Sot gazeta Shqiptarja.com ka publikuar një intervistë me delegacionin e BE-së në Tiranë, i cili përmes përgjegjëses së zyrës për informimin dhe komunikimin është shprehur mbi ligjin e ri të mbetjeve që është votuar së fundmi në Kuvend si dhe për përputhshmërinë e tij me legjislacionin e BE-së. E thënë me një fjali, ky ligj sipas BE-së është se “Ky ligj përputhet me direktivat e BE-së, ndërsa ndryshimet e tetorit 2013, të Ligjit mbi Menaxhimin e Integruar të Mbetjeve nuk përputheshin me acquis dhe se menaxhimi i mbetjeve mbetej një shkak serioz për shqetësim.”. Kjo duket se i jep fund çdo debati politik.

Sa më lart, është i qartë ligji dhe efektet e tij, për sa kohë themi që BE-ja ka standartet dhe kërkon standartet më të larta. Duket qartë poashtu se ky ligj është i tillë që nuk ka vend për diskutim politik për sa kohë BE-ja i vë vulën dhe se në 2013 ka qenë i drejtë debate i madh politik për sa kohë BE-ja e ka konsideruar të papërputhshëm me direktivat e BE-së.

Në këto kushte opozita në Shqipëri ndodhet në një situatë aspak të favorshme dhe në një moment humbje të thellë besueshmërie. Sepse pikërisht ligjin që ata këmbënulën deri në 2013-tën të votonin ishte sipas BE-së i papranueshëm, ndërsa ligji që ata sot kundërshtojnë është sipas direktivave të BE-së, konform legjislacionit europian. Rrjedhimisht Partia Demokratike del dy herë kundër BE-së. Një herë kur tentoi të votojë një ligj kundër direktivave dhe standarteve të saj dhe tani që kundërshton ligjin e aprovuar nga BE.

Por, pse një sulm i tillë ndaj Bashkimit Europian?

Para pak muajsh Partia Demokratike sponsorizoi një fushatë intensive kundër Romana Vlahutin, ambasadores e Bashkimit Evropian në Shqipëri. Para pak ditësh organi zyrtar i PD-së, “Rilindja Demorkatike” do të hapte faqen e saj të parë të saj duke akuzuar numrin dy të Brikselit, Federica Mogherinin për lidhje me trafikun e drogës. Duke ju shtuar këtyre edhe gjuhën e ashpër të selisë blu ndaj ndërkombëtarëve, e cila është një mesazh për BE-në se situata politike në Shqipëri nuk është e qetë, dalim në strategjinë finale të PD-së. Strategji e cila në fakt është hiç më pak se e njëjta me atë të betejës kundër reformës në drejtësi.

Partia Demokratike me qëndrimin e saj anti-BE, me sulmet e saj ndaj ambasadores Vlahurin, zv.Presidentes Mogherini dhe gjuhës së ashpër kundrejt kundërshtarëve në Tiranë, ka si synim final mosçeljen e negociatave BE-Shqipëri. Ide e cila u artikulua para pak javësh në komisionin e Integrimit nga deputeti demokrat, Aldo Bumçi, i cili u shpreh se: “Europa nuk mund të mbyllë sytë dhe të hapë negociatat për Shqipërinë”. Ndërkohë që sot ambasadorit i Austrisë në vendin tonë Johann Sattler u shpreh se “Jam optimist që negociatat do të hapen në dhjetor mes Bashkimit Europian e Shqipërisë. Rëndësi ka qe tani të zbatohet reforma më e rëndësishme në vend, ajo e Drejtësisë”.

Historia e kësaj partie e di fort mirë se si mërzitet BE dhe se si prishen marrëdhëniet me ndërkombëtarët dhe pse ai që “e ha” është qytetari shqiptar. Sepse e ka bërë disa herë për interesat e ngushta politike të Tiranës. Ndaj as këtë herë nuk po kursehet ndaj BE-së, duke i dalë kundër direktivave si e si që ajo të mos çelë negociatat me Shqipërinë. Natyrisht edhe duke shpresuar fort që reforma në drejtësi të ngecë.

2 komente në “Strategjia e PD-së kundër çeljes së negociatave BE-Shqipëri”

Arber Iliri says:

18 Tetor, 2016 19:14 te 7:14 pm

PD, parti anti shqiptare, qe i ka sjelle vendit me monstruozitetin e drejtimit politik dhe qeverises, gjendjen e sotme ..Duhet zhdukur nga skena politike shqiptare jo vetem Berisha por e gjitha si strukutre politike se po tregon se nuk ndahet dot nga politika antishqiptare.

Përgjigjjuni
Ben Dibrani says:

19 Tetor, 2016 10:04 te 10:04 am

Nuk do shume mend, PD eshte ajo qe ka qene, nje grup banditesh qe ka vepruar kunder interesit Shqiptar. Mendoj qe tashme eshte bere nje klishe – Nese PD mban nje qendrim, ky mund te sherbeje si orientim per te mbajtur qendrim diametralisht te kundert per t’i sherbyer vendit.

Përgjigjjuni