Te fundit
Ditari i Megi Pjeshkës: Si na provokoi Edi Rama në çadër?
5 Mars 2017, 20:42Antena
TEMA
Sot na ndodhi një ngjarje e rëndë në çadër. Paradite Luli tha, se e pret Edi Ramën në çadër, të vijë të flasim për qeverinë teknike. Ne e morëm në fillim si shaka.
-Si do guxoj ai, të vij këtu,- tha shoku im nga Laçi.
-Ndoshta e tha, ta fusë në sedër , -i thashë unë.
Dhe kështu po diskutonim, se sa mirë ia bëri Luli që e futi në sedër Ramën.
Kur aty afër drekës, shoku im nga Laçi dha kushtrimin.
-Po vjen Edi Rama!.
Aldua mori menjëherë në telefon Flamur Nokën, ai lajmëroi Strazimirin dhe ai dha kushtrimin.
-Po prit një herë,- tha Aldua, mos u bëni gati për luftë se mund të ketë ardhur për qeveri teknike.
Në çadër u vendos heshtja.
-Ka të drejtë,- tha Salianji, mund të jetë punë politike. Nuk keni punë ju, e pres unë. I di unë kushtet që ka vënë Luli.
– Po të jetë për kushte, kemi veç Flamurin, tha shoku im nga Laçi..
-Po është bisedë intelektuale i tha Salianji, nuk është për Flamurin. Flamuri përgjigjet për Sigurinë e çadrës. Ai po vjen për qeveri teknike se i ka bërë thirrje Luli.
Ndërkohë mbërriti Bylykbashi me një frymë. Hapi një dosje dhe zuri vend në tavolinë.
-Çfarë po bën i tha Salianji.
-Kam udhëzimet se ç’duhet thënë në rast se na thotë dakord për qeveri teknike, i tha Bylykbashi. Duhet t’i dështojmë patjetër bisedimet se po na dha qeveri teknike morëm fund, do hymë në zgjedhje e do humbasim.
Menjëherë në krah të Byklykbashit zuri vend Enno me dy “n”.
-Duhet të jem dhe unë në bisedime tha, se ju nuk kuptoni nga ekonomia.
Kështu tavolina filloi të zgjerohej dhe u bë një grup prej 7 vetësh që ishin në pritje të hyrjes së Ramës në çadër.
Ndërkohë që ai po i afrohej çadrës, më shkeli mua syrin dhe vazhdoi rrugën.
-Ai nuk po vjen,- tha Salianji.
-U thashë që është mashtrues,- tha Flamuri.
Ndërkohë grupi i Strazimirit, u nis pas Ramës për ta parë ku po shkonte. U ul për drekë tek “Il Gusto”.
-Ta sulmojmë tha Strazimiri.
-Jo të presim të dalë tha Flamuri dhe pastaj e qëllojmë.
Kështu ndërsa po debatonin, policia kishte mbërritur tek çadra dhe ajo ishte boshatisur.
-Ku shkoni tha Strazimiri, pse ikët?
-Kanë frikë se i merr policia se kanë sharë Edin i thashë unë.
Ndërkohë mbërriti Luli i shqetësuar.
Çfarë ka ndodhur,- tha dhe ai?
-Edi Rama na gënjeu dhe na provokoi tha Blykbashi. Ne menduam se do vinte në Çadër për qeveri teknike dhe u bëm gati ti dorëzonim letrat për firmë. Ai dikujt i shkeli syrin dhe iku për drekë tek “Il Gusto”. Na i la letrat në duar.
-Ky është provokim tha Luli. Kjo është shenjë që ai nuk është serioz dhe nuk na merr seriozisht. I duhet dhënë një mësim. Lëvizni. Shkoni tek “Il Gusto”. Thyeni xhamat, shpojini gomat. O të pranojë qeveri teknike ose bjerini me grusht.
Lini një Përgjigje
Më të lexuarat
24 oret e fundit
Javen e fundit
Blog Tema
