Qeveria e Kosovës shpall 10 pikat kundër Edi Ramës

Pas kthimit të Edi Ramës nga Beogradi, qeveria e Kosovës ka bërë një deklaratë zyrtare, ku shpreh dhjetë arsye përse nuk pajtohet me politikën e Edi Ramës.

Më poshtë deklarata:

Qeveria e Kosovës është e obliguar të paraqesë arsyet e veta, përse nuk e pranon mbrojtjen e Edi Ramës në Beograd.

Edi Rama ka folë pa leje tonën. Me kryministrin Mustafa, s’ka komuniku prej kohësh e me Thaçin veç kur ka qenë në Tiranë. Ai nuk na ka pyet kur ka shku në Beograd dhe as na ka pyet me e sqaru për policin me mbiemër Thaçi. Ai ka mendu se është kushëriri i Hashimit dhe e ka mbrojt, por ai është një hajn cigaresh që na ka ngel në dorë.

Edi Rama nuk mund të përfaqësojë qeverinë e Kosovës, as kryeministrin e saj, pasi ai është i gjatë 2 metra e 3 centimetra, e kryemisntri i Ksovës 169 cm. Pra ka jo vetëm diferencë ideore, por dhe fizike.

Edi Rama e kishte një gravatë plot lule dhe kisha të fshehura poshtë tyne, që janë mesazhe masonësh, e ne nuk pajtohena me kësi mashtrimesh. I dum gjanat haptazi. Ngjyra e gravatës të jetë uniform, ose e kuqe me një vijë të zezë, ose blu me gjashtë yje të verdhë. Kombinime të tjera nuk pranohen.

Edi Rama i ka taku liderët shqiptarë të Prshevës me Vuçiçin dhe ata janë ndjerë ngushtë dhe s’kanë mujt me fol se u ka ardh zor prej të dyve. Rama e ka bë me qëllim që ata mos me fol, pasi duke qenë të gjithë bashkë, s’kanë pas mundësi me sha njëni- tjetrin.

Edi Rama e ka veç një shok në Prishtinë, Baton Haxhiun, e gazetarët e tjerë detyrohen me pas shok Ilir Metën e Sali Berishën. Dhe kjo nuk ban.

Edi Ramën e kanë mbrojt në Tiranë jo se e dojnë, por se nuk na dojnë na. E për këtë arsye, ne nuk kena interes me e dasht Shqipërinë dhe e po e shpallim armike.

Edi Rama e ka ofendu ministrin Hoxhaj gjatë kthimit nga Beogradi herën e pare, kur ishte dy vjetët e shkuara. Kur qëndruan në Prizren me hëngër drekë, Enver Hoxhaj u ngrit me çu një dolli për Edi Ramën dhe ai e ka fye në sy të gazetarëve. I ka thënë “Ulu mos na ça trapin”. Enveri e ka raportuar vonë këtë incident, ndaj po reagojmë tani.

Gjatë drekës në Prizren, Rama ka shfaq bezdi nga qoftet Syla, çka tregon se ai është kundër identitetit kosovar.

Në librin Kurban, që u promovua në Serbi, ai ka pas disa pasazhe kundër Ilir Metës dhe Sali Berishës. Përkthimi në serbisht i tij, tregon se ai ka synuar me diskretitu dy politikanët shqiptarë në Beograd, ndaj ne nuk mund ta tolerojmë.

Do ndërmarrim një fushatë për ndryshimin e krejt emrave të qytetarëve tanë me toponime të Shqipnisë, duke i detyru me vënë emra me toponime të Kosovës. Ata që kanë shtetësi të dyfishtë, do të lejohen të mbajnë të dy emrat. Përshembull, Skrapar Buzhala është në rregull, pasi emri është një qytet në Shqipni, dhe mbiemri është një katund në Kosovë.

Skrapar Buzhala: Kur kritikojmë Edi Ramën e bëjmë për të mirë të Shqipnisë, jo të Kosovës

20:04 Antena

Fjalimi programatik i Enver Hoxhaj për Kosovën dhe Shqipërinë

20:38 Antena

Karmina jep këshilla si blogere për gazetarët

19:43 Antena

Karmina shpjegon si e financojnë hotelet luksoze si blogere

19:01 Antena

Karmina shpjegon çelësin e suksesit të saj në një hotel në Stamboll

19:54 Antena

Deputetja seksi e PD, shpjegon komentet për çiftin Berisha

19:21 Antena

Komentet e politikanëve shqiptarë, pas humbjes në ndeshjen me Spanjën

19:10 Antena

Komentet e politikanëve shqiptarë për dasmën e Princ Leka II

21:07 Antena

Karmina komenton dasmën e çiftit mbretëror

20:11 Antena

Ristani proteston që Ed Ha Lim i ka vjedhur diagnozën

19:55 Antena