Të Shkretosh në përpjekje për të Lulzuar!

Nga Ana Abdi

Mbrëmë teksa doja të dija këndvështrimin tënd e përpiqesha të të kuptoja sado pak për këtë veprim kaq tekanjoz, që rrezikon të mbajë peng të ardhmen e vendit, irritohesha e më vinte të të zhdukja nga ekrani, se nuk arrija të kuptoja dhe të perceproja se si kryetari i opozitës, kandidati për Kryeministër i ardhshëm i vendit mund të ishte aq i papjekur, aq tallës me vullnetin e popullit dhe aq i papërgjegjshëm sa të hedhë në erë të gjithë përpjekjet 25 vjeçare të popullit tim për të shkuar drejt Europës. Nuk e kuptoja se çfarë lidhje kishin qëndrimet e tua, me atë buzëqeshjen e shtirur prej djali të mirë… U përpoqa të gjeja një persoanzh të të krahasoja, e mu kujtua shprehja që ti gjithmonë sulmon kundërshtarin tënd politik, Kryeministrin e ne shqiptarëve, “Fasadë”… Po po, Lulëzim, ti je fasadë… Ti je pikërisht ai! I sigurtë në budallallëk dhe i qeshur nga jashtë dhe i kalbur nga brenda. I kalbur për shkak se ke shitur besimin e popullit tënd dhe popullit democrat, për shkak se je zhytur në korrupsion, nuk ke arritje e as vizion se çfarë tu japësh më shqiptarëve…

Mosha ime biologjike më lejon të kujtoj se në një kohë kur PD-ja reformohej dhe pregatitej të vinte në pushtet, ti hyre atje si një prurje e re dhe shumë shpejt u katapultova në majat e PD-së dhe të pushtetit.. Deri këtu nuk ka asgjë… Njerëzit ishin të lumtur me ty, demokratët e ndershmë flisnin nën zë se ti ishe një figurë anti-berishiane brenda PD-së, që kishe ardhur ti merrje partinë Saliut… Mbaj mend shumë mirë kur ti kandidoje në Njësinë Nr. 11 si kandidat për deputet. Fitove, sepse të dhuruan një garë të lehtë, në një bastion të Partisë tënde.

Po ti Lul, ç’bërë sa herë të vunë në krye?

Nise si Ministër i Transporteve, ku në emër të “Rrugës së Kombit” u fryve në para, a thua se kishe projektuar autostradën “Tokë-Hënë”, vazhdove si Ministër i Punëve të Jashtme dhe na fale det e pasuri të shqiptarëve tek grekët, pastaj Ministër i Brendshëm, ku nën urdhërin tënd, edhe atëherë njësoj i papërgjegjshëm si dje, vrave katër vetë, në Bulevardin që sot e ke zënë me pahir… Të vu partia në garë për kreun e Tiranës, por Lul, as aty nuk ishe i zoti të fitoje, as me Partinë tënde në pushtet… Të gjithë e panë fitoren tënde të neveritshme, me vota të vjedhura, të vëna në tavolinë nga Arben Ristani… Edhe pse Bashkinë e more me pahir, nuk dite ta mbash, nuk dite të bësh një punë të mirë, por hodhe dhè mbi miliona euro të investuara nga Bashkia më parë, duke harruar që ato ishit taksat e qytetarëve dhe na ofrove një barë të denjë për të kullosur bagëtitë…

Pas gjithë këtyre që thashë, nuk e kuptoj pse akoma ta thërrasin emrin Lulëzim, ndaj

Jo fort i nderuar Shkretim,

Edhe Kreun e PD-së ta dhuruan, por ti nuk di të lulëzosh e ndërtosh asgjë! Ti nuk i çmon dhuratat dhe po e shkatërron PD-në, ashtu siç bërë me Shqipërinë. Ti ke në dorë një shans për ta çuar vendin tim përpara, por vepron sikur të ishe armik i këtij vendi.. Në fakt kur shikoj se si ke vepruar, mendoj që armiku do të kishte frikë nga popullit të vepronte kështu si ti.. Unë mendoj që armiqtë e Shqipërisë ta kanë zillinë ty Zoti Shkretim…

Boll mbajte peng fatin e vendit tim! Ti dhe lidershipi i PD-së nuk përfaqësoni më as demokratët dhe as popullin opozitar…Edhe unë kam shumë nevojë për një opozitë të fortë, që ti bërtasë nëpërmjet argumentave për punët që mund të bëhen më mirë në këtë vend, kam nevojë që opozita ti shtojë vlera kuvendit e politikbërjes, por jo…Ti  ke vendosur të bësh opozitë duke hedhur baltë, duke shpifur, nga çadra që ke ngritur duke shkelur mbi gjakun e viktimave që garda jote vrau me 21 Janar.

Po ky është vizioni yt… Raki dhe qofte zgare.. Qoftehane e ktheve pedonalen kur ishe kryebashkiak e shisje si kryevepër kulturore e argëtimi, kështu e propagandon dhe qoftehanen që ke ngritur me emrin “Çadra e Lirisë”?

Po mirë more kaq pak respekt ke për ata që të votëbesuan?Kaq injorantë dhe të paditur na pandeh ti ne Shqiptarët sa të blehemi me qofte dhe me përrallat e tua?

Po faj nuk ke, je mësuar të marrësh pushtetin me pahir dhe sa herë ndjen se do të dështosh grindesh e çirresh si një foshnjë e pavetëdijshme. Je në atë çadër Shkretim për të mbajtur peng të ardhmen e Shqipërisë, apo se je një i papërgjegjshëm që nuk di si të justifikosh humbjen dhe paaftësinë tënde??!!

I ç’nderuar Shkatërrim!

Futu në zgjedhje se kjo është dëshirë e popullit tim! Futu në zgjedhje dhe voto vazhdimësinë e vendit tim drejt të ardhmes së tij europiane!!

Kjo do të shfajsonte sado pak nga të gjitha mizoritë që ke bërë në kurriz të shqiptarëve, të cilët janë të urtë e të mirë, e gjithmonë falin e hedhin tutje çdo të padrejtë që bëhet në emrin e tyre… Lëri papërgejgjshmëritë dhe futu në zgjedhje se këtë duan edhe demokratët edhe socialistët… Dil nga ajo rrugë pa krye se je Askush që të na mbash peng!!

Shkretim, ti garancitë i ke, ke Kushtetutën, ke ligjet, ke Gjykatat… Edhe për të denoncuar korrupsionin dhe trafikun për të cilin bërtet ke Kryeprokurorin që e solle ti dhe Partia jote në krye… Shko Lul, shteti që le ti dhe po përpiqemi të rregullojmë ne ka institucione! Çfarë do ndreqësh në çadër?

Kam frikë se ty stë bën përshtypje çfarë them unë apo çdo i ri Shqiptar…

Kam frikë se nga ndjenja e dështimit që po del nga politika pa hyrë në histori, ose për shkak se do të mbahesh mend si Dështaku Lul me gjithë gjullurdirat që ke berë por që shqiptarët ti falën, ti do ta bësh dhe një të fundit… Ti do të shkaktosh trazira, ti do ti rikujtosh shqiptarëve 97-ën…

Ti thjesht do të ta japin pushtet në tavolinë… Ku është parë e dëgjuar kjo? Po për interest ë kujt e bën?

Unë e revoltuar shkruaj për ty, por në fakt nuk të drejtohem ty… Unë e kam me të rinjtë, me të rinjtë demokratë, socialist, të qëndrës dhe me ata pa parti…

Mos e lini këtë të papërgjegjshëm të na mbajë peng të ardhmen! Mos e lini të hedhë në erë sakrificat e prindërve tuaj!! Ai nuk ka çfarë humb, por ne po, ne humbim shumë… Ne ose shkojmë drejt progresit, ose drejt regresit dhe Shqipërisë që na ofroi dhe la kasta dhe lidershipi i partisë së tij para katër vjetësh… Kërkojini menjëherë të hyjë në zgjedhje e të votojë vazhdimësinë e Reformës në Drejtësi.. Populli këtë vullnet ka!

Të rinj të këtij vendi, në rast se Luli vepron kundër interesave tona dhe të ardhmes së Shqipërisë, braktiseni…

Le ti impnojmë Shqipërinë që duam, mos e lëni të na imponojë Shqipërinë që s’duam!

Nuk shoh ndonjë revolucion gjëkundi, Doktor!

09:23 Blog

Atij që i preka gurin para se me i prekë lëkurën!

08:59 Blog

Liria, për të qenë të pamoralshëm

16:49 Blog

Nuk ka qeveri teknike, as shtyrje të zgjedhjeve

14:53 Blog

A duhet të kemi frymë antiturke në Shqipëri?

12:09 Blog

Karnavale demokratike

10:39 Blog

Armand Shkullaku: Pse Edi Rama nuk ndahet dot nga Ilir Meta

10:07 Blog

Është koha për lajme të konfirmuara

09:48 Blog

Fundi i tmerrshëm i 164 partive bojkotuese nga 171 raste që njeh historia politike e kohëve moderne.

19:17 Blog

FRESSH kundërpërgjigje ndaj deputetes së LSI: Legjitimiteti i pushtetit të PS-së nuk është arrogance

19:15 Blog