aq shumë gjëra për Edi Ramën sa si ka dhe çanta e Spartakut.
Z.Braho, vetëm dy ditë më parë u publikua një oficer i policies gjyqësore ku mori 18 mijë euro në emër të prokurorit Ardian Braho, A keni ju ndonjë lidhje me të duke qenë se keni të njëjtin mbiemër?
Unë nuk kam asnjë lloj lidhje. Pas penalizimit të prokurorit Ardian Braho dikush aludon se është djali im, dikush aludon se është vëllai im, dua të sqaroj se unë nuk kam të bëj fare me të, ai është nga Shkodra unë jam nga Skrapari. Skam asnjë lidhje fare me të.
5 komente në “INTERVISTA/ Spartak Braho: Kush është miku për të cilin hyra në burgun 302 dhe dy fjalë për gazetarin Hoxha…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po cudi e madhe qe te gjithe keto drejtoret, politikanet etj, soji e sorollopi i tyre, kur futen ne burg na dalin qe jane me semundje te renda. Eeeeee ……..Cudi e MADHE
I kudo ndodheshmi “Baba Taku”.
Ku ndihet era e mutit shkon dhe miza,
ku ka maskarallek do duket ky maskarai.
………………………………………………………….
para dy muajsh qeveria i akordoj ketij maskarai
48 meleon lek se ishte i semure,..ja si shperdorohen taksat tona.
Kjo qeveri me kryeministrin bastard Edi Rama duhet rrezuar
me cdo kusht dhe sa me shpejt dhe cdo menyre e mjet eshte i ligjeshem
mbasi duhet ndaluar tatepjeta qe ka marre vendi yne drejt humneres.
KA SHKUAR SI AVOKAT??A KISHTE VESH PELERINEN E AVOKATIT,SI DEPUTET???APO SI LESH SA BUKUR I NDAJNE DETYRAT SIPAS RASTIT…
a e kishte canten me vete, ky kancer i sigurimit e LSI?
Me duket nje qendrim shume i keq, ky qendrimi i ketije deputeti per mendimin tim veprimet qe ben ai nuk jane morale. Nqse ndonje i paraburgosur ka probleme shendeti ,burgjet kan rregulla se si ata takohen nga te afermit. Car behet me ate te burgosur qe jane te semur e nuk njohin kete deputet? Kush i ndihmon te afermit e tije per ti takuar. Ky deputet ne vend qe te distancohet nga keta kushurinje hajdut dhe kriminele ,shkon dhe u jep mbeshtetje. Ky duhet te ndjej dhe pak pergjegjesi per ato veprime qe ka kryer kushuriri. Eshte e kuptushme qe ate vend pune me detyre drejtimi qe ka zene kushuriri pa tjeter qe ka patur dhe rekomandimin e tije. Mjere populli per keta deputet